Կրծքի հարթեցում
Կրծքի հարթեցում կամ կրծքի տափակացում (անգլ.՝ breast “ironing”, breast flattening)[1], Կամերունի մշակույթում տարածված գործընթաց։ Սեռական հասունացման հասած աղջիկների կաթնագեղձերը թխկթխկացնում և մերսում են ծանր կամ տաք առարկաներով՝ նրանց զարգացումը դադարեցնելու նպատակով[2][3]։
Նկարագրություն[խմբագրել | խմբագրել կոդը]
Կրծքի հարթեցման գործողությունը սովորաբար կատարում է դեռահասին մոտ գտնվող կանանցից մեկը՝ մայրը, տատը, մորաքույրը կամ կին դաստիարակը։ Հարազատները համոզված են, որ դրանով աղջկան կպաշտպանեն բռնաբարությունից և ոտնձգություններից, ինչի արդյունքում նա կկարողանա խուսափել վաղաժամ հղիությունից, որն արատավորում է ընտանիքի պատիվը[4], սահմանափակել սեռական ճանապարհով փոխանցվող հիվանդությունների տարածումը, կոնկրետ՝ ՄԻԱՎ/ՁԻԱՀ-ը, կամ թույլ տալ աղջկան ամուսնության փոխարեն շարունակել կրթությունը[5]։
Ավանդույթը հիմնականում գործում է Կամերունի այն շրջաններում, որտեղ տղաները և տղամարդիկ կարծում են, որ երբ կնոջ կուրծքը սկսում է աճել, դա նշանակում է, որ նա պատրաստ է սեռական կյանքին։
Կան այս սովորույթի ներթափանցման օրինակներ Կամերունի սփյուռք, օրինակ՝ Մեծ Բրիտանիա[6], որտեղ երկրի օրենսդրությունը նման գործողությունները մեկնաբանում է որպես բռնություն երեխաների նկատմամբ[7][8]։
Կրծքի հարթեցման համար ամենատարածված գործիքը փայտե սանդաթակն է, որը սովորաբար օգտագործվում է սնունդը տրորելու համար։ Այլ գործիքների շարքում հանդիպել են նաև տերևներ, բանաններ, կոկոսի կեղևներ, հեսանաքարեր, շերեփներ, բահիկներ և ածխի վրա տաքացված մուրճեր[9]։
Հարթեցման գործողությունը սովորաբար կատարվում է լուսադեմին կամ մթնշաղին, նախընտրելի է փակ տեղում, օրինակ՝ խոհանոցում, որպեսզի ոչ ոք ականատես չլինի կամ չիմանա կատարվածի մասին, հատկապես տան տղամարդիկ[10]։
Պատմություն[խմբագրել | խմբագրել կոդը]
Կրծքի հարթեցումը կարող է առաջացած լինել կրծքի մերսման հնագույն սովորությունից[1]։
Կրծքի մերսումն օգնում է հավասարեցնել կաթնագեղձերի տարբեր չափսերը և թեթևացնել կերակրող մայրերի ցավը՝ մերսելով կուրծքը տաք առարկաներով (տես՝ Մաստիտ)։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 Rebecca Tapscott Understanding Breast “Ironing”: A Study of the Methods, Motivations, and Outcomes of Breast Flattening Practices in Cameroon(անգլ.) // Feinstein International Center (Tufts University). — 2012. Архивировано из первоисточника 12 Նոյեմբերի 2020.
- ↑ «Cameroon girls battle 'breast ironing'»։ 2006-06-23։ Արխիվացված է օրիգինալից 2019-04-04-ին։ Վերցված է 2021-01-15
- ↑ «CRIN - Violence Study - Millions of Cameroon girls suffer "breast ironing"»։ web.archive.org։ 2010-05-21։ Արխիվացված է օրիգինալից 2010-05-21-ին։ Վերցված է 2021-01-15
- ↑ «RIGHTS-CAMEROON: An Unwelcome "Gift of God"»։ Inter Press Service։ 2006-06-13։ Արխիվացված օրիգինալից 2019-03-29-ին։ Վերցված է 2021-01-15
- ↑ Vitalis Pemunta, Ngambouk The Social Context of Breast Ironing in Cameroon(անգլ.) // Athens Journal of Health. — 2016. — В. 4. — Т. 3. — С. 335—360. — Архивировано из первоисточника 6 Օգոստոսի 2019.
- ↑ «'Breast ironing': Girls ‘have chests flattened out’ to disguise»։ The Independent (անգլերեն)։ 2013-09-26։ Արխիվացված օրիգինալից 2020-10-07-ին։ Վերցված է 2021-01-15
- ↑ Inna Lazareva (2019-01-26)։ «Revealed: 'dozens' of girls subjected to breast-ironing in UK»։ the Guardian (անգլերեն)։ Արխիվացված օրիգինալից 2020-12-21-ին։ Վերցված է 2021-01-15
- ↑ Inna Lazareva (2019-02-13)։ «Breast-ironing: UK government vows to tackle abusive practice»։ the Guardian (անգլերեն)։ Արխիվացված օրիգինալից 2020-12-23-ին։ Վերցված է 2021-01-15
- ↑ «PlusNews Global | CAMEROON: Campaign launched to counter 'breast ironing' | Cameroon | Arts/Culture - PlusNews»։ web.archive.org։ 2012-02-13։ Արխիվացված է օրիգինալից 2012-02-13-ին։ Վերցված է 2021-01-15
- ↑ «The Long-Term Health-Related Outcomes of Breast Ironing in Cameroon - ProQuest»։ search.proquest.com (անգլերեն)։ Վերցված է 2021-01-15
|
