1938 թվականին ավարտել է Յաշի գեղարվեստի դպրոցը։ Նկարել է ռումին գյուղացու կյանքը պատկերող թեմատիկ-կոմպոզիցիոն նկարներ («Ընթրիք» 1942 թվական, «Հանգիստը դաշտում», 1954 թվական, «Գյուղացիներ», 1958 թվական, «Ընտանիք», 1963 թվական), դիմանկարներ («Ինքնադիմանկար», 1955 թվական, «Կանացի դիմանկար», 1956 թվական, բոլորն էլ Բուխարեստի ՌԱՀ Արվեստի թանգարանում, «Զամպագճյանի դիմանկարը» 1957 թվական, Զամպագճյան թանգարան, Բուխարեստ), նատյուրմորտներ («Նատյուրմորտ ձկնով» 1947 թվական, Յաշի Գեղարվեստական թանգարան), նկարազարդել է ռումին գրողների երկեր։ Բաբա Կոռնելիուի ռեալիստական արվեստին հատուկ է մոնումենտալիզմը, հոգեբանական խորությունն ու դինամիկ լարվածությունը, զգայական հագեցվածությունն ու կառուցողական հստակությունը։ ՌԱՀ պետական մրցանակի դափնեկիր է։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 184)։
