Հրաձգություն Ահվազում (2018)

Վիքիպեդիայից՝ ազատ հանրագիտարանից
Jump to navigation Jump to search
Հրաձգություն Ահվազում
تیراندازی مراسم رژه در اهواز
2018 Ahvaz military parade attack 10.jpg
Ահաբեկված բնակչության անկանոն գործողությունները հրաձգության ժամանակ
Տեսակ մասսայական հրաձգություն
Երկիր Իրան Իրանի Իսլամական Հանրապետություն
Գրոհի վայր Ահվազ, Խուզիստան
Գրոհի նպատակ Հասան Ռոհանի (ահաբեկչությունը տեղի է ունեցել Իրանի նախագահի ելույթից վայրկյաններ հետո)
Տարեթիվ 09:00-09:10-ից սեպտեմբերի 22, 2018-ին
Զոհվածներ 29 (25 խաղաղ բնակիչ, 4 ահաբեկիչ)
Վիրավորներ 53 և ավելի
Ահաբեկիչների քանակ 4 ահաբեկիչներ
Կազմակերպիչներ Իրաքի և Լևանտի իսլամական պետություն Իրաքի և Լևանտի իսլամական պետություն
Կոորդինատներ: 31°20′8.0000001015957″ հս․ լ. 48°38′38.000000100407″ ավ. ե. / 31.335555555583777476° հս․. լ. 48.64388888891677709° ավ. ե. / 31.335555555583777476; 48.64388888891677709
2018 Ahvaz military parade attack Վիքիպահեստում

Հրաձգություն Ահվազում կամ Ահվազի ահաբեկչական հարձակում (պարս․՝ تیراندازی مراسم رژه در اهواز), ահաբեկչություն, որը տեղի է ունեցել 2018 թվականի սեպտեմբերի 22-ին՝ Իրանի Իսլամական Հանրապետության Խուզիստանի նահանգի Ահվազ քաղաքում՝ նախագահ Հասան Ռոհանիի մասնակցությամբ ռազմական շքերթի ժամանակ։ Ամենայն հավանականությամբ ահաբեկչության թիրախակետը եղել է Իրանի նախագահը, ով բազմիցս աչքի է ընկել հակաահաբեկչական հայտարարություններով։

Ահաբեկչության հետևանքով զոհվել են 29 անձինք, այդ թվում՝ 25 խաղաղ բնակիչ և 4 գրոհային[1]։ Ըստ վերջին տվյալների՝ կան 53-ից ավելի վիրավորներ, որոնցից շատերի վիճակը գնահատվել է ծայրահեղ ծանր։

Ահաբեկչական հարձակում[խմբագրել | խմբագրել կոդը]

Ահաբեկչական հարձակումը տեղի է ունեցել Իրանի Ահվազ քաղաքում ամեն տարի անցկացվող ռազմական շքերթի ժամանակ, որը նվիրված էր իրանա-իրաքյան պատերազմում իրանական բանակի տարած հաղթանակին։ Հրաձգությունը սկսվել է սեպտեմբերի 22-ին, տեղական ժամանակով՝ 09։00-ի շրջակայքում։

Գրոհայինների հարձակումից վայրկյաններ առաջ իր ելույթն ավարտել էր Իրանի Իսլամական Հանրապետության նախագահ Հասան Ռոհանին։ Ըստ հրապարակված տվյալների՝ ահաբեկչության հեղինակները եղել են չորս գրոհայիններ, իսկ կազմակերպիչը՝ Իրաքի և Լևանտի իսլամական պետությունը։ Բնակչության վրա անկանոն կրակահերթ բացած չորս ահաբեկիչներից երկուսը սպանվել են ուժային կառույցների կողմից, իսկ մյուս երկուսը՝ ձերբակալվել։ Ձերբակալվածներից մեկն ունեցել է մարմնական վիրավորում։ Ըստ Իրանի սահմանադրության՝ ձերբակալված անձի համար պետք է սահմանվի մահապատիժ։

Արձագանք[խմբագրել | խմբագրել կոդը]

Խուզիստանի նահանգապետն ահաբեկչական հարձակումից րոպեներ հետո հայտարարում է վիրավորվածների և զոհերի թվաքանակը և իրավիճակը գնահատում կայուն՝ գրոհայինների ձերբակալմամբ պայմանավորված[2]։ Հոջորդիվ համապատասխան հայտարարությամբ հանդես է եկել Իրանի Իսլամական Հանրապետության արտգործնախարարությունը։ Իսկ արտաքին գործերի նախարար Մոհամմադ Ջավադ Զարիֆի՝ Ահվազի գործողությունների համար մեղավոր են ահաբեկչության տարածաշրջանային հովանավորները և նրանց ամերիկացի հրահանգիչները։ Իրանի կառավարությունը չի բացառել այն կանխավարկածը, որ հրաձգությունը կարող է կազմակերպված լինել Ամերիկայի Միացյալ Նահանգների և Իսրայելի կողմից, սակայն ավելի ուշ հայտարարել է, որ ահաբեկչությունը ֆինանսավորվել է Պարսից ծոցի երկու արաբական պետությունների ղեկավարության կողմից։

Նախարարն իր սոցիալական ցանցերից մեկում ահաբեկչության կապակցությամբ հավելել է[3]

Aquote1.png Ահաբեկիչները, որոնց վարձել են, մարզել, զինել և ֆինանսավորել օտարերկրյա ռեժիմները, հարձակում են գործել Ահվազի վրա: Զոհերի թվում կան երեխաներ և երիտասարդներ: Իրանը նման հարձակումների համար պատասխանատու է համարում ահաբեկչության տարածաշրջանային հովանավորներին և նրանց ամերիկացի հրահանգիչներին
- Մոհամմադ Ջավադ Զարիֆ
Aquote2.png


Միջազգային հանրություն[խմբագրել | խմբագրել կոդը]

Aquote1.png Նման անմարդկային գործողությունները վերստին գալիս են հաստատելու մեր այն համոզմունքը, որ անհրաժեշտ է մեկտեղել բոլոր ուժերը միջազգային այդ չարիքի դեմ պայքարում: Aquote2.png


Ծանոթագրություններ[խմբագրել | խմբագրել կոդը]

  1. «Ահաբեկչական հարձակում Ահվազում. ահաբեկչական խումբը չեզոքացվել է»։ Pars Today (hy-AM)։ 2018-09-22։ Վերցված է 2018-09-22 
  2. «Իրանում հայտարարել են Ահվազում ահաբեկչություն իրականացրած գրոհայինների ոչնչացման մասին»։ www.tert.am (հայերեն)։ Վերցված է 2018-09-22 
  3. «Իրանի ԱԳՆ-ն հայտնել է Ահվազում ահաբեկչության պատասխանատուներին»։ www.tert.am (հայերեն)։ Վերցված է 2018-09-22