Մասնակցի քննարկում:TheDedushka/Ավազարկղ 2

Վալենտին Ստրըկալո, ուկրաինական ռոք խումբ, որը հիմնադրվել է 2010 թվականին խմբի մենակատար Յուրի Կապլանի կողմից, ով հայտնի է դարձել Բուրիլցևո գյուղից միամիտ մի գավառական տղայի՝ Վալենտին Ստրիկալոյի անունից շոու բիզնեսի աստղերին տեսաուղերձների մի շարք ձայնագրելուց հետո: 2018 թվականի հուլիսին խումբը համերգներով հանդես եկավ Մոսկվայում և Սանկտ Պետերբուրգում և անորոշ ժամանակով ստեղծագործական դադար վերցրեց։ 2019 թվականի մայիսին Յուրի Կապլանը հայտարարեց խմբի լուծարման մասին։

Պատմություն

Տեսաուղերձ աստղերին

Յուրի Կապլանը 2008 թվականի մարտին Յուտյուբ-ում հրապարակեց իր առաջին տեսանյութը՝ տեսաուղերձ հղելով Վյաչեսլավ Մալեժիկին՝ իրեն անվանելով «Վալենտին Ստրիկալո Բուրիլցևո գյուղից»: Հեղինակի խոսքով՝ այս տեսահոլովակն արվել է «My Duck’s Vision» ստուդիայի նմանատիպ տեսահոլովակի տպավորությամբ, որում ստուդիայի դերասաններից Սեմ Նիկելը նույնպես դիմում է Վյաչեսլավ Մալեժիկին:

Այնուհետև Յուրին տեսաուղերձներ է հղել նաև Տիմատիին, Դիմա Բիլանին, Պոտապին և Նաստյա Կամենսկ, Չայ Վդվոյումին, ՄաքՍիմին, Տիմբալենդին և Սերգեյ Զվերևին: »Եվրատեսիլ 2008»-ի հաղթող Դիմա Բիլանին ուղղված դիմումը [[ՅուԹյուբ|Յուտյուբ]ում հրապարակման օրվանից մեկ ամսվա ընթացքում դիտել է մոտ 90000 օգտատեր, իսկ տեսանյութի հղումները տարածվել են Ռունետ-ով մեկ: Դիմա Բիլանին ուղղված կոչով տեսահոլովակի դիտումների թիվը գերազանցել է 3,000,000-ը, իսկ Տիմատիին՝ 1,000,000-ը։ Դիտումների ընդհանուր թիվը, նրա կոչերը փոփ աստղերին ՅուԹյուբում գերազանցել է 9,3 միլիոն դիտումը։

Խմբի հիմնադրում

Юрий Каплан

Իր կարիերայի ընթացքում Յուրին առաջին անգամ հյուրախաղերով հանդես եկավ «Comedy Club Dnepr Style»-ում դեռ 2008 թվականին։ Առաջին մենահամերգը տեղի է ունեցել 2008 թվականի աշնանը Կիևում՝ Ցար ակումբում։

«Valentin Strykalo» խումբը ստեղծվել է 2010 թվականին: Խմբի անդամներն էին Յուրի Կապլանը (վոկալ), Եվգենի Իլինը (բաս կիթառ), Եվգենի Միտինը (կիթառ) և Եվգենի Սելեզնևը (հարվածային գործիքներ): 2011 թվականին երկու անդամներ լքեցին խումբը և նրանց փոխարինեցին Անտոն Շչելկոնոգովը (հարվածային գործիքներ) և Անդրեյ Տրոպեշկոն (կիթառ)։ Այս կոմպոզիցիայում թիմն աշխատել է իր դեբյուտային ալբոմի վրա։

2012 թվականի փետրվարի 24-ին թողարկվեց դեբյուտային ալբոմը, որը կոչվում էր «Смирись и расслабься!» : 2013 թվականի ձմռանը «Кнопка» երգը տեղադրվեց համացանցում։

2013 թվականի հոկտեմբերի 20-ին թողարկվեց խմբի երկրորդ ալբոմը՝ «Часть чего-то большего», որը ներառում էր ինչպես նոր, այնպես էլ հայտնի երգեր, որոնք նախկինում հնչել են համերգների ժամանակ։

Համերգային երգացանկը բաղկացած էր ինչպես Յուրի Կապլանի սոլո կատարումներից ռոք ժանրի մեջ, այնպես էլ նրա նախկին խմբերում կատարվող երգերից, ինչպիսիք են «inShe» խմբի «Так гріє», «Аптека» և «водичка и пузырьки» խմբի «Наше лето», «Гори» երգերը: Համերգներին հնչեցին նաև այլ արտիստների երգերի քավր տարբերակները։

«Valentin Strykalo» խումբը ակտիվ շրջագայել է ԱՊՀ երկրներում, որտեղ տվել է ավելի քան հարյուր համերգ։ Խումբը նաև այցելեց մի քանի եվրոպական երկրներ։

2014 թվականին թմբկահար Անտոն Շչելկոնոգովը լքեց խումբը։ Նրան փոխարինեց Եգոր Չեգոնենկոն։

2015 թվականին Յուրի Կապլանին ուղեկցող բոլոր երաժիշտները լքում են խումբը։ Փոխարենը միանում են Կոնստանտին Պիժովը (կիթառ), Ստանիսլավ Մուրաշկոն (բաս կիթառ) և Վլադիմիր Յակովլևը (հարվածային գործիքներ)։ Նոր կազմով թիմը ձայնագրել և համացանցում տեղադրել է «Ինքն իրեն կորոշվի» երգը։ 2015 թվականի աշնանը խմբի հինգերորդ տարեդարձի պատվին շրջագայություն սկսվեց։

2016 թվականի հոկտեմբերի 14-ին խումբը թողարկում է երկար սպասված երրորդ ալբոմը, որը կոչվում է «Entertainment»: Այն ներառում է Յուրի Կապլանի կողմից 3 տարվա ընթացքում ստեղծված 8 երգ:

2019 թվականի մայիսին Յուրի Կապլանը հայտարարեց խմբի գործունեության դադարեցման մասին։

խմբի անդամներ

վերջնական կազմ

• Յուրի Կապլան - վոկալ, կիթառ, ստեղնաշար (2010-2018)
• Կոնստանտին Պիժով - կիթառ (2015-2018)
• Ստանիսլավ Մուրաշկո - բաս կիթառ (2015-2018)
• Վլադիմիր Յակովլև - հարվածային գործիքներ (2015-2018)

Նախկին կազմ

• Եվգենի Սելեզնև - հարվածային գործիքներ (2010-2011)
• Եվգենի Իլյին - բաս կիթառ (2010-2015)
• Եվգենի Միտին - կիթառ (2010-2011)
• Անդրեյ Տրոպեշկո - կիթառ (2011-2015)
• Անտոն Շչելկոնոգով - հարվածային գործիքներ (2011-2014)
• Մաքսիմ Թորիկ - հարվածային գործիքներ (2014-2015)