Քյոթահիա

Վիքիպեդիայից՝ ազատ հանրագիտարանից
(Վերահղված է Կուտինաից)
Քաղաք
Քյոթահիա
թուրք.՝ Kütahya
Kütahya Clock Tower.jpg
Քյոթահիա
Կոորդինատներ: 39°25′0″ հս․ լ. 29°59′0″ ավ. ե. / 39.41667° հս․. լ. 29.98333° ավ. ե. / 39.41667; 29.98333
Երկիր Թուրքիա Թուրքիա
Այլ անվանումներ Կուտինա
Մակերես 2,484.16 կմ²
ԲԾՄ 970 մետր
Բնակչություն 224․898 մարդ (2012)
Խտություն 100/կմ2 (260/sq mi) մարդ/կմ²
Ժամային գոտի UTC+2, ամառը UTC+3
Փոստային ինդեքսներ 43000–43999
Պաշտոնական կայք www.kutahya.gov.tr (թուրքերեն)
##Քյոթահիա (Թուրքիա)
Red pog.png

Քյոթահիա (թուրք.՝ Kütahya) կամ Կուտինա, քաղաք Թուրքիայի արևմտյան հատվածում։ Բնակչությունը կազմում է 237,804 մարդ (2011), Քաղաքով հոսում է Պորսուկ գետը։ Ծովի մակարդակից գտնվում է 969 մետր բարձրության վրա։ Քյոթահիա նահանգի մայրաքաղաքն է։ Տարաշածրջանն հայտնի է զառիթափերով, գյուղատնտեսական հողատարածքներով և հյուսիսից արևմուտք ձգվող բարձրադիր լեռնագագաթներով[1]:

Պատմական ակնարկ[խմբագրել | խմբագրել կոդը]

Փոքր Ասիայում, պատմական Փռյուգիայի տարածքում, Կ.Պոլսից 125 մղոն տարածության վրա, դեռ անտիկ շրջանում գոյություն է ունեցել Kotyaion քաղաքը, որն այժմ կոչվում է Քյոթահիա, և այստեղ հայեր այլևս չեն ապրում։ Բայց միջնադարում Քյոթահիայում աշխույժ և հարուստ հայկական համայնք է եղել, ոչտեղ էլ 14-15-րդ դդ. աստիճանաբար թափ է հավաքել և զարգացել հախճապակյա սալիկներ պատրաստելու արհեստը, և ձևավորվել է Քյոթահիայի հայկական սալիկների դպրոցը։ Ամենավաղ պահպանված նմուշները թվագրվում են 16-րդ դարին։

Վաղ քյոթահիական հայկական սալիկները երկգույն են՝ սպիտակ և կապույտ, և միայն 17-րդ դարում հայ վարպետները սկսում են օգտագործել դեղին, կանաչ և հայտնի հայկական կարմիր (tomato-red color armenian) գույները։ Քյոթահիան դարձավ հայկական հախճապակու արտադրության կենտրոն, և Օսմանյան կայսրության մեջ նրա հիմնական մրցակիցը Իզնիկն էր, որի արտադրանքն, ի տարբերություն հայ վարպետների "քրիստոնեական" սալիկների, "իսլամական" թեմատիկայով էր։

1869 թվականին Քյոթահիայում է ծնվել Կոմիտասը։

Ծանոթագրություններ[խմբագրել | խմբագրել կոդը]

  1. http://www.newadvent.org/cathen/04422a.htm Catholic Encyclopaedia: Cotiaeum.