Մանուկ Սադաթյան

Մանուկ Սադաթյան
Ծնվել է	փետրվարի 1, 1840(1840-02-01)
Ծննդավայր	Դոնի Ռոստով, Եկատերինոսլավի նահանգ, Ռուսական կայսրություն
Վախճանվել է	դեկտեմբերի 30, 1866(1866-12-30) (26 տարեկան)
Վախճանի վայր	Երևան, Կովկասի փոխարքայություն, Ռուսական կայսրություն
Մասնագիտություն	բանաստեղծ և թարգմանիչ
Կրթություն	Լազարյան ճեմարան (1858) և Մոսկվայի կայսերական համալսարան
Աշխատավայր	Լազարյան ճեմարան

Մանուկ Սադաթյան (փետրվարի 1, 1840(1840-02-01), Դոնի Ռոստով, Եկատերինոսլավի նահանգ, Ռուսական կայսրություն - դեկտեմբերի 30, 1866(1866-12-30), Երևան, Կովկասի փոխարքայություն, Ռուսական կայսրություն), հայ բանաստեղծ, թարգմանիչ։

Կենսագրություն

Մանուկ. Սադաթյանը ծնվել է 1840 թվականի փետրվարի 1-ին Նոր Նախիջևանում (այժմ՝ ՌԴ Դոնի Ռոստով քաղաքի շրջագծում)։ 1858 թվականին ավարտել է Մոսկվայի Լազարյան ճեմարանը, սովորել է Մոսկվայի պետական համալսարանում։ 1862 թվականից դասավանդել է Լազարյան ճեմարանի նախակրթարանում, վարել վերակացուի պաշտոն։ 1865 թվականին տեղափոխվել է Երևան։

Սադաթյանի բանաստեղծությունները լույս են տեսել 1858-1859 թվականներին «Ճռաքաղ», «Մեղու Հայաստանի» պարբերականներում։ Հայերեն թարգմանական արվեստի ուշագրավ նմուշներից է Միխայիլ Լերմոնտովի «Դև» պոեմի թարգմանությունը («Հյուսիսափայլ», 1863-1864, № 1-3 տետրակներ)։ Մահացել է 1866 թվականին Երևանում։

Թարգմանություններ

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Լերմոնտով Միխայիլ։ Ընտիր երկեր երկու հատորով։ Հատոր առաջին։ Բանաստեղծություններ, պոեմներ.- Երևան։ Հայպետհրատ, 1941.- XX, 260, 1 չհ. էջ․- Որոշ ստեղծագործություններ։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 109)։