Լևոն Հազարապետյան

Լևոն Հազարապետյան
Ծնվել է	1881
Ծննդավայր	Ախալցխա
Վախճանվել է	1946
Մահվան վայր	Փարիզ
Կրթություն	Մյունխենի գեղարվեստի ակադեմիա (1917)
Մասնագիտություն	նկարիչ

Լևոն Հազարապետյան (1881, Ախալցխա - 1946, Փարիզ), հայ նկարիչ, գրաֆիկ։

Կենսագրություն

Ծնվել է Ախալցխայում։ Մասնագիտական կրթությունը ստացել է Մոսկվայի Ստրոգոնովի նկարչական ուսումնարանում, ապա մեկնել է Գերմանիա, կատարելագործվել Մյունխենի գեղարվեստների ակադեմիայում, ավարտել 1917 թվականին։ Վերադառնալով Կովկաս՝ որպես նկարչության ուսուցիչ աշխատել է Էջմիածնի Գևորգյան ճեմարանում, հետագայում՝ Թիֆլիսում Ստեփան Լիսիցյանի գիմնազիայում, եղել է ռիթմի և պլաստիկայի ինստիտուտի տնօրեն։

Ստեղծագործություններ

Թողել է գրաֆիկական արժեքավոր գործեր, որոնցից նմուշներ պահվում են արտասահմանյան թանգարաններում, այդ թվում՝ Լոնդոնում։ Աշխատակցել է «Հասկեր», «Լուսաբեր» հանդեսներին, ինչպես նաև մի շարք գրքերի նկարազարդման աշխատանքներին։

Լավագույն գործերից են՝ «Սալոմե», «Աղջիկը վանդակով», «Ինքնանկար», «Եվա», «Պոետ», «Հովհաննես Մկրտչի գլուխը» և այլն։