Հովհաննես Ալխազյան
Հովհաննես Ալխազյան | |
|---|---|
 | |
| Ծնվել է | փետրվարի 2, 1881[1][2] |
| Ծննդավայր | Վան, Վանի վիլայեթ, Օսմանյան կայսրություն[1][2] |
| Վախճանվել է | 1958[1][2] |
| Մահվան վայր | Փարիզ, Ֆրանսիա[1][2] |
| Ազգություն | հայ |
| Դավանանք | քրիստոնեություն |
| Մասնագիտություն | նկարիչ |
| Հովհաննես Ալխազյան Վիքիդարանում | |
Հովհաննես Ալխազյան, Ժան (փետրվարի 2, 1881[1][2], Վան, Վանի վիլայեթ, Օսմանյան կայսրություն[1][2] - 1958[1][2], Փարիզ, Ֆրանսիա[1][2]), հայ նկարիչ։ Փարիզի Նասիոնալ ընկերության իսկական անդամ (1929)։
Կենսագրություն
[խմբագրել | խմբագրել կոդը]1898-1903 թվականներին սովորել է Թիֆլիսի նկարչական դպրոցում, որտեղ սովորել է Հովհաննես Շամշիյանի և Ս. Գաբաևի մոտ։ 1905-1908 թվականներին սովորել է Փարիզի գեղարվեստի դպրոցում՝ Ֆ. Կորմոնի արվեստանոցում[3]։ Էտյուդներ և բնանկարներ է ստեղծել Ֆինլանդիայում, Հոլանդիայում, Ֆրանսիայում, Իսպանիայում[4]։
Ալխազյանի շուրջ 200 գործ պահվում է Հայաստանի ազգային պատկերասրահում[5]։ Աշխատանքներից ներկայացվել են artnet աճուրդում[6]։
Ստեղծագործական ուղի
[խմբագրել | խմբագրել կոդը]Ալխազյանի ստեղծագործական սկզբունքը ռեալիստական է։ Նրա բնանկարները, ուր մարդը գրեթե բացակա է, կատարված են գունային շեշտված անցումներով՝ պարուրված մեղմ, հանգիստ տրամադրությամբ։ Ստեղծագործություններին բնորոշ են զարդանկարչական և հարթապատկերային լուծումները[7]։
Գործերից են՝
- «Սպիտակ գիշեր Ֆինլանդիայում»
- «Ձմռան արևը»
- «Գյուղը ձյունի տակ»
- «Ջրաղացը Ավենի վրա»
- «Վենետիկի մոտ»
- «Լուարա գետի ափերը»
- «Վաղ գարուն»
- «Տեսարան Պրովանսից»
- «Կամուրջ Տոլեդոյում»
- «Նավակներ»
- «Այծեր»
Ցուցահանդեսներ
[խմբագրել | խմբագրել կոդը]Մասնակցել է «Աշնանային սալոնի» ընկերության, «Անկախ արվեստագետների միության» մի շարք ցուցահանդեսների, 1918 թվականին Սենտ Օգյուստեն սրահում բացվել է Ալխազյանի առաջին անհատական ցուցահանդեսը։ Անհատական ցուցահանդեսներ է ունեցել Ֆրանսիայում (1918, 1920, 1922)։ Համագործակցել է հայ համայնքի հետ, մասնակցել «Անի», «Հայ ազատ արվեստագետների միության» ցուցահանդեսներին (1933, 1934, 1945), ցուցադրվել է Փարիզի «Ալլար» սրահում։ Անհատական վերջին ցուցահանդեսը տեղի է ունեցել 1934 թվականին Փարիզի «Շանթ» հայ գրավաճառատան ցուցասրահում։
Գրականություն
[խմբագրել | խմբագրել կոդը]- Շիշմանյան Ռ., Բնանկարն ու հայ նկարիչները, Ե., 1958։
- Խաչատրյան Շ., Ֆրանսահայ կերպարվեստ, Ե., 1991։
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
- ↑ Հայկական համառոտ հանրագիտարան, 1990։ Հ. 1:.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Հովհաննես Ալխազյանի ստեղծագործությունները Հայաստանի ազգային պատկերասրահում
- ↑ «Ohannès Alhazian | artnet». www.artnet.com. Վերցված է 2019 թ․ փետրվարի 2-ին.
- ↑ LLC, Helix Consulting. «Բնանկարներ՝ առանց մարդկային կերպարների... Հովհաննես Ալխազյան (լուսանկարներ)». www.panorama.am (անգլերեն). Վերցված է 2019 թ․ փետրվարի 2-ին.
Արտաքին հղումներ
[խմբագրել | խմբագրել կոդը] | Վիքիդարանն ունի նյութեր, որոնք վերաբերում են «Հովհաննես Ալխազյան» հոդվածին։ |
| ||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 178)։ 
|