Հակոբ Աթոյան

Վիքիպեդիայից՝ ազատ հանրագիտարանից
Jump to navigation Jump to search
Հակոբ Աթոյան
հունիսի 12, 1895(1895-06-12) - հոկտեմբերի 5, 1937(1937-10-05) (42 տարեկանում)
ԾննդավայրԻգդիր, Ağrı Subregion, Northeast Anatolia Region (statistical), Թուրքիա
Կոչումգեներալ-մայոր
Մարտեր/
պատերազմներ
Սարդարապատի ճակատամարտ և Ռուսաստանի քաղաքացիական պատերազմ
ՊարգևներԿարմիր դրոշի շքանշան և Կարմիր Աստղի շքանշան

Հակոբ Թադևոսի Աթոյան (հունիսի 12, 1895(1895-06-12), Իգդիր, Ağrı Subregion, Northeast Anatolia Region (statistical), Թուրքիա - հոկտեմբերի 5, 1937(1937-10-05)), հայ ռազմական գործիչ։

Կենսագրություն[խմբագրել | խմբագրել կոդը]

Ծնվել է 1895 թվականին Իգդիրում։ Ավարտել է տեղի ծխական դպրոցը, երկդասյան երկրագործական ուսումնարանը և Երևանի երկամյա ուսուցչական դասընթացները։ 1917 թ.-ին հեղափոխական աշխատանք է տարել Ալեքսանդրապոլի կայազորում, ընտրվել գնդի կոմիտեի անդամ։ 1920 թվականին Երևանում մասնակցել է Մայիսմեկյան ցույցերին։ Եղել է Հայաստանի կարմիր բանակի գնդի կոմիսար, ապա՝ հրամանատար։

1925-28 թվականներին սովորել է Ֆրունզեի անվան ռազմական ակադեմիայում (Մոսկվա)։ Մասնակցել է Սարդարապատի ճակատամարտին, այնուհետև՝ Ռուսաստանում ընթացող Քաղաքացիական պատերազմին։ Եղել է Կարմիր բանակի Հայկական գնդի կոմիսար, ապա՝ հրամանատար։ 1931 թվականին նշանակվել է Հայկական 76-րդ լեռնահրաձգային դիվիզիայի շտաբի պետ, հրամանատար-կոմիսար։

Ընտրվել է ՀԿԿ կենտկոմի, Անդրկովկասյան Ֆեդերացիայի, ՀԽՍՀ և ԽՍՀՄ կենտգործկոմների անդամ։

Անհիմն բռնադատվել է 1937 թ.-ին, հետմահու արդարացվել[1]։

ԽՍՀՄ Մինիստրների սովետը Աթոյանին հետմահու շնորհել է գեներալ–մայորի կոչում։

Հանդես է եկել հրապարակումներով, օգտագործել է Ա., Հ. Ա. ծածկանունները[2]:

Պարգևներ[խմբագրել | խմբագրել կոդը]

Պարգևատրվել է Կարմիր դրոշի, Կարմիր աստղի և Հայկական ԽՍՀ Աշխատանքային կարմիր դրոշի շքանշաններով։

Հիշատակ[խմբագրել | խմբագրել կոդը]

Աթոյանի անունով է կոչվում Երևանի Էրեբունի վարչական շրջանի փողոցներից մեկը։

Ծանոթագրություններ[խմբագրել | խմբագրել կոդը]

  1. Աթոյան Հակոբ Թադևոսի
  2. Բախտիար Հովակիմյան, Հայոց ծածկանունների բառարան, Ե., ԵՊՀ հրատ., 2005, էջ 551:

Գրականություն[խմբագրել | խմբագրել կոդը]

  • Դիվիզիայի հրամանատար Աթոյան / Գ. Օգանեզով. - Երևան։ Հայաստան, 1973. - 121 էջ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png