Մանանեխ սարեպտական

Մանանեխ սարեպտական
Մանանեխ սարեպտական
Դասակարգում
Թագավորություն	Բույսեր (Plantae)
Տիպ/Բաժին	Անոթավոր բույսեր (Tracheophyta)
Ենթատիպ	Սերմնավոր բույսեր (Spermatophytes)
Կարգ	Կաղամբածաղկավորներ (Brassicales)
Ընտանիք	Կաղամբազգիներ (Brassicaceae)
Տրիբա	Brassiceae
Ցեղ	Կաղամբ (Brassica)
Տեսակ	Մանանեխ սարեպտական (B. juncea)
Միջազգային անվանում
Brassica juncea Czern.

Մանանեխ սարեպտական (լատին․՝ Brassica juncea), կաղամբազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

40-60սմ բարձրությամբ միամյա խոտաբույս է։ Ցողունը ճյուղավոր է, տերևները՝ փետրաձև մասնատված կոթունավոր։ Վերին նշտարաձև տերևները ատամնաեզր են, նստադիր։ Կարճ ողկույզներում հավաքված են մանր ոսկեգույն-դեղին ծաղիկները։ Կարճ կտուցով պտուղը գլանաձև երկարավուն պատիճ է, որի մեջ մեկ շարքով դասավորված են գնդաձև սերմերը^[1]։

Տարածվածություն[խմբագրել | խմբագրել կոդը]

Որպես մոլախոտ աճում է ստորին լեռնային գոտու այգիներում և ցանքսերում և աղբավայրերում։ Հանդիպում է Արմավիրի, Արարատի մարզերում և Երևանում, իսկ որոշ շրջաններում նաև աճեցվում է։ Մեղրատու բույս է^[1]։

Նշանակություն[խմբագրել | խմբագրել կոդը]

Բուժական նպատակով օգտագործվում են սերմերը։ Դրանցից ստանում են եթերային և ճարպային յուղեր, որոնք օգտագործում են սննդարդյունաբերության մեջ։ Տերևներից պատրաստում են աղցաններ^[1]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.

Վիքիցեղերն ունի նյութեր, որոնք վերաբերում են «Մանանեխ սարեպտական» հոդվածին։

Վիքիպահեստն ունի նյութեր, որոնք վերաբերում են «Մանանեխ սարեպտական» հոդվածին։

[:0-1] 1,0 ^1,1 ^1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.

[1]