Հարմա Սարգսյան

Հարմա Սարգսյան;
Ծնվել է	դեկտեմբերի 21, 1908
Ծննդավայր	Թեհրան, Իրան
Մահացել է	1988
Մահվան վայր	Երևան, Հայկական ԽՍՀ, ԽՍՀՄ
Կրթություն	ՀԱՊՀ (1931)
Գիտական աստիճան	տեխնիկական գիտությունների թեկնածու (1973)
Մասնագիտություն	ճարտարագետ

Հարմա Գեղամի Սարգսյան (դեկտեմբերի 21, 1908(1908-12-21), Թեհրան, Իրան - 1988, Երևան, Հայկական ԽՍՀ, ԽՍՀՄ), հայ ճարտարագետ-շինարար։ Տեխնիկական գիտությունների թեկնածու (1973): ՀԽՍՀ վաստակավոր շինարար (1957):

Կենսագրություն

Հարմա Սարգսյանը ծնվել է 1908 թվականին Թեհրանում։ 1931 թվականին ավարտել է Երևանի պոլիտեխնիկական ինստիտուտը։ Աշխատել է «Թբիլհիդրոէներգոնախագիծ» ինստիտուտի Երևանի բյուրոյում, 1942-1946 թվականներին եղել է Սևանշինի նախագծային բաժնի վարիչ, 1946 թվականից` «Հիդրոէներգոնախագիծ» ինստիտուտի Հայաստանի բաժանմունքի Սևանի ջրէկի նախագծի գլխավոր ճարտարագետ։ 1940 թվականից միաժամանակ դասավանդել է Երևանի պոլիտեխնիկական ինստիտուտում, 1972 թվականից` մետաղական և փայտե կոնստրուկցիաների ամբիոնի վարիչ, դոցենտ։ Նախագծել և իրականացրել է (համահեղինակների հետ) Սևանի (1949), Գյումուշի (1953, այժմ` Արգելի), Արզնիի (1953-1956), Աթարբեկյանի (1954-1959, այժմ` Հրազդանի), Երևանի (1957-1962), Տաթևի (1970) ջրէկների կառուցումը^[1]։

Գլխավոր կոնստրուկտոր

Հաղթանակի մոնումենտ (1950)
Երևանի երկաթուղային կայարան (1949-1955)
ԵՊՀ (1949-1965)
ՀԿԿ կենտկոմի (1950, այժմ` ԱԺ)
ՀԽՍՀ ԳԽ նախագահության շենք (1958, այժմ` ՀՀ նախագահի նստավայր)
Կառավարական 2-րդ տուն (1947-1953)
ՀԽՍՀ ԳԱ նախագահության շենքը (1954)
ՀԽՍՀ ԳԱ ինստիտուտներ (1955-1972)
Բյուրականի աստղադիտարան (1947-1958)
Սուրբ Էջմիածնի Մայր տաճարի ամրացում, նորոգում, բարեկարգում (1946)
Գառնիի հեթանոսական տաճարի վերանորոգում (1969-1974, կոնստրուկտիվ բաղադրամասերի հեղինակ^[2])

Ուսումնասիրությունները վերաբերում են Հայաստանի վաղ միջնադարյան բազիլիկատիպ գմբեթավոր եկեղեցիներին, դրանցում կիրառված հակաերկրաշարժային միջոցառումներին, բազիլիկից գմբեթավոր եկեղեցիներին անցնելու նախադրյալներին, գմբեթավոր եկեղեցիների տիպերին և այլն^[1]։

Մահացել է 1988 թվականին Երևանում։ Թաղված է Երևանի Շահումյան գերեզմանատանը^[3]։

Ծանոթագրություններ

↑ ^1,0 ^1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
↑ «Գառնիի հեթանոսական տաճարի վերականգնման ճարտարագիտական հարցերը» (PDF).
↑ «The memorial of Sargsyan Harma (Հարմա Սարգսյան Գեղամի) buried at Yerevan's Shahumyan cemetery». hush.am (անգլերեն). Վերցված է 2017 թ․ հուլիսի 23-ին.

[Ով_ով_է-1] 1,0 ^1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[2] «Գառնիի հեթանոսական տաճարի վերականգնման ճարտարագիտական հարցերը» (PDF).

[3] «The memorial of Sargsyan Harma (Հարմա Սարգսյան Գեղամի) buried at Yerevan's Shahumyan cemetery». hush.am (անգլերեն). Վերցված է 2017 թ․ հուլիսի 23-ին.

[1]

[2]

[3]