Մայքլ Ֆելոն

Վիքիպեդիայից՝ ազատ հանրագիտարանից
Մայքլ Ֆելոն
 
Կուսակցություն՝ Մեծ Բրիտանիայի պահպանողական կուսակցություն
Կրթություն՝ Սենթ Էնդրյու համալսարան, Epsom College? և Craigflower Preparatory School?
Մասնագիտություն՝ քաղաքական գործիչ
Ծննդյան օր մայիսի 14, 1952(1952-05-14)[1] (71 տարեկան)
Ծննդավայր Փերթ, Պերտշիր, Շոտլանդիա, Միացյալ Թագավորություն
Քաղաքացիություն  Միացյալ Թագավորություն
 
Կայք՝ michaelfallon.org.uk
 
Պարգևներ
Բաղնիքի շքանշանի ասպետ կոմանդոր

Մայքլ Ֆելոն (անգլ.՝ Sir Michael Fallon, մայիսի 14, 1952(1952-05-14)[1], Փերթ, Պերտշիր, Շոտլանդիա, Միացյալ Թագավորություն), Դևիդ Քեմերոնի առաջին և երկրորդ կաբինետներում (2014-2016), ինչպես նաև Թերեզա Մեյի առաջին և երկրորդ կաբինետներում (2016-2017) պաշտպանության նախարար։

Կենսագրություն[խմբագրել | խմբագրել կոդը]

1974 թվականին Մայքլ Ֆելոնն ավարտել է Սենթ Էնդրյուսի համալսարանը (Շոտլանդիա)[2]։

1974-1975 թվականներին աշխատել է Եվրոպական կրթական հետազոտական կենտրոնում (European Educational Research Trust), 1975-1979 թվականներին՝ Պահպանողական կուսակցության հետազոտական դեպարտամենտում (Conservative Research Department), միաժամանակ 1977-1978 թվականներին եղել է Լորդերի պալատում ապագայի հարցերով կոմիտեի (Committee on Future of the House of Lords) քարտուղարը։ 1979-1981 թվականներին եղել Է European Consultants Ltd-ի կառավարիչ տնօրեն, 1979-1983 թվականներին՝ բարոնուհի Էլլեսի օգնականը։

1983 թվականին առաջին անգամ Դարլինգտոնի ընտրատարածքում Պահպանողական կուսակցությունից ընտրվել է Համայնքների պալատ, սակայն 1992 թվականի ընտրություններում զիջել է լեյբորիստ Ալան Միլբերնին։ 1988 թվականին կառավարությունում զբաղեցրել Է Մարգարետ Թետչերի խորհրդարանական կազմակերպչի օգնականի պաշտոնը, իսկ 1990 թվականին եղել է ֆինանսների նախարարության լորդ-կոմիսարը (Lord Commissioner of HM Treasury): 1997 թվականից ընտրվել է Սևենոաքս շրջանում։ 1997 թվականին եղել է առևտրի և արդյունաբերության ստվերային նախարար, 1997-1998 թվականներին՝ ֆինանսների ստվերային նախարար[3][4]։

2009 թվականի մայիսին The Daily Telegraph թերթը Ֆելոնին մեղադրել է այն բանում, որ նա խորհրդարանական ծախսերը փոխհատուցելու համար գումարի մեջ ներառել է իր հիփոթեքի գծով վճարումների ամբողջ գումարը, չնայած ուներ միայն տոկոսների փոխհատուցման իրավունք և այդպիսով ապօրինաբար բյուջեից 8300 ֆունտ ստեռլինգի չափով փոխհատուցում է ստացել[5]։

2010 թվականի սեպտեմբերին Ֆելոնը դարձել է Պահպանողական կուսակցության նախագահի տեղակալ[6], 2012 թվականի սեպտեմբերի 4-ին նշանակվել է Քեմերոնի առաջին կաբինետում՝ ձեռնարկատիրության կրտսեր նախարար[7], 2013 թվականի մարտի 28-ին՝ Էներգետիկայի կրտսեր նախարար[8], իսկ 2014 թվականի հունվարի 16-ին նշանակվել է Պորտսմուտի գործերի նախարար, որի հիմնական խնդիրը քաղաքին անհրաժեշտ օգնություն ցուցաբերելն է նավաշինարարական գործարանի փակման հետևանքով առաջացած խնդիրների հաղթահարման հարցում[9]։

2014 թվականի հուլիսի 15-ին տեղափոխվել է պաշտպանության նախարարի պաշտոնի[10]։

2015 թվականի ընտրություններում հաղթել է ձայների 56,9 տոկոսի արդյունքով՝ առաջ անցնելով ուժեղագույն մրցակցից անկախության կուսակցության ներկայացուցիչ Սթիվ Լինդսեյից, որը ստացել է ընտրողների 17,9% աջակցությունը։ Մյուս կողմից, նախորդ ընտրությունների համեմատ Ֆելոնը բարելավել է իր արդյունքը 0,1%-ով, իսկ Միացյալ Թագավորության անկախության կուսակցությունը՝ 14%-ով[11]։

Քեմերոնի երկրորդ կաբինետում, որը ձևավորվել է 2015 թվականի մայիսի 7-ի ընտրությունների արդյունքում, Ֆելոնը պահպանել է պաշտպանության նախարարի պաշտոնը[12]։

2016 թվականի հուլիսի 13-ին Դևիդ Քեմերոնը պաշտոնաթող է եղել վարչապետի պաշտոնից՝ Եվրամիությանը Մեծ Բրիտանիայի անդամակցության շուրջ հանրաքվեի արդյունքների կապակցությամբ, որտեղ բրիտանացիները քվեարկել են ԵՄ-ից Մեծ Բրիտանիայի դուրս գալու օգտին։ Քեմերոնի իրավահաջորդը դարձել Է Մեծ Բրիտանիայի ներքին գործերի նախարար Թերեզա Մեյը, նրա աշխատասենյակում պահպանել է պաշտպանության նախարարի պաշտոնը։

2017 թվականի հունիսի 9-ին Ֆելոնը կրկին պաշտպանության նախարարի պորտֆել է ստացել Մեյի երկրորդ կաբինետի ձևավորման ժամանակ։

2017 թվականի նոյեմբերի 1-ին հրաժարական է տվել կառավարության պաշտոնից խորհրդարանի անդամների կողմից սեռական ոտնձգությունների դեպքերի դեմ արշավի ամենաթեժ պահին՝ ճանաչելով լրագրող Ջուլիա Հարթլի Բրյուերի նկատմամբ ոչ պատշաճ վարքագծի փաստը[13]։

Համոզմունքներ[խմբագրել | խմբագրել կոդը]

BBC-ին տված հարցազրույցում, մեկնաբանելով ԱՄՆ նորընտիր նախագահ Դոնալդ Թրամփի Ջեյմս Մեթիսին պաշտպանության նախարար նշանակելու մտադրությունը, Ֆելոնը հայտարարել է. «Ռուսաստանը մեզ համար ռազմավարական մրցակից է Արևմուտքում, և մենք պետք է դա հասկանանք», սակայն նշել է, որ Ռուսաստանի շահերի հետ պետք է հաշվի նստել[14]։

Անձնական կյանք[խմբագրել | խմբագրել կոդը]

1986 թվականի սեպտեմբերի 27-ին Մայքլ Ֆելոնն ամուսնացել է Վենդի Էլիզաբեթ Փեյնի հետ (Wendy Elisabeth Payne), նրանք ունեն երկու երեխա[15]։

Մրցանակներ[խմբագրել | խմբագրել կոդը]

Օրդեն Բանի շքանշան ասպետ-կոմանդորի աստիճան «սըր» տիտղոսով (2016 թվականի օգոստոսի 4)՝ «քաղաքական և պետական ծառայությունների համար»[16]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Munzinger Personen (գերմ.)
  2. ↑ David Torrance Whatever Happened to Tory Scotland?. — Edinburgh University Press, 2012.
  3. ↑ «Rt Hon Michael Fallon MP» (անգլերեն)։ UK Parliament։ Վերցված է 2015-06-09 
  4. ↑ Vicki Henderson (2015-02-26)։ «Darlington is 'easily winnable' for the Tories in the General Election says town's former MP» (անգլերեն)։ The Northern Echo։ Վերցված է 2015-06-09 
  5. ↑ Jon Swaine (2009-05-21)։ «MPs' expenses: Michael Fallon claimed £8,300 too much in mortgage expenses» (անգլերեն)։ The Telegraph։ Վերցված է 2016-03-14 
  6. ↑ Robert Winnett (2010-09-22)։ «Michael Fallon named Conservative Party deputy chairman» (անգլերեն)։ The Telegraph։ Վերցված է 2015-06-09 
  7. ↑ Holly Watt (2012-09-05)։ «Michael Fallon becomes business minister» (անգլերեն)։ The Telegraph։ Վերցված է 2015-06-09 
  8. ↑ Barry Gardiner (2013-03-28)։ «What Michael Fallon can do to prove his green credentials» (անգլերեն)։ The Guardian։ Վերցված է 2015-06-09 
  9. ↑ «Minister for Portsmouth to be Michael Fallon» (անգլերեն)։ BBC News։ 2014-01-14։ Վերցված է 2015-06-09 
  10. ↑ «Michael Fallon replaced as Portsmouth minister in reshuffle» (անգլերեն)։ BBC News։ 2014-07-15։ Վերցված է 2015-06-09 
  11. ↑ «Sevenoaks»։ Election 2015 (անգլերեն)։ BBC News։ Վերցված է 2015-06-09 
  12. ↑ «Cabinet reshuffle: Amber Rudd and Sajid Javid promoted» (անգլերեն)։ BBC News։ 2015-05-11։ Վերցված է 2015-05-12 
  13. ↑ Heather Stewart and Rowena Mason (2017-11-01)։ «Michael Fallon quits as defence secretary, saying his behaviour has 'fallen short'» (անգլերեն)։ The Guardian։ Վերցված է 2017-11-02 
  14. ↑ Анна Федякина (2016-12-11)։ «Министр обороны Британии назвал РФ "стратегическим соперником Запада"»։ Российская газета։ Վերցված է 2016-12-11 
  15. ↑ «Michael Fallon»։ Vote 2001 (անգլերեն)։ BBC News։ Վերցված է 2016-03-14 
  16. ↑ «Supplement 61678, page RH3»։ The London Gazette։ 16 августа 2016։ Վերցված է 2 ноября 2017 

Արտաքին հղումներ[խմբագրել | խմբագրել կոդը]

Ֆեյսբուք (անգլ.)
Ստացված է «https://hy.wikipedia.org/w/index.php?title=Մայքլ_Ֆելոն&oldid=8433921» էջից