Մասնակից:Մախսուդյան/Ավազարկղ
Արտակ Վազգենի Մախսուդյան, գնդապետ, ՀՀ ՊՆ Տարածքային պաշտպանության և պահեստային ուժերի հրամանատարի տեղակալ:
Կենսագրություն[խմբագրել | խմբագրել կոդը]
Արտակ Մախսուդյանը ծնվել է 1972 թվականի հունվարի 17-ին Հայաստանի Հանրապետության Գեղարքունիքի մարզի Զոլաքար գյուղում: 1978-1985 թվականներին սովորել է Զոլաքարի N 2 միջնակարգ դպրոցում, այնուհետև տեղափոխվել է քաղաք Երևան և սովորել ֆիզմաթ գիշերօթիկ դպրոցում, ավարտել է 1988 թվականին: 1990 թվականին ընդունվել է Երևանի ճարտարապետաշինական ինստիտուտի ավտոճանապարհների և օդանավակայանների շինարարության ֆակուլտետը: 1995-1996 թվականներին սովորել է Երևանի բարձրագույն զինվորական բազմաբնույթ հրամանատարական ուսումնարանում և ստացել «լեյտենանտ» զինվորական կոչումը: 2005-2007 թվականներին սովորել և ավարտել է Ռուսաստանի Դաշնության Մոսկվա քաղաքի Համազորային ակադեմիան[1]:
2020 թվականին սովորել է Հայաստանի Հանրապետության Պաշտպանության նախարարության Պաշտպանության ազգային հետազոտական համալսարանում և ավարտել կարմիր դիպլոմով[2]:
Ընտանիք[խմբագրել | խմբագրել կոդը]
Ամուսնացած է, ունի 3 երեխա:
Զինվորական ծառայություն[խմբագրել | խմբագրել կոդը]
Զինվորական ծառայությունն սկսել է 1996 թվականից՝ որպես դասակի հրամանատար նշանակվելով Հայաստանի Հանրապետության Պաշտպանության Նախարարության Զինված ուժերի Կապանի բրիգադում (մշտական տեղակայման վայրը՝ Ջրական) և ծառայել մինչև 2001 թվականը: 2001 թվականին նշանակվել է Սանասարավանի գումարտակի հրամանատար, այնուհետև զորամասը տեղափոխվել է Պաշտպանական բանակի կազմ՝ 18 Հրաձգային Դիվիզիա (մշտական տեղակայման վայրը Հադրութ), որտեղ ծառայել է մինչև 2005 թվականը: 2007 թվականին նշանակվել է Հայաստանի Հանրապետության Պաշտպանության նախարարության Մարտական պատրաստության վարչությունում որպես ավագ սպա[3]: 2008-2010 թվականնեին զբաղեցրել է ՀՀ Պաշտպանության նախարարության Զինված ուժերի Սովետաշենի գնդի շտաբի պետի պաշտոնը: 2010 թվականին նշանակվել է ՀՀ Պաշտպանության նախարարության Զինված ուժերի Ճամբարակի զորամասի հրամանատար: 2012-2015 թվականներին զբաղեցրել է ՀՀ Պաշտպանության նախարարության Զինված ուժերի Քարվաճառի բրիգադի հրամանատարի պաշտոնը[4]: 2015 թվականին նշանակվել է ՀՀ Պաշտպանության նախարարության Զինված ուժերի շտաբի Զորքերի ծառայության վարչությունում որպես բաժնի պետ[5]: 2017 թվականին նշանակվել է ՀՀ Պաշտպանության նախարարության Զինված ուժերի 1-ին Բանակային կորպուսի հրամանատարի տեղակալ մարտական պատրաստության գծով[6]: 2019 թվականին նշանակվել է ՀՀ Պաշտպանության նախարարության Զինված ուժերի 4-րդ Բանակային կորպուսի հրամանատարի տեղակալ մարտական հերթապահության գծով: 2021 թվականից նշանակվել է ՀՀ Պաշտպանության նախարարության Զինված ուժերի Տարածքային պաշտպանության և պահեստային ուժերի հրամանատարի տեղակալ:
Մասնակցել է 2020 թվականի սեպտեմբերի 27-ին հակառակորդի կողմից սանձազերծած պատերազմական գործողություններին Ջրականի մարտերում:
Կոչումներ[խմբագրել | խմբագրել կոդը]
Պարգևներ[խմբագրել | խմբագրել կոդը]
2004 թվականին ճանաչվել է գումարտակի լավագույն հրամանատար Պաշտպանական բանակում և Հայաստանի Հանրապետության Զինված ուժերում: Ստացել է ՀՀ զինված ուժերի «Անբասիր ծառայության համար» քառաստիճան մեդալի 1-ն, 2-րդ, 3-րդ աստիճանները: Տարբեր տարիների շնորհվել է «Մարտական ծառայության» մեդալ (2005 թվական), «Մայրական երախտագիտության» մեդալ, «Անդրանիկ Օզանյան» մեդալ[7] (2009 թվական), «Մարշալ Բաղրամյան» մեդալ, «Հայոց բանակի 20 ամյակի» մեդալ (2011 թվական), «Մարտական հերթապահության» մեդալ (2014 թվական), Հայրենիքին մատուցած ծառայությունների համար 2-րդ աստիճան[8] (2012 թվական), «Հայրենիքին մատուցած ծառայությունների համար» 1-ին աստիճանի մեդալ[9] (2021 թվական):
Ծանոթագրություններ[խմբագրել | խմբագրել կոդը]
- ↑ «Главная страница». ova.mil.ru. Վերցված է 2022-01-12-ին.
- ↑ content. www.mil.am https://www.mil.am/hy/structures/63. Վերցված է 2022-01-12-ին.
{{cite web}}: Missing or empty|title=(օգնություն) - ↑ content. «ՀՀ ՊՆ - ՀՀ ԶՈՒ ՊԱՏՐԱՍՏՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ». www.mil.am. Վերցված է 2022-01-12-ին.
- ↑ LLC, Ayb Solutions. ««ՀԱԿԱՌԱԿՈՐԴԸ ՀԱՍԿԱՑԵԼ Է, ՈՐ ՉԻ ԿԱՐՈՂ ՀԱՋՈՂՈՒԹՅԱՆ ՀԱՍՆԵԼ»». Hay Zinvor (անգլերեն). Վերցված է 2022-01-16-ին.
- ↑ content. «ՀՀ ՊՆ - ԶՈՒ ԳՇ ԶՈՐՔԵՐԻ ԾԱՌԱՅՈՒԹՅԱՆ ՎԱՐՉՈՒԹՅՈՒՆ». www.mil.am. Վերցված է 2022-01-12-ին.
- ↑ Ժ.20:30-ի լուրերի թողարկում՝ 18.08.2018, Վերցված է 2022-01-16-ին
- ↑ content. «ՀՀ ՊՆ - Գրադարան». www.mil.am. Վերցված է 2022-01-12-ին.
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». president.am. Վերցված է 2022-01-12-ին.
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022-01-09-ին.