Վիլյամ Հայկազյան

Վիլյամ Հայկազյան
Ծնվել է	փետրվարի 23, 1907(1907-02-23)
Ծննդավայր	Կղզի
Մահացել է	սեպտեմբերի 13, 1963(1963-09-13) (56 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Մոսկվայի Գերասիմովի անվան կինեմատոգրաֆիայի ինստիտուտ (1935)
Քաղաքացիություն	Ռուսական կայսրություն և  ԽՍՀՄ
Ազգություն	հայ
Մասնագիտացում	կինոռեժիսոր և սցենարիստ
Պարգևներ

Վիլյամ Ներսեսի Հայկազյան (փետրվարի 23, 1907(1907-02-23), Կղզի - սեպտեմբերի 13, 1963(1963-09-13), Երևան, Հայկական ԽՍՀ, ԽՍՀՄ), հայ կինոռեժիսոր և սցենարիստ։ ՀԽՍՀ արվեստի վաստակավոր գործիչ (1963), Հայրենական մեծ պատերազմի մասնակից։

Կենսագրություն

Վիլյամ Հայկազյանը ծնվել է Արևմտյան Հայաստանի Վանի գավառի Կղզի գյուղում։ Հայոց ցեղասպանության ժամանակ գաղթել է Անդրկովկաս։ 1932-1935 թվականներին սովորել է Մոսկվայի Կինեմատոգրաֆիայի համամիութենական ինստիտուտում։ 1938 թվականից՝ Երևանի կինոստուդիայի (այժմ՝ Հայֆիլմ) ռեժիսոր։ Նկարահանել է ավելի քան 20 վավերագրական կինոնկար։

Ֆիլմագրություն

• «Գիտությունը ծառայում է ժողովրդին»
• «Հանուն պղնձի, մոլիբդենի և ալյումինի» (երկուսն էլ՝ 1948)
• «Ավետիք Իսահակյան» (նաև՝ սցենարի հեղինակ)
• «Հայ արվեստի տասնօրյակը Մոսկվայում» (երկուսն էլ՝ 1956, նաև՝ սցենարի հեղինակ)
• «Հայաստանի ճարտարապետությունը» (1958)
• «Պոեմ Հայաստանի մասին» (1960)
• «Հայրենիքի գրկում» (1962)
• «Աշխարհի չեմպիոնը Հայաստանում» (1963, նաև՝ սցենարի հեղինակ)

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 168)։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։