Ձնծաղիկ Լագոդեխիի
| Ձնծաղիկ Լագոդեխիի | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Galanthus lagodechianus
|
Ձնծաղիկ Լագոդեխիի (լատին․՝ Galanthus lagodechianus), շքանարգիզազգիների ընտանիքին պատկանող ծածկասերմ բույս։
Նկարագրություն [խմբագրել | խմբագրել կոդը]
Բազմամյա բույս է, որն ունի ոչ մեծ ձվաձև սոխուկ։ Տերևները նեղ-գծային են, վերևում՝ տափակ, յուղալի փայլով, վաղ գարնանը զարգացող։ Ծաղկակիրը ծաղկման ժամանակ տերևներից երկար է լինում։ Ծաղիկները մանր են, մաքուր սպիտակ, 20–25 մմ երկարության։ Ծաղկապատի ներքին մասերի պուտերը փոքրիշատե նեղ-նալաձև են[1]։
Տարածվածություն [խմբագրել | խմբագրել կոդը]
Հանդիպում է միայն Իջևանի ֆլորիստիկական շրջանում (Իջևանի և Բերդի շրջակայքում)։ Ընդհանուր արեալը ընդգրկում է Հարավարևմտյան և Հարավային Անդրկովկասը[1]։
Էկոլոգիա [խմբագրել | խմբագրել կոդը]
Աճում է ստորին և միջին լեռնային գոտիներում՝ ծովի մակարդակից 800–1500 մ բարձրությունների վրա, կաղնու-բոխու և հաճարենու-բոխու անտառներում, անտառի եզրերին, բացատներում, թփերի մացառուտներում։ Ծաղկում է մարտ ամսին, պտղաբերում՝ ապրիլին[1]։
Պահպանություն [խմբագրել | խմբագրել կոդը]
Վտանգված տեսակ է։ Անդրկովկասի էնդեմիկ է։ Տարածման և բնակության շրջանների մակերեսը 500 կմ²-ից պակաս է։ Բույսին սպառնացող հիմնական վտանգը ծաղիկների հավաքն է որպես գեղազարդային բույս և աճելավայերի պայմանների խախտումը։ Հայաստանի Կարմիր գրքի առաջին հրատարակության մեջ ընդդգրկված չէր։ Ընդգրկված է CITES-ի կոնվենցիայի 2-րդ հավելվածում։ Բեռնի կոնվենցիայի հավելվածում ընդգրկված չէ։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Ձնծաղիկ Լագոդեխիի» հոդվածին։ |
 | Վիքիպահեստն ունի նյութեր, որոնք վերաբերում են «Ձնծաղիկ Լագոդեխիի» հոդվածին։ |
|
