Հենի Ունսթադի անվան արվեստի կենտրոն

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Հենի Ունսթադի անվան արվեստի կենտրոն
Henie Onstad Center Norway.jpg
Տեսակպատկերասրահ[1]
ԵրկիրFlag of Norway.svg Նորվեգիա[1]
ՏեղագրությունԲերում[1]
ՎայրHøvikodden?
Անվանված էSonja Henie? և Niels Onstad?
Հիմնադրված է1968
Կոորդինատներ: 59°53′19.590000100009″ հս․ լ. 10°33′10.560000098799″ ավ. ե. / 59.88877500002777765° հս․. լ. 10.55293333336077666° ավ. ե. / 59.88877500002777765; 10.55293333336077666
Պաշտոնական կայք

Հենի Ունսթադի անվան արվեստի կենտրոն (նորվ.՝ Henie Onstad kunstsenter), արվեստին առնչվող թանգարան Նորվեգիայի Ակերսհուս ֆյուլքեյի (մարզի) Բերում կոմունայում (համայնքում)՝ Հովիկոդեն հրվանդանի վրա, Օսլո-ֆյորդում, Օսլոյից մոտավորապես 10 կմ դեպի հարավ: Կենտրոնը հիմնադրվել է 1968 թվականին մարմնամարզության աշխարհի և օլիմպիական չեմպիոնուհի Սոնյա Հենիի (1912—1969) և նրա ամուսնու՝ Նիլս Ունսթադի (1909—1978) կողմից: Ունսթադը նավաշինարարական ընկերության սեփականատեր էր և արվեստի գործերի կոլեկցիոներ: Իր 110 կտավից բաղկացած նկարների հավաքածուն նա նվիրեց թանգարանին, ինչպես նաև ֆինանսական միջոցներ թանգարանի շենքի կառուցման համար: Թանգարանի կառուցման աշխատանքները իրականացրել է Սոնի Հենի հիմնադրամը 1961 թվականին: Թանգարանի շենքը նախագծվել է նորվեգացի ճարտարապետներ Ջոն Էիկվարի և Սվեն Էրիկ Էնգեբրետսենի կողմից: Թանգարանում ցուցադրվում է նաև Սոնիի սպորտային պարգևների հավաքածուն[2][3]:

1994 թվականին թանգարանի շենքը ընդլայնվեց, ավելացվեց նաև երկհարկանի ցուցադրական և տեխնիկական սենյակներով ու սրահներով հագեցած մասնաշենք: Այս նախագիծը մշակվել է նույն ճարտարապետների կողմից ինչ հին մասնաշենքինը: Նոր մասնաշենքը հնին կողքին այնպես է կառուցվել, որ պահպանվի համադրությունը[3]:

Թանգարանային կենտրոնում կա 6 ցուցասրահ, ոչ մեծ դահլիճ և խորհրդակցությունների սրահ: Ներկայումս կենտրոնը զբաղեցնում է 9500 քառ/մ տարածք, որոնցից 3500 քառ/մ-ը ցուցասրահներն են: Թանգարանում ցուցադրվում են Պաբլո Պիկասոյի, Անրի Մատիսի, Ֆեռնան Լեժեյի, Մակս Էռնեստի, Ֆրիդենսրայխ Հունդերտվասերի, Խոան Միրոյի, Պաուլ Կլեեի և այլ հայտնի արվեստագետների աշխատանքներ[3]:

Հենի Ունսթադի անվան արվեստի կենտրոնը կազմակերպում է ոչ միայն ցուցադրություններ, այլև բեմադրություններ: Թանգարանը տարեկան ունենում է շուրջ 100.000 այցելու: 2008 թվականին կենտրոնը նշեց իր հիմնադրման 40-ամյակը՝ կազմակերպելով ցուցադրություններ, դասախոսություններ, համերգներ և ֆիլմերի դիտումներ[3]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 archINFORM — 1994.
  2. "Henie Onstad Art Centre". The Norway Cultural Profile. Retrieved 4 August 2010.
  3. 3,0 3,1 3,2 3,3 BBC News, Entertainment and Arts, Nazi looted Matisse work returned by Norwegian gallery, 21 March 2014.

Արտաքին հղումներ[խմբագրել | խմբագրել կոդը]