Կլոդ Մութաֆյան
| Կլոդ-Արմեն Մութաֆյան ֆր.՝ Claude Mutafian | |
|---|---|
 | |
| Ծնվել է | հուլիսի 27, 1942 (76 տարեկան) |
| Ծննդավայր | Կլամար |
| Քաղաքացիություն |  Ֆրանսիա |
| Ազգություն | Հայ |
| Կրթություն | Փարիզի համալսարան և Փարիզ 1 Պանթեոն-Սորբոն համալսարան |
| Ազդել է | մաթեմատիկոս, պատմաբան, հայագետ |
| Մասնագիտություն | պատմաբան, հայագետ և մաթեմատիկոս |
| Աշխատավայր | Paris 13 University |
| Պարգևներ և մրցանակներ | ԵՊՀ պատվավոր դոկտոր (1995) |
Կլոդ Մութաֆյան (հուլիսի 27, 1942, Կլամար), հայազգի մաթեմատիկոս, պատմաբան, հայագետ, ՀՀ Գիտությունների ազգային ակադեմիայի արտասահմանյան անդամ[1], Երևանի պետական համալսարանի պատվավոր դոկտոր, Սորբոնի համալսարանի պրոֆեսոր։
Կենսագրություն[խմբագրել | խմբագրել կոդը]
Կլոդ-Արմեն Մութաֆյանը ծնվել է 1942 թվականին՝ 1915 թվականի ցեղասպանությունից մազապուրծ ծնողների ընտանիքում։ Հայրը ֆրանսահայ նկարիչ Զարեհ Մութաֆյանն է։
Ավարտել է Փարիզի հարավային համալսարանը՝ մաթեմատիկա մասնագիտությամբ (1965), Սորբոնի համալսարանում ստացել բյուզանդագիտության խորացված ուսուցման դիպլոմ (1993), ուսանել Փարիզի մանկավարժական ինստիտուտում (1962–1966)[2]։
Կիլիկիայի Հայոց թագավորության պատմության և մշակույթի վերաբերյալ բազմաթիվ աշխատանքների հեղինակ է։
- 1988 թվականին լույս է տեսել «Կիլիկյան կայսրությունների խաչմերուկներում» երկհատոր աշխատությունը, թարգմանվել նաև հայերեն[3]
- 2010 թվականին լույս է տեսել «Հայաստանի 12 մայրաքաղաքները» («Les douze capitales d’Arménie») ֆրանսերեն գիրքը (խմբագիրներ՝ Կլոդ-Արմեն Մութաֆյան, ֆրանսահայ արվեստաբան Պատրիկ Տոնապետյան)[4]
- 2012 թվականին լույս է տեսել Կլոդ-Արմեն Մութաֆյանի «Լևանտյան Հայաստան» աշխատությունը[5][6]
Կլոդ-Արմեն Մութաֆյանը երեք մեծ ցուցահանդես է կազմակերպել
- «Կիլիկիայի հայոց թագավորությունը»՝ Սորբոնի մատուռ (1993)
- «Հռոմ-Հայաստան»՝ Վատիկան, Սիքստինյան սրահ
- «Գրի մոգականությունը»՝ Մարսել (2007)
2002 թ. Փարիզ 1 Պանթէոն Սորբոն համալսարանում պաշտպանել է թեզ՝ «Հայկական դիվանագիտությունը խաչակրաց արշավանքների ժամանակաշրջանում» թեմայով[7]։
Ծանոթագրություններ[խմբագրել | խմբագրել կոդը]
- ↑ Արմեն-Կլոդ Մութաֆյան. «Հայ լինելը ճակատագիր է»
- ↑ Գիտությունների ազգային ակադեմիա
- ↑ «Պետք է այնպես անենք, որ Հայոց պատմությունը միջազգային պատմության մեջ տեղ գտնի». Կլոդ- Արմեն Մութաֆյան
- ↑ 12-ից ավելի մայրաքաղաքներ` «Հայաստանի 12 մայրաքաղաքները» գրքում
- ↑ Լույս է տեսել Արմեն Կլոդ Մութաֆյանի «Լևանտյան Հայաստան» աշխատությունը
- ↑ Լույս է տեսել Արմեն Կլոդ Մութաֆյանի «Լևանտյան Հայաստան»/L’Arménie du Levant (XIe-XIVe siècle) գրքի շնորհանդեսը
- ↑ «Հայերը և Երուսաղեմը» զեկուցումն անդրադառնում է մասնավորապես Երուսաղեմում հայոց ներկայության պատմական արմատներին
Արտաքին հղումներ[խմբագրել | խմբագրել կոդը]
- Կլոդ Մութաֆյան, Մերձավոր Արևելքի Հայաստանը
- Կլոդ Մութաֆեան, Ժամանակի վկան
- Կլոդ֊Արմէն Մութաֆեան. «Կիլիկեան Հայաստան - պատմագիտական սխալներ»
- Հարցազրույց պրոֆեսոր Կլոդ֊Արմէն Մութաֆեանի հետ
- Կլոդ Մութաֆյան
- Հայաստանը Ֆրանսիայի բարեկամը չէ, այլ՝ փոքրիկ քույրիկը
