Մանդարինկա (ձուկ)

Այս հոդվածը ձկնատեսակի մասին է։ Այլ գործածությունների համար այցելեք Մանդարինկա (այլ կիրառումներ)։

Մանդարինկա
Գիտական դասակարգում
Թագավորություն Կենդանիներ Տիպ Քորդավորներ Դաս Ճառագայթալողակ ձկներ Կարգ Պերկեսազգիներ Ընտանիք Callionymidae Ցեղ Synchiropus Տեսակ Մանդարինկա
Լատիներեն անվանում
Synchiropus splendidus (Herre, 1927)
Հոմանիշներ
Callionymus splendidus Herre, 1927 Neosynchiropus splendidus (Herre, 1927) Pterosynchiropus splendidus (Herre, 1927)
Հատուկ պահպանություն
Քիչ մտահոգող տեսակ IUCN 3.1 Least Concern : ???
Դասակարգումը Վիքիցեղերում Պատկերներ Վիքիպահեստում ITIS 171730 NCBI 270530 EOL 205990

Մանդարինկա (լատին․՝ Synchiropus splendidus), փոքրամարմին, վառ գունավորմամբ ձուկ՝ dragonet ընտանիքից։ Մանդարինկաներն աշխարհի ամենագունագեղ ձկներն են։ Վաճառքի կետերում կենդանին հայտնի է նաև այլ անուններով՝ «Կանաչ մանդարինկա», «Գծավոր մանդարինկա»։

Էկոլոգիա

Այս 16 սմ երկարություն ունեցող կենդանին բնակվում է Խաղաղ օվկիանոսի արևմտյան ջրերում՝ Ճապոնիայի Րյուկյու կղզու և Ավստրալիայի հարավային շրջաններում։ Մանդարինկաներն, իջնելով ջրի խորքերը, սկսում են որսալ մանր խեցեմորթներ և այլ անողնաշարավոր կենդանիներ, որոնք հանդիսանում են մանդարինկաների հիմնական սնունդը։

Անվանում

Կենդանին իր անվանումն ստացել է իր վառ գունավորման համար, որը հիշեցնում է Չինական կայսրության Տանժերների (Մանդարին) հագուստը։ Կարևոր պաշտոնյաների գունագեղ թիկնոցներն այնպես էին ազդել եվրոպացի հետազոտողների վրա, որ բազմաթիվ գույնզգույն կենդանիներ սկսեցին համեմատվել Արևելքի հետ։

Մարմնի կառուցվածք

Մանդարինկաներն ունեն մի փոքր ձգված մարմին՝ թեթևակի տափակ գլխով։ Մարմինը հարթ է՝ առանց թեփուկների։ Աչքերը բավականին մեծ են։ Շուրթերը մեծ են նմանատիպ փոքր բերանի համեմատ, բայց դա կենդանուն հաղորդում է բնական տեսք։ Մեջքին առկա են 2 լողակներ։ Հետին՝ պոչային լողակը մեծ է, երբեմն գերազանցում է մեջքի երկրորդային հատվածը։

Այս կենդանիները պահվում են նաև աքվարիումներում։ Կենդանուն անհրաժեշտ է հատուկ խնամք. պետք է պահել ծովի թարմ ջրում, բնական քարերով պատված աքվարիումում։ Նրանց կերակրումը բարդ է այն առումով, որ չեն ուտում տարբեր սնունդ, այլ անհրաժեշտ է կերակրել կենդանի խոտակերներով և խեցգետնակերպերով (լատին․՝ Amphipoda)։ Հակառակ դեպքում նրանք կմահանան քաղցից։ Երբեմն հանդիպում են բացառություններ։ Կենդանուն կարելի պահել միայնակ, զույգով կամ համատեղելով մեկ արուն մի քանի էգերի հետ։

Մանդարինկային չպետք է շփոթել Չինաստանի մեկ այլ՝ համանուն ձկան (Siniperca chuatsi) հետ, որն օգտագործվում է որպես սնունդ։

Պատկերասրահ

• 

  Լեժա, Բելգիա, Թանգարան-ակվարիում

• 

  Ակվարիումում պահվող մանդարինկա

• 

  Երկու մանդարինկաներ

Տես նաև

• Արծաթաձուկ
• Ոսկե ձուկ

Գրականություն

• Dieter Brockmann։ Nachzuchten für das Korallenriff-Aquarium: Handbuch zur erfolgreichen Zucht von Korallen und Fischen. Birgitt Schmettkamp Verlag, 2006, ISBN 978-3866590038 (գերմ.)
• Wolfgang Mai։ Leierfische im Meerwasseraquarium: Pflege und Nachzucht. NTV Natur und Tier-Verlag, 2009, ISBN 9783866591097 (գերմ.)

Արտաքին հղումներ

• "Synchiropus splendidus". FishBase. Ed. Ranier Froese and Daniel Pauly. 10 2005 version. N.p.։ FishBase, 2005. (անգլ.)
• Մանդարինկա ձկան նկարներ (անգլ.)
• Մանդարինկա Archived 2008-07-06 at the Wayback Machine. (անգլ.)
• Ինչպես խնամել մանդարինկային (անգլ.)
• Մանդարինկա ձկան մասին տվյալներ և նկարներ (ռուս.)
• Նկարներ (ռուս.)