Հյու Ուելշման

Վիքիպեդիայից՝ ազատ հանրագիտարանից
Jump to navigation Jump to search
Հյու Ուելշման
Avp La Passion Van Gogh.jpg
Ծնվել է1975
ԾննդավայրBracknell, Բերկշիր, Հարավարևելյան Անգլիա, Անգլիա, Միացյալ Թագավորություն
ԿրթությունKeble College?
ՔաղաքացիությունFlag of the United Kingdom.svg Միացյալ Թագավորություն
Մասնագիտությունկինոպրոդյուսեր, կինոռեժիսոր, սցենարիստ և մուլտիպլիկատոր
Պարգևներ և մրցանակներՕսկար լավագույն անիմացիոն կարճամետրաժ ֆիլմի համար և Եվրոպական կինոմրցանակ լավագույն անիմացիոն լիամետրաժ ֆիլմի համար

Հյու Ուելշման (անգլ.՝ Hugh Welchman, 1975, Bracknell, Բերկշիր, Հարավարևելյան Անգլիա, Անգլիա, Միացյալ Թագավորություն), բրիտանացի ռեժիսոր, սցենարիստ և պրոդյուսեր, BreakThru Films (2002) կինոընկերության հիմնադիր:

Կենսագրություն[խմբագրել | խմբագրել կոդը]

Ծնվել է 1975 թվականին: Նախքան Լոնդոնի կինոյի և հեռուստատեսության ազգային դպրոցում ուսմանը նվիրվելը, Օքսֆորդի համալսարանում ուսումնասիրել է փիլիսոփայություն, քաղաքականություն և տնտեսագիտություն: 2001 թվականից նկարահանել է կարճամետրաժ ֆիլմեր և մուլտֆիլմեր: Օրինակ՝ «Ծափահարություններ» և «Աշխարհի ամենագեղեցիկ մարդը», որի համար 2003 թվականին BAFTA մրցանակաբաշխության ժամանակ նա առաջադրվել է «Լավագույն կարճամետրաժ ֆիլմ» անվանակարգում: Հետագայում Ուելշմանը աշխատել է մի քանի ֆիլմերի վրա, բայց դրանք նշանակալից հաջողություններ չեն ունեցել: 2007 թվականին Հյու Ուելշմանը աշխատել է «Կյանքը վարդագույնի մեջ» ֆիլմի տեսողական էֆեկտների վրա: Վերջապես 2008 թվականին Սերգեյ Պրոկոֆևի նույնանուն երաժշտական ստեղծագործության հիման վրա նկարահանված «Պետյան ու գայլը» (ռեժիսոր՝ Սյուզի Տեմպլտոն) կարճամետրաժ անիմացիոն ֆիլմի համար նա արժանացել է «Օսկար» մրցանակի:

2011 թվականին ցուցադրվել է «Կախարդական երկիր» մուլտֆիլմը՝ ստեղծված պրոդյուսեր Ուելշմանի և նրա՝ Breakthru Films ընկերության կողմից: Գլխավոր դերի ձայնը հնչյունավորել է հանրահայտ դերասանուհի Հիզեր Գրեմը: 2017 թվականին Ուելշմանն ու իր կինը՝ Դորոտա Կոբելան[1], ստեղծել են «Սիրով, Վինսենթ» արտասովոր անիմացիոն լիամետրաժ ֆիլմը, որն ամբողջությամբ յուղաներկով պատկերված էր կտավի վրա: Այն նվիրված է եղել Վինսենթ վան Գոգի կյանքի վերջին շաբաթներին[2]: Մշակումը ֆինանսավորվել է Լեհաստանի կինոարվեստի համալսարանի կողմից, իսկ արհեստավարժ գեղանկարիչների վերապատրաստումը՝ որպես նկարիչ անիմատորներ, մասամբ ֆինանսավորվել է Kickstarter ծրագրի քրաուդֆանդինգի միջոցով[3]:

Ծանոթագրություներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]