Մայքլ Զադուրյան

Վիքիպեդիայից՝ ազատ հանրագիտարանից
Մայքլ Զադուրյան
Ծնվել էփետրվարի 26, 1957(1957-02-26) (67 տարեկան)
ԾննդավայրԴետրոյթ, Միչիգան, ԱՄՆ
Մասնագիտությունվիպասան
Քաղաքացիություն ԱՄՆ
ԿրթությունՈւտյնի պետական համալսարան (1995)[1]
Պարգևներ
Կայքmichaelzadoorian.com

Մայքլ Զադուրյան (անգլ.՝ Michael Zadoorian, փետրվարի 26, 1957(1957-02-26), Դետրոյթ, Միչիգան, ԱՄՆ), ամերիկահայ արձակագիր[3], ով իր երկերում ուշադրության կենտրոնում է պահում սերը, մահը, երաժշտությունը, հիշողությունը, Դեթրոյթը։ Նա առավել հայտնի է որպես 2009 թվականին Ուիլյամ Մորոու և Քոմփանի հրատարակչության լույս ընծայած «Ժամանց որոնողը» / The Leisure Seeker գրքի հեղինակ։ 2018 թվականին այդ վեպն էկրանավորվել է. ֆիլմի բեմադրողը իտալացի կինոռեժիսոր Պաոլո Վիրզին է, գլխավոր դերակատարները՝ Հելեն Միրենը և Դոնալդ Սազերլենդը։

Կենսագրություն[խմբագրել | խմբագրել կոդը]

Զադուրյանը ծնվել է 1957 թվականին Միչիգան նահանգի Դեթրոյթ քաղաքում։ Ռոզմարի Զադուրյանի (Սպալա) և արդյունաբերական լուսանկարիչ Նորման Զադուրյանի որդին է։ Ավարտել է Ուեյնի պետական համալսարանը ՝ ստանալով հաղորդակցության բնագավառի բակալավրի աստիճան։ Հետագայում շարունակել է ուսումնառությունն այդ նույն համալսարանում, որտեղ այս անգամ սովորել է գրողներ Չարլզ Բաքսթերի, Սամուել Աստրաչանի և Քրիստոֆեր Թաուն Լելանդի հետ։ Ընդ որում՝ ուսումնառության ընթացքում Թոմփկինսի երեք մրցանակ է շահել գեղարվեստական գրականության ու էսսեի համար և արժանացել է Լաուգհեդ-Էլդրիջի կրթաթոշակի։ 1994 թվականին ստացել է ստեղծագործական շարադրանքի մագիստրոսի աստիճան։

Նրա պատմվածքները լույս են տեսել The Literary Review, Beloit Fiction Journal, American Short Fiction, Great Lakes Review, Wisconsin Review, Witness, North American Review ամսագրերում և Detroit Noir, On The Clock և Bob Seger's House անթոլոգիաներում։

2000 թվականին WW Norton հրատարակչությունը լույս է ընծայել նրա առաջին վեպը՝ «Second Hand»-ը, որը պատմում է Դեթրոյթի տարածքում գտնվող մի հին խանութի սեփականատիրոջ մասին։ The New York Times Book Review-ն այն անվանել է «նվեր (Tiki) աստվածների կողմից» և «ռոմանտիկ արկած, որն ուսումնասիրում է այն, ինչ Եյթսը անվանել է «սրտի գարշապարը և ոսկորների խանութը» / 'the foul rag and bone shop of the heart.'”[4]: Գիրքն արժանացել է Great Lakes Colleges Association First Fiction մրցանակին և ընտրվել է Barnes & Noble-ի Discover Great New Writers և Book Sense 76 ծրագրերի համար[5]։

2009 թվականին Ուիլյամ Մորոու հրատարակչությունը տպագրել է նրա երկրորդ վեպը՝ «Ժամանց փնտրողը» վերնագրով։ Դա, այսպես կոչված՝ ճանապարհային վեպ է Ջոնի և Էլլայի մասին, տարեց մի զույգի, որը փախչում է բժիշկներից և չափահաս երեխաներից, ովքեր վերահսկողության տակ են վերցրել նրանց կյանքը, փախչում են՝ վերջին արձակուրդը միասին անցկացնելու համար։ Booklist-ը այդ վեպի մասին իր աստղանշված գրախոսության մեջ նշել է. «Ժամանց փնտրողը շատ նման է կյանքին. ուրախ է, ցավոտ, զվարճալի, հուզիչ, ողբերգական, խորհրդավոր և չպետք է բաց թողնել»։ «Լոս Անջելես Թայմսի» գրախոսականում վեպը բնորոշվել է որպես «մեծացած երեխաների սրտառուչ պատմություն, որոնք առնչվում են ծնողների մահից հետո մնացած «նյութերի» հետ՝ ֆիզիկական և էմոցիոնալ[6]։ Գիրքը դարձել է բեսթսելլեր Իտալիայում և հայտնվել է է IMPAC Դուբլինի գրական մրցանակի համար առաջադրված ստեղծագործությունների ցանկում։

2009 թվականին Ուեյնի պետական համալսարանի հրատարակչությունը լույս է ընծայել Զադուրյանի «Դեթրոյթի կորած Տիկի պալատները» պատմվածքների ժողովածուն, որն ստացել է Միչիգանի՝ մրցանակը[7]։

Գրողը 2010 թվականին Կոլումբիայի համալսարանի կողմից ստացել է «Անահիտ» գրական մրցանակը, 2013 թվականին՝ Կրեսգեի արվեստագետի կրթաթոշակ գրական արվեստի ասպարեզում[8]։

2016 թվականին Կաննի կինոփառատոնում իտալացի մրցանակակիր ռեժիսոր Պաոլո Վիրզին հայտարարեց[9], որ «Ժամանց փնտրողը» կլինի իր առաջին անգլալեզու ֆիլմը, որտեղ Հելեն Միրենը և Դոնալդ Սազերլենդը կխաղան Էլլայի և Ջոնի դերերը[10]։ Նկարահանումներն սկսվել են 2016 թվականի հուլիսին Ջորջիայում և ավարտվել 2016 թվականի սեպտեմբերին Քի Ուեսթում։ Ֆիլմը թողարկվել է 2018 թվականի մարտին ԱՄՆ-ում։

2018 թվականին Akashic Books հրատարակչությունը լույս է ընծայել Beautiful Music-ը, որը մի երիտասարդի վերափոխման պատմությունն է երաժշտության միջոցով։ Դեննի Յզեմսկին հասկի, փոփ ռադիո սիրող միայնակ է, ով հավասարակշռում է անգործունակ տնային կյանքն ու առաջին կուրսի անսպասելի դաժան իրողությունները ավագ դպրոցում, որը նշանավորվում է ռասայական խառնաշփոթով։ Այն բանից հետո, երբ ողբերգությունը հարվածում է իր ընտանիքին, Դեննին գտնում է շարունակելու իր սեփական պատճառը՝ ռոք-ն-ռոլը։ Մասնավորապես, տեղական լեգենդների ծանր երաժշտությունը, ինչպիսիք են MC5-ը և Iggy Pop-ը[11]։ O, The Oprah Magazine-ը Beautiful Music-ը անվանել է այդ ամռան լավագույն գրքերից մեկը[12], իսկ The Wall Street Journal-ն այն անվանել է «սիրելի տարիքի պատմություն, որը չափվում է երաժշտական ալբոմի թրեքներով»[13]։ Beautiful Music-ը ստացել է նաև Միչիգանի՝ «Աչքի ընկած գիրք» մրցանակ[14]։

2020 թվականին լույս տեսավ չորրորդ վեպը՝ «Փոքր տարբերությունների նարցիսիզմը», որը բարձր դրական գնահատականներ է ստացել Booklist և Kirkus Reviews- ից։ Library Journal-ն այն անվանել է. «[Մի] ջերմ, զարմանալիորեն զվարճալի վեպ միջին տարիքի ճգնաժամի մասին»[15]։ Publishers Weekly-ն նշել է, որ «Զադուրյանի ժամանակակից բարքերի կատակերգությունը ռեզոնանսվում է իր ներհայեցիկ կերպարների և կյանքի փոքր պահերի պատկերների շնորհիվ, որոնք միասին վերցրած մեծ նշանակություն ունեն»[16]։

2023 թվականին Զադուրյանը Միչիգանի գրադարանի կողմից ընտրվել է որպես 2022 թվականի Միչիգանի հեղինակային մրցանակի՝ Michigan Author Award-ի դափնեկիր[17]։

Անձնական կյանք[խմբագրել | խմբագրել կոդը]

Նախքան գրականության ասպարեզում ինքնահաստատվելը՝ Զադուրյանն աշխատել է որպես բեռնափոխադրումների գրասենյակի աշխատակից, Chrysler-ի գործարանի պահակ, UPS փոստի տեսակավորող, անկախ լրագրող, բայց հիմնականում որպես գովազդի հեղինակ, իր կարիերայի մեծ մասն անցկացրել է Դեթրոյթի տարածքում գործող Doner և Campbell Ewald գործակալություններում։ Նա ապրում է իր կնոջ՝ Ռիտա Սիմոնսի հետ Միչիգան նահանգի Ֆերնդել քաղաքում։

Երկեր[խմբագրել | խմբագրել կոդը]

Վեպեր[խմբագրել | խմբագրել կոդը]

  • Second Hand / Երկրորդ ձեռքի ապրանք (2000)
  • The Leisure Seeker / Ժամանց փնտրողը (2009)
  • Beautiful Music / Գեղեցիկ երաժշտություն (2018)
  • The Narcissism of Small Differences / Փոքր տարբերությունների նարցիսիզմը (2020)

Պատմվածքների ժողովածու[խմբագրել | խմբագրել կոդը]

  • The Lost Tiki Palaces of Detroit: Short Stories (2009)

Մրցանակներ[խմբագրել | խմբագրել կոդը]

  • Michigan Author Award մրցանակ Միչիգանի գրադարանի կողմից (2022)
  • Միչիգանի՝ «Աչքի ընկած գիրք» մրցանակ, Beautiful Music վեպի համար (2018)
  • "Great Lakes Great Reads " մրցանակ Beautiful Music վեպի համար (2018) Great Lakes Independent Booksellers Association-ի կողմից
  • Kresge Fellowship in the Literary Arts (2013)
  • Տեղ՝ International Dublin Literary Award մրցանակաբաշխության ցանկում (2011)
  • Միչիգանի՝ «Աչքի ընկած գիրք» մրցանակ՝ The Lost Tiki Palaces of Detroit ժողովածուի համար (2010)
  • Կոլումբիայի համալսարանի (NY) առաջադրմամբ՝ Անահիտ գրական մրցանակ (2010)[18]
  • Prix Chronos de Literature selection, Ֆրանսիա (2009)
  • Պատմվածքի միջազգային փառատոնի զեկուցող. Լեհաստան, Վրոցլավ (2009)
  • Honoree, Festivaletteratura, Իտալիա, Մանտուա (2009)
  • Great Lakes Colleges Association-ի (GLCA) First Fiction Award (2001)[19]
  • 2000-ականների լավագույն գրքեր, Detroit Free Press (2000)
  • 2000-ականների սիրված գրքեր, Chicago Tribune (2000)
  • Ընդգրկվածություն Barnes & Noble-ի կողմից ընտրված “Discover Great New Writers” ծրագրում (2000)
  • 2000-ականների լավագույն գրքեր, Fiction and Literature, Borders.com (2000)
  • Pre-Press Short Fiction award, Michigan Council for Arts (1995)

Ծանոթագրություններ[խմբագրել | խմբագրել կոդը]

  1. ↑ Hoffman R. LinkedIn — 2003.
  2. ↑ https://www.michigan.gov/libraryofmichigan/public/mnb/previous-notables/2019-michigan-notable-books
  3. ↑ Anahid Award Ceremony Celebrates Armenian-American Writers, The Armenian Weekly, April 29, 2014
  4. ↑ Eckhoff, Sally (2000 թ․ մարտի 26). «Castoffs». New York Times. Վերցված է 2016 թ․ դեկտեմբերի 28-ին.
  5. ↑ Noble, Barnes &. «2000 B&N Discover Great New Writers Selections, Barnes & Noble Discover Great New Writers Selections, Books».
  6. ↑ Wallen, Amy (2009 թ․ փետրվարի 17). «'The Leisure Seeker: A Novel' by Michael Zadoorian». Los Angeles Times.
  7. ↑ «The Lost Tiki Palaces of Detroit - Wayne State University Press».
  8. ↑ «Michael Zadoorian - Kresge Arts in Detroit».
  9. ↑ Calvario, Liz (2016 թ․ սեպտեմբերի 22). «The Leisure Seeker: Sony Pictures Classics Acquires Helen Mirren Drama - IndieWire».
  10. ↑ Jaafar, Ali (2016 թ․ մայիսի 12). «Helen Mirren & Donald Sutherland Team For 'The Leisure Seeker' – Cannes».
  11. ↑ «Beautiful Music».
  12. ↑ «Beautiful Music».
  13. ↑ Sacks, Sam (2018 թ․ մայիսի 11). «Fiction Chronicle: Measure for Measure». Wall Street Journal.
  14. ↑ https://www.michigan.gov/libraryofmichigan/public/mnb/previous-notables/2019-michigan-notable-books. {{cite web}}: Missing or empty |title= (օգնություն)
  15. ↑ «Library Journal».
  16. ↑ «Fiction Book Review: The Narcissism of Small Differences by Michael Zadoorian. Akashic, $28.95 (304p) ISBN 978-1-61775-817-1».
  17. ↑ https://www.michigan.gov/libraryofmichigan/public/michigan/michigan-booklists/booklists-compilations/michael-zadoorian---2022-michigan-author-award-winner. {{cite web}}: Missing or empty |title= (օգնություն)
  18. ↑ Hairenik (2014 թ․ մարտի 21). «Anahid Literary Awards Celebration at Columbia University». Sony Pictures.
  19. ↑ «Winners of the GLCA New Writers Award, (2001)» (PDF). Great Lakes College Association. Արխիվացված է օրիգինալից (PDF) 2016 թ․ ապրիլի 10-ին. Վերցված է 2016 թ․ դեկտեմբերի 28-ին.

Արտաքին հղումներ[խմբագրել | խմբագրել կոդը]

Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Մայքլ_Զադուրյան&oldid=9889427» էջից