Հրանտ Գյուլասարյան

Հրանտ Գյուլասարյան
Ծնվել է	օգոստոսի 1, 1937 կամ 1937
Ծննդավայր	Կուրիս, Նաիրիի շրջան
Վախճանվել է	օգոստոսի 26, 2022
Վախճանի վայր	Օբերհաուզեն, Դյուսելդորֆ, Հյուսիսային Հռենոս-Վեստֆալիա, Գերմանիա
Մասնագիտություն	բանաստեղծ և արձակագիր
Անդամակցություն	ՀԳՄ
	Հրանտ Գյուլասարյան Վիքիդարանում

Հրանտ Գյուլասարյան (Ռադիկ Հակոբի Գրիգորյան, օգոստոսի 1, 1937(1937-08-01) կամ 1937^[1], Կուրիս, Նաիրիի շրջան - օգոստոսի 26, 2022(2022-08-26), Օբերհաուզեն, Դյուսելդորֆ, Հյուսիսային Հռենոս-Վեստֆալիա, Գերմանիա), հայ բանաստեղծ, արձակագիր։ Հայաստանի գրողների միության անդամ (1982)։

Կենսագրություն

Հրանտ Գյուլասարյանը ծնվել է 1937 թվականի օգոստոսի 1-ին Մեղրու շրջանի Կուրիս գյուղում (այժմ՝ ՀՀ Սյունիքի մարզ)։ 1956 թվականին ավարտել է Մեղրու շրջկենտրոնի միջնակարգ դպրոցը։ 1956-1959 թվականներին ծառայել է խորհրդային բանակում։ 1959-1965 թվականներին աշխատել է Ագարակի պղնձամոլիբդենային կոմբինատում, 1965-1967 թվականներին՝ Մեղրու «Արաքս» շրջանային թերթի խմբագրությունում։ 1968 թվականին հեռակա ավարտել է Երևանի Խ. Աբովյանի անվան հայկական մանկավարժական ինստիտուտի լեզվագրական ֆակուլտետը։ 1967-1972 թվականներին աշխատել է Մեղրու շրջանի Ագարակ ավանում որպես կուլտուրայի պալատի տնօրեն։ 1972 թվականին տեղափոխվել է Երևան։ 1972-1979 թվականներին աշխատել է «Հայաստան» հրատարակչությունում^[2]։ Աշխատել է նաև հեռուստա-ռադիոպետկոմում։ Գյուլասարյանի արձակ և չափածո ստեղծագործությունները պարբերաբար տպագրվել են հանրապետական գրական մամուլում, թարգմանվել են ռուսերեն։ Եղել է ՀԳՄ «Նոր-Դար» ընկերության հրատարակչության տնօրենը^[3]^[4]։

Հրանտ Գյուլասարյանը վախճանվել է 2022 թվականի օգոստոսի 26-ին Գերմանիայի Դաշնային Հանրապետությունում, Օբերհաուզեն քաղաքում։

Երկեր

Լեռների երգը (բանաստեղծություններ), Ե., «Հայաստան», 1969 թ., 55 էջ։
Քեզ համար, սիրելիս (բանաստեղծություններ), Ե., «Հայաստան», 1973 թ., 104 էջ։
Երազների պարս (բանաստեղծությունների և պոեմների ժողովածու), Ե., «Հայաստան», 1975 թ., 244 էջ։
Ապրող ղողանջներ (երկու պոեմ), Ե., «Սովետական գրող», 1977 թ., 28 էջ։
Կապույտ, կապույտ առավոտ, 1978 թ.
Ակնթարթ (բանաստեղծություններ), Ե., «Սովետական գրող», 1979 թ., 151 էջ։
Կանչ (բանաստեղծություններ), Ե., «Սովետական գրող», 1982 թ., 140 էջ։
Կրկին դեպի կյանք, (բանաստեղծություններ), Ե., «Սովետական գրող», 1985 թ., 132 էջ։
Ձայն խորին, 1987 թ.
Սիրո պսակ, 1989 թ.
Երեք արծիվ, 1992 թ.
Ճանապարհ կրակի միջով, 1995 թ.
«Վերապրումներ», 2004 թ.

Թարգմանություններ

Տաջիկական քնար.- Երևան։ Հայաստան, 1973.- 379 էջ։

Ծանոթագրություններ

↑ ^1,0 ^1,1 Deutsche Nationalbibliothek Record #107932576X // Gemeinsame Normdatei (գերմ.) — 2012—2016.
↑ Հայկ Խաչատրյան, Գրական տեղեկատու, Ե., «Սովետական գրող», էջ 118-119։
↑ «Հրանտ Գյուլասարյանի կենսագրությունը zarkfoundation.com կայքում».
↑ Հրանտ Գյուլասարյանի կենսագրությունը Հայաստանի գրողների միության կայքում

Արտաքին հղումներ

Կորուստ / Հրանտ Գյուլասարյան

[_877afea1c76c2718-1] 1,0 ^1,1 Deutsche Nationalbibliothek Record #107932576X // Gemeinsame Normdatei (գերմ.) — 2012—2016.

[2] Հայկ Խաչատրյան, Գրական տեղեկատու, Ե., «Սովետական գրող», էջ 118-119։

[3] «Հրանտ Գյուլասարյանի կենսագրությունը zarkfoundation.com կայքում».

[4] Հրանտ Գյուլասարյանի կենսագրությունը Հայաստանի գրողների միության կայքում

[1]

[2]

[3]

[4]