Հենրի Լինչ

Հենրի Լինչ; անգլ.՝ H. F. B. Lynch
Ծնվել է	ապրիլի 18, 1862
Ծննդավայր	Լոնդոն, Մեծ Բրիտանիայի և Իռլանդիայի միացյալ թագավորություն
Մահացել է	նոյեմբերի 24, 1913 (51 տարեկան)
Մահվան վայր	Կալե
Քաղաքացիություն	Մեծ Բրիտանիայի և Իռլանդիայի միացյալ թագավորություն
Կրթություն	Իթըն քոլեջ, Թրինիթի քոլեջ և Հայդելբերգի համալսարան
Մասնագիտություն	քաղաքական գործիչ և ձեռնարկատեր
Ծնողներ	հայր՝ Thomas Kerr Lynch?, մայր՝ Harriet Sophia Taylor?
Զբաղեցրած պաշտոններ	Միացյալ Թագավորության 28-րդ խորհրդարանի անդամ
Կուսակցություն	Լիբերալ կուսակցություն
Պարգևներ և ; մրցանակներ	Թագավորական աշխարհագրական ընկերության անդամ
Անդամություն	Թագավորական աշխարհագրական ընկերություն
	H. F. B. Lynch Վիքիպահեստում

Հենրի Ֆինիս Բլոս Լինչ (անգլ.՝ Henry Finnis Blosse (H. F. B.) Lynch, ապրիլի 18, 1862(1862-04-18)^[1]^[2], Լոնդոն, Մեծ Բրիտանիայի և Իռլանդիայի միացյալ թագավորություն - նոյեմբերի 24, 1913(1913-11-24)^[1]^[2], Կալե), անգլիացի հայագետ, աշխարհագետ, ճանապարհորդ, հասարակական-քաղաքական գործիչ։

Իռլանդական ազնվական տոհմից (տատը սեբաստացի հայուհի)։

Հայաստան կատարած երկու ճանապարհորդությունների (1893-1894, 1898) ժամանակ հավաքած նյութերի հիման վրա գրել է լայն ճանաչում գտած «Հայաստան» աշխատությունը (1901, հայերեն համառոտ թարգմանություն՝ 1913-1914), որը կազմված է երկու հատորից «Ռուսական Հայաստան» և «Տաճկահայաստան»։ Աշխատությունը պարունակում է արժեքավոր տեղեկություններ Հայաստանի պատմության, աշխարհագրության. ժողովրդագրության, հայ բանահյուսության վերաբերյալ, վիճակագրական նյութեր։ Լինչը փորձել է ամեն կերպ ցույց տալ, որ ցարական և թուրքական կառավարությունները վարում են հետադիմական քաղաքականություն Հայաստանում, հալածում հայերին, հայ եկեղեցին և հայոց լեզուն։

Լինչը հետաքրքրվել է նաև Հայկական հարցով։ Լինելով անգլիական պառլամենտի անդամ (1906-1910 թթ․)՝ քննադատել է արտգործնախարար Է. Գրեյի քաղաքականությունը, հանդես եկել հայ ժողովրդի իրավունքների պաշտպանությամբ։ Մահից ոչ շատ առաջ անգլիական մամուլում հրապարակել է «Բաց նամակ»՝ հայկական բարենորոգումների վերաբերյալ։

Մահացել է 1913 թվականին՝ թոքաբորբից։ Ամուսնացած չի եղել։

Աշխատություններ

Հայաստան, ճամփորդություններ և ուսումնասիրություններ, «Ռուսական Հայաստան», (1901), հատոր 1^[4]
Հայաստան, ճամփորդություններ և ուսումնասիրություններ, «Տաճկահայաստան», (1901), հատոր 2^[5]
Армения։ очерки и этюды, т. 1-2 Тифлис, 1910.

Ծանոթագրություններ

↑ ^1,0 ^1,1 ^1,2 ^1,3 ^1,4 Oxford Dictionary of National Biography / C. Matthew — Oxford: OUP, 2004.
↑ ^2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 ^3,2 Lundy D. R. The Peerage
↑ Հայաստան, ճամփորդություններ և ուսումնասիրություններ, (1901)
↑ Հայաստան, ճամփորդություններ և ուսումնասիրություններ, (1901)

Վիքիպահեստն ունի նյութեր, որոնք վերաբերում են «Հենրի Լինչ» հոդվածին։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 619)։

[_2c169ef0cdb5b8f8-1] 1,0 ^1,1 ^1,2 ^1,3 ^1,4 Oxford Dictionary of National Biography / C. Matthew — Oxford: OUP, 2004.

[_ea6028b0044c86e1-2] 2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_a8e2489fe6b2ba98-3] 3,0 ^3,1 ^3,2 Lundy D. R. The Peerage

[4] Հայաստան, ճամփորդություններ և ուսումնասիրություններ, (1901)

[5] Հայաստան, ճամփորդություններ և ուսումնասիրություններ, (1901)

[1]

[2]

[3]

[4]

[5]