Հարուհի Սուձումիայի անհետացումը

Վիքիպեդիայից՝ ազատ հանրագիտարանից
Jump to navigation Jump to search
Հարուհի Սուձումիայի անհետացումը
涼宮ハルヒの消失 (Suzumiya Haruhi no Shōshitsu)
Հարուհի Սուձումիայի անհետացումը.jpg
Ժանր գիտական ֆանտաստիկա, ռոմանտիկա, դրամա, դպրոց
Երկիր Ճապոնիա Ճապոնիա
Թվական 2010 թվական
Պրեմիերա Փետրվար 6, 2010 թվական
Լեզու Ճապոներեն
Ռեժիսոր Տացույա Իշիհարա, Յասուհիրո Տակեմոտո
Պրոդյուսեր Ացուշի Իտո, Հիդեակի Հատա
Սցենարիստ(ներ) Ֆումիհիկո Շիմո
Դերակատարներ Այա Հիրանո, Տոմոկազու Սուգիտա, Մինորի Չիհարա, Յուկո Գոտո, Դաիսուկե Օնո, Նացուկո Կուվատանի, Յուկի Մացուոկա, Մինորու Շիրայիշի, Մեհումի Մացումոտո, Սայակա Աոկի
Օպերատոր Րյուտա Նակագամի
Երաժշտություն Սատորու Կոսակի, Րյուիչի Տակադա
Մոնտաժ Կենգո Շիգեմուրա
Ընկերություն Kyoto Animation
Տևողություն 163 րոպե
Կայք Պաշտոնական կայքէջ
Ֆիլմի թողարկում «Հարուհի Սուձումիայի անհետացումը» (բնօրինակ անվանում — 涼宮ハルヒの消失 (Suzumiya Haruhi no Shōshitsu))

Հարուհի Սուձումիայի անհետացումը, 2010 թ.-ի ճապոնական անիմացիոն ֆիլմ՝ հիմնված Նագարու Տանիգավայի Հարուհի Սուձումիա լայթ նովել-ի 4-րդ հատորի վրա։ Թողարկել է Kyoto Animation ընկերությունը։ Ֆիլմի ռեժիսորներն են Տացույա Իշիհարան և Յասուհիրո Տակեմոտո։ Ճապոնական կինոթատրոններում ցուցադրվել է 2010 թ-ի փետրվարի 6-ից, իսկ DVD և Blu-ray Disc ֆորմատներով՝ 2010 թ-ի դեկտեմբերի 18-ին։ Ֆիլմը հաջորդում է «Հարուհի Սուձումիայի մելանխոլիան» անիմեին և սյուժեով կապված է անիմեի հետ։ Ըստ «անհետացման» սյուժեի Կյոնը «SOS բրիգադ» կոչվող ոչ պաշտոնական, դպրոցական խմբակի անդամ է, որի հիմնադիրն է հենց Հարուհին։ Մի օր Կյոնը հայտնաբերում է, որ ամբողջ աշխարհը ընդամենը մեկ գիշերվա մեջ փոխվել է. խմբակն այլևս գոյություն չունի, իսկ դրա անդամները իրեն չեն ճանաչում։

Սյուժե[խմբագրել | խմբագրել կոդը]

Հետևյալ ֆիլմի սյուժեն հաջորդում է անիմեին

Հաջորդելով անիմեում տեղի ունեցող դեպքերին, ֆիլմը պատմում է դեկտեմբերի 16-ից 24-ը ընկած՝ մշակութային փառատոնից մեկ ամիս հետո, ժամանակահատվածում եղած դեպքերի մասին։ «SOS բրիգադ»-ը՝ Հարուհի Սուձումիայի (Այա Հիրանո) ղեկավարությամբ, որոշում է Սուրբ Ծնունդին նաբե երեկույթ կազմակերպել։ Դեկտեմբերի 18-ին, առավոտյան Կյոնը (Տոմոկազու Սուգիտա) հաճախում է դպրոց և հայտնաբերում, որ իր համար գոյություն ունեցող իրականությունն ամբողջովին փոխվել է. Հարուհին և Իցուկի Կոիզումին (Դաիսուկե Օնո) չկան, Րյոկո Ասակուրան (Նացուկո Կուվատանի) նորից վերադարձել է դպրոց, Միկուրու Ասահինան (Յուկո Գոտո) չի ճանաչում իրեն, իսկ Յուկի Նագատոն (Մինորի Չիհարա) հասարակ մարդ է դարձել։ Այս նոր աշխարհում միայն Կյոնն է գիտակցում, որ ամեն ինչ փոխվել է և միայն նա է հիշում SOS բրիգադի գոյության մասին։ Միակ բանալին, որ գտնում է Կյոնը՝ այլմոլորակային Յուկիի թողած էջանիշն է, որն էլ թելադրում է Կյոնին գտնել բոլոր բանալիները՝ ծրագիրը աշխատեցնելու համար։ Փորձելով հասկանալ, թե ինչ է նշանակում այդ ամենը նա պատհմամբ հանդիպում է ներկայիս Յուկի Նագատոյին, որ կարծես թե հավանում է իրեն։ Դեկտեմբերի 20-ին Կյոնը իմանում է Տանիգուչիից, որ Հարուհին այդքան ժամանակ սովորել է մեկ այլ դպրոցում և նրա հետ է նաև Իցուկին։ Կյոնը պատմում է Հարուհիին, որ այդ նա է Զոն Սմիթը (անիմեում Կյնոը Ասահինայի օգնությամբ հետ է գնում անցյալ և հանդիպում փոքրիկ Հարուհիին։ Նա ներկայանում է, որպես Զոն Սմիթ՝ հետագայում Հարուհիի մոտ կասկածներ չառաջացնելու համար) և համոզում է Հարուհիին հավատալ իր պատմությանը։ Հարուհիի օգնությամբ նա հավաքում է SOS բրիգադի բոլոր անդամներին իրենց խմբակի սենյակում՝ դրանով էլ գտնում այլմոլորակային Յուկիի պահանջած «բանալիները»:

Ցանկանալով հետ վերադառնալ իր նախկին հետաքրքիր կյանքը, Կյոնը միացնում է ծրագիրը և գնում անցյալ՝ 3 տարի առաջ տեղի ունեցող Տանաբատայի օրը։ Հանդիպելով ապագայի Միկուրույին նա անցյալի Յուկիից ստանում տեղահանող ծրագիրը, որ պետք է կրակել մեղավորի վրա, մինչ դեկտեմբերի 18-ը։ Վերադառնալով ներկա, նրանք բացահայտում են, որ մեղավորը Յուկին է։ Նա վերցրել է Հարուհիի ուժը և փոխել բոլորի հիշողությունները բացի Կյոնինից, որպիսի Կյոնը կարողանա ընտրել թե, որ աշխարհում է ուզում ապրել։ Կյոնը մտորում է և հասկանում, որ կյանքը առանց Հարուհիի և SOS բրիգադի ավելի խաղաղ և հանգիստ կլինի, իսկ Յուկին հոգնած կլինի ամեն օր Հարուհիին հետևելուց, սակայն ի վերջո մտքափոխվում է և հասկանում, որ իր կյանքը առանց այդ էլ շատ հետաքրքիր և ուրախ է անցնում։ Կյոնը փորձում է կրակել ծրագիրը (ծրագիրը իրենից ներկայացնում է ասեղ, որ կարելի է կրակել հատուկ զենքի միջոցով) Յուկիի վրա, սակայն նրա վրա է հարձակվում Րյոկոն, որ ստացել էր իր նախկին հիշողությունները և դանակով վիրավորում է Կյոնին։ Մինչ Րյոկոն փորձում է սպանել Կյոնին, հայտնվում է ապագա Յուկին և փրկում է նրան։ Մահացու վիրավորված և արնաքամ եղած Կյոնը կորցնում է գիտակցությունը, սակայն երբ արթնանում է, հայտնաբերում է, որ գտնվում է հիվանդանոցում։ Ամբողջ աշխարհը նորից հետ է վերափոխվել, սակայն բոլորը մտածում են, որ դեկտեմբերի 18-ին Կյոնը ընկել էր աստիճաններից և կոմայի մեջ էր այդքան ժամանակ։ Յուկին ասում է Կյոնին, որ ղեկավարությունը կպատժի իրեն այդ ամենի համար, սակայն Կյոնը ասում է, որ ամեն կերպ կպաշտպանի նրան, իսկ եթե ղեկավարությունը փորձի վնասել Յուկիին, ապա նա կբացահայտի Հարուհիին, որ նա է Զոն Սմիթը և կխնդրի նրան ոչնչացնել ղեկավարությանը։ Դեկտեմբերի 24-ին Կյոնը գնում է դպրոց, սակայն հասկանում է, որ դեռ ժամանակ կա ինքն իրեն փրկելու համար և որոշում է միանալ Սուրբ Ծննդի հավաքույթին։

Մարքեթինք[խմբագրել | խմբագրել կոդը]

2007 թ-ի դեկտեմբերի 18-ին «Հարուհի Սուձումիայի մելանխոլիան» անիմեի պաշտոնական էջը [1] փոխում են կեղծ էջի, որ ցուցադրում է 404 error բառերը և գաղտնաբառ ներմուծելու դաշտը։[1] Դա հանդիսանում էր նովելի 4-րդ հատորի՝ «Հարուհի Սուձումիայի անհետացումը» ֆիլմի թողարկման օրը։ Եթե այցելուն ներմուծում էր «KNSAK» (անիմեի հերոսների՝ SOS բրիգադի անդամների ազգանվան առաջին տառերը), ապա էջում հայտնվում էր կեղծ xterm տերմինալի էմուլյատոր, որ ցուցադրում էր «YUKI.N»-ի հաղորդագրությունները և, որ «ծրագրի վթարային ելքի» բանալին գտնված է և առաջարկում էր հաստատել վերջին անգամ։ Այնուհետև եթե այցելուն սեղմում էր հաստատելու կոճակը, ապա բացվում էր նոր էջի, որի վրա պատկերված էր Յուկի Նագատոն և նոր նախագծի աշխատակիցների նկարները։[2] Ֆիլմի առաջին անոնսը տեղի է ունենում 2009 թ-ի նոյեմբերին՝ անիմեի վերջին սերիայի ցուցադրությունից հետո, երբ ցուցադրվում է պրոյեկտի թիզեր-թրեյլերը։[3] Հենց 2009 թ-ի նոյեմբերի 18-ին էլ այդ էջը ջնջվում է և այցելուն սկզբից տենսում է 404 error հաղորդագրությւոնը, սակայն հետո միանում է ֆիլմի գովազդային տեսահոլովակը։[4]

Արտադրություն և թողարկում[խմբագրել | խմբագրել կոդը]

«Հարուհի Սուձումիայի անհետացումը»-յան պատմությունը 2009 թ-ին ցուցադրվող անիմեի սերիաների ցուցադրման ընթացքում, որ ներառում էր երկրորդ, երրորդ և չորրորդ հատորների ադպտացված պատմությունները, չի հայտնվում, սակայն 2009 թ-ի հոկտեմբերի 8-ին հայտնվում է 30 վայրկյանանոց թիզեր-թրեյլերը, որ ցույց էր տալիս Նագատո Յուկիին և բացահայտում, որ արտադրվում է «Հարուհի Սուձումիայի անհետացումը» ֆիլմը,[5] որ պետք է թողարկվի 2010 թ-ի փետրվարի 6-ին։[6] 2009 թ-ի դեկտեմբերին ցուցադրվում է մեկ րոպեանոց գովազդային հոլովակը,[7] իսկ ֆիլմը թողարկվում է 2010 թ-ի դեկտեմբերի 18-ին Ճապոնիայում՝ BD/DVD ովորական և սահմանափակ հրատարակության տարբերակներով։[8][9]

Bandai Entertainment ընկերությունը լիցենզավորում է ֆիլմը Հյուսիսային Ամերիկայում։ Անգլերեն սուբտիտրերով ցուցադրությունները սկսվեցին 2010 թ-ի մայիսի 21-ից Սան Ֆրանցիսկոյի Վիզ թատրոնում և հետո՝ 2010 թ-ի հունիսին շարունակվեցին Հոլիվուդի Լաեմլս սանսեթ կինոթատրոննում։[10] Bang Zoom! Entertainment-ը 2011 թ-ի սեպտեմբերի 20-ին թողարկում է ֆիլմի անգլերեն լեզվով տարբերակը Հյուսիսային Ամերիկայում՝ DVD և Blu-ray տարբերակներով։[11][12][13] Manga Entertainment-ը 2011 թ-ի նոյեմբերի 7 թողարկում է այն DVD տարբերակով՝ Անգլիայում,[14][15][16] իսկ 2012 թ-ին պլանավորած Blu-ray տարբերակի թողարկումը չեղյալ է հայտարարվում։[17] 2011 թ-ի նոյեմբերի 16-ին Manga Entertainment-ը թողարկում է ֆիլմը նաև Ավստրալիայում և Նոր Զելանդիայում։[18][19] ֆիլմի եվրոպական պրեմիերան տեղի է ունենում 2010 թ-ի հոկտեմբերի 17-ին «Շոտլանդիան սիրում է անիմե» իրադարձություն ժամանակ, որ տեղի է ունենում Էդինբուրգում։[20] Animax Asia will air the film.[21]

Երաժշտություն[խմբագրել | խմբագրել կոդը]

Ֆիլմի թեմային երգը, որով էլ այն փակվում է, Մինորի Չիհարայի սինգլն է՝ «Նուրբ մոռացություն» (ճապ.՝ 優しい忘却 Yasashii Bōkyaku) վերնագրով, որ թողարկվել է 2010 թ-ի փետրվարի 24-ին հատուկ ֆիլմի համար։[22] Ֆիլմը բացվում է Այա Հիրանոյի «Bōken Desho Desho?» (ճապ.՝ 冒険でしょでしょ?Սա արկած է, այո՞, այո՞) երգով, որը նաև անիմեի առաջին եթերաշրջանի սերիաները բացող երգն է եղել։[23] Ֆիլմի օրիգինալ սաունդթրեքն է «Gekijoban „Suzumiya Haruhi no Shoshitsu“ Orizinaru Saunodotoraku» (ճապ.՝ 劇場版『涼宮ハルヒの消失』オリジナルサウンドトラック), որ թողարկվել է 2010 թ-ի հունվարի 27-ին Lantis ընկերության կողմից։[24] Բացի Րյուիչի Տակադայի հատուկ ֆիլմի գրած կոմպոզիցիաներից, սաունդթրեքը պարունակում է նաև հայտնի ֆրանսիացի կոմպոզիտոր Էրիկ Սատիի ստեղծագործությունները։[25] Սաունդթրեքի պրոդյուսերն է Սատորու Կոսակին և կատրում է Eminence Symphony Orchestra-ն։

Ծանոթագրություններ[խմբագրել | խմբագրել կոդը]

  1. «New Haruhi Suzumiya Anime Series Details Revealed»։ Anime News Network։ դեկտեմբերի 17, 2007։ Վերցված է հոկտեմբերի 12, 2009 
  2. «New Haruhi Suzumiya Anime Series Details Revealed» (անգլերեն)։ Anime News Network։ 2007-12-17։ Վերցված է 2013-05-10 
  3. «Disappearance of Haruhi Suzumiya Film Announced for 2010 (Update 2)» (անգլերեն)։ Anime News Network։ 2009-10-08։ Վերցված է 2012-05-10 
  4. «Haruhi Suzumiya Film's New Promo Video Streamed» (անգլերեն)։ Anime News Network։ 2009-12-17։ Վերցված է 2013-05-11 
  5. «Disappearance of Haruhi Suzumiya Film Announced for 2010»։ Anime News Network։ հոկտեմբերի 8, 2009։ Վերցված է հոկտեմբերի 12, 2009 
  6. «Gintama, Haruhi Suzumiya Films' Dates Listed in 2010»։ Anime News Network։ նոյեմբերի 2, 2009։ Վերցված է նոյեմբերի 2, 2009 
  7. «Haruhi Suzumiya Film's New Promo Video Streamed»։ Anime News Network։ դեկտեմբերի 17, 2009։ Վերցված է դեկտեմբերի 18, 2009 
  8. «The Disappearance of Haruhi Suzumiya (Limited Edition) (Blu-ray)»։ CD Japan։ սեպտեմբերի 3, 2010։ Վերցված է սեպտեմբերի 3, 2010 
  9. «The Disappearance of Haruhi Suzumiya (Limited Edition)»։ CD Japan։ սեպտեմբերի 3, 2010։ Վերցված է սեպտեմբերի 3, 2010 
  10. «Disappearance of Haruhi to Screen in LA June 24»։ Anime News Network։ հունիսի 1, 2010։ Վերցված է հունիսի 2, 2010 
  11. «Bandai Entertainment Adds The Disappearance of Haruhi Suzumiya»։ Anime News Network։ ապրիլի 15, 2010։ Վերցված է ապրիլի 15, 2010 
  12. «Bandai Makes Solid New York Anime Festival Announcements»։ Mania։ հոկտեմբերի 9, 2010։ Վերցված է հոկտեմբերի 20, 2010 
  13. «The Disappearance of Haruhi Suzumiya (BLU-RAY + DVD COMBO) (AVAIL 09/20/2011, PRE-ORDER NOW)»։ Bandai Entertainment։ Արխիվացված օրիգինալից-ից օգոստոսի 19, 2011-ին։ Վերցված է օգոստոսի 19, 2011 
  14. «Manga UK Adds Haruhi Film, 2nd TV Season, Haruhi-chan»։ Anime News Network։ հոկտեմբերի 31, 2010։ Վերցված է հոկտեմբերի 31, 2010 
  15. «New Manga DVD/BR Release Dates Announced»։ Anime News Network։ ապրիլի 13, 2011։ Վերցված է ապրիլի 13, 2011 
  16. «The Disappearance of Haruhi Suzumiya Delayed to November»։ Anime News Network։ հունիսի 13, 2011։ Վերցված է հունիսի 15, 2011 
  17. «Blu-ray Editions of K-ON! and The Disappearance of Haruhi Suzumiya Cancelled»։ Anime News Network։ հունվարի 6, 2012։ Վերցված է հունվարի 8, 2012 
  18. «The Disappearance of Haruhi Suzumiya DVD»։ Madman Entertainment։ Վերցված է նոյեմբերի 6, 2011 
  19. «The Disappearance of Haruhi Suzumiya Blu-ray»։ Madman Entertainment։ Վերցված է նոյեմբերի 6, 2011 
  20. «Scotland Loves Animation»։ Scotland Loves Animation։ Վերցված է դեկտեմբերի 27, 2011 
  21. «The Disappearance of Haruhi Suzumiya»։ Animax Asia։ Վերցված է մայիսի 30, 2011 
  22. 優しい忘却 [Yasashii Bōkyaku] (Japanese)։ Lantis։ Վերցված է հունվարի 13, 2010 
  23. «Haruhi Suzumiya CD Sells Out» (անգլերեն)։ Anime News Network։ 2006-05-12։ Վերցված է 2013-05-17 
  24. 映画『涼宮ハルヒの消失』オリジナルサウンドトラック [Film The Disappearance of Haruhi Suzumiya Original Soundtrack] (Japanese)։ Lantis։ Վերցված է հունվարի 13, 2010 
  25. «映画『涼宮ハルヒの消失』オリジナルサウンドトラック» (jp)։ Lantis։ Արխիվացված օրիգինալից-ից 2012-07-01-ին։ Վերցված է 2013-05-16