Մալպենսա օդանավակայան
Մալպենսա օդանավակայան
| |||
|---|---|---|---|
| |||
| IATA: MXP – ԻԿԱՕ: LIMC | |||
  MXP Օդանավակայանի գտնվելու վայրը | |||
| Ամփոփում | |||
| Օդակայանի տեսակ | Հասարակական | ||
| Օպերատոր | SEA Aeroporti di Milano | ||
| Ծառայում է | Միլան | ||
| Տեղագրություն | Ֆերնո,  Իտալիա
| ||
| Բարձրացում ԲԾՄ | 1000 ֆտ / 304.8 մ | ||
| Կոորդինատներ | <maplink>: Couldn't parse JSON: Syntax error HGЯO
| ||
| Աշխատանքի ժամերը | շուրջօրյա | ||
| Կայք | |||
| Թռիչքի ուղի | |||
| Ուղղություն | Երկարություն | Ծածկ | |
| մ | ֆտ | ||
| 17L/35R | 3,920 | 12,861 | Ասֆալտ |
| Վիճակագրություն | |||
| Ճամփորդների թիվը | 18,582,043 | ||
Միլան-Մալպենսա օդանավակայան (իտալ.՝ Aeroporto di Milano-Malpensa, Aeroporto Città di Milano, անգլ.՝ Milano Malpensa Airport, City of Milan Airport) (IATA: MXP, ICAO: LIMC), նախկին անվանումը՝ Բոստո-Արսիցիո օդանավակայան[1][2] (իտալ.՝ Aeroporto Città di Busto Arsizio), Հյուսիսային Իտալիայում գտնվող ամենամեծ օդանավակայանը։ Սպասարկում է Լոմբարդիայի, Պիեմոնտի, Լիգուրիայի 15 միլիոն բնակիչներին։ Միլանի կենտրոնից գտնվում է 49 կմ հեռավորության վրա[3], մոտ է Լոմբարդիան և Պիեմոնտը իրարից բաժանող Տիչինո գետին։ Օդանավակայանն ունի երկու տերմինալ և երկու թռիչքուղի։ "CargoCity" տերմինալում տարեկան կտրվածքով իրականացվում են 435,000 տոննա միջազգային բեռնափոխադրումներ։
Առաջին արդյունաբերական օդանավակայանը Cascina Malpensa-ի հարևանությամբ բացվել է 1909 թվականին Ջովանի Ագուստայի և Ջոնավի Բատիստա Կապրոնիի հին ագարակում՝ փորձարկելու իրենց ինքնաթիռների նախատիպերը։ Այնուհետև, քաղաքացիական շահագործման նպատակով 1948 թվականին բացվել է այս օդանավակայանը պատերազմի վերակառուցման ժամանակահատվածում՝ ծառայելու Միլանի հյուսիսային հատվածին։
2015 թվականին Մալպենսա օդանավակայանը սպասարկել է շուրջ 18,582,043 ուղևորների[4]։ Ուղևորների առումով համարվում է Եվրոպայի 29-րդ ամենածանրաբեռնված օդանավակայանը։ Մինչև 2008 թվականը Մալպենսա օդանավակայանը եղել է Իտալիայի ազգային ավիափոխադրող Alitalia-ի խոշոր հանգույցը։ Մալպենսա օդանավակայանը Հռոմի Fiumicino օդանավակայանի հետ միասին համարվում են միջազգային ուղևորափոխադրումների և բեռների իտալական ամենածանրաբեռնված օդանավակայանները։
Տերմինալներ
[խմբագրել | խմբագրել կոդը]
Մալպենսա օդանավակայանն ունի երկու ուղևորային տերմինալներ, և նրանք կապված են օդանավակայանի մերձքաղաքային ավտոբուսների ցանցին։
Տերմինալ1
[խմբագրել | խմբագրել կոդը]Տերմինալ 1-ը բացվել է 1998 թվականին։ Այն նոր, մեծ և ավելի աչքի ընկնող[5] տերմինալ է։ Տերմինալը բաժանված է երեք բաժինների և ուղևորներին սպասարկում է ըստ նախատեսված, ինչպես նաև ըստ չարտերային չվերթների.
- Տերմինալ 1A՝ սպասարկում է ներքին և միջ-շենգենյան թռիչքները
- Տերմինալ 1B՝ սպասարկում է ոչ-շենգենյան և որոշ միջմայրցամաքային թռիչքներ
- Տերմինալ 1C՝ բացվել է 2013 թվականի հունվարին, սպասարկում է ոչ-շենգենյան և որոշ միջմայրցամաքային թռիչքներ
Տերմինալ 2
[խմբագրել | խմբագրել կոդը]Տերմինալ 2-ը ավելի հին տերմինալ է[5]։ Ներկայումս այն օգտագործվում է բացառապես easyJet-ի համար։ Նախկինում այս տերմինալում գործող բոլոր չարթերային ծառայությունները Տերմինալ 1-ի բացվելուց հետո տեղափոխվել են այնտեղ։
Այստեղ գործող միակ հասարակական տրանսպորտներից է ATM (Միլանի տրանսպորտ) տեղական ավտոբուսները կամ մերձքաղաքային ավտոբուսները, որոնք գործարկվում են Terravision, Autostradale և Malpensa Shuttle-ի կողմից։ Մալպենսա օդանավակայանում գործում են անվճար ավտոբուսներ Տերմինալ 2-ը Տերմինալ 1-ին կապելու համար[6]։
Ծանոթագրություններ
[խմբագրել | խմբագրել կոդը]- ↑ «Aeroportilombardi | Breve storia di Malpensa». Mxpairport.it. Վերցված է 2010 թ․ նոյեմբերի 7-ին.
- ↑ «Արխիվացված պատճենը». Արխիվացված է օրիգինալից 2013 թ․ նոյեմբերի 3-ին. Վերցված է 2016 թ․ հուլիսի 4-ին.
- ↑ «EAD Basic». Ead.eurocontrol.int. Վերցված է 2010 թ․ նոյեմբերի 7-ին.
- ↑ Associazione Italiana Gestori Aeroportuali
- ↑ 5,0 5,1 «Milan Malpensa Airport». Avventure Bellissime. Վերցված է 2015 թ․ մարտի 27-ին.
- ↑ «Directions and Parking». Վերցված է 2015 թ․ ապրիլի 6-ին.
Արտաքին հղումներ
[խմբագրել | խմբագրել կոդը]- Milan–Malpensa Airport – Official website
- SEA SpA Արխիվացված 2012-11-07 Wayback Machine – Official website
- Malpensa Airport AOC & USERS Committees MXP Milan Արխիվացված 2017-09-13 Wayback Machine
 | Վիքիպահեստն ունի նյութեր, որոնք վերաբերում են «Մալպենսա օդանավակայան» հոդվածին։ |
| ||||||
