Հավանայի համալսարան

Հավանայի համալսարան
Տեսակ	հասարակական համալսարան և ազատ հասանելիության հրատարակություն
Հիմնադրված է	1728
Հիմնադրիր	Իննոկենտիոս XIII
Ընդհանուր անձնակազմ	1910 մարդ
Անդամակցություն	Ֆրանկոֆոնիայի համալսարանական գործակալություն և Consejo Superior Universitario Centroamericano?
Երկիր	Կուբա
Տեղագրություն	Հավանա
Կայք	uh.cu
Հավանայի համալսարան (Կուբա) Հավանայի համալսարան, Կուբա
University of Havana Վիքիպահեստում

Հավանայի համալսարան, հապավում UH (իսպ.՝ Universidad de La Habana), համարվում է Կուբայի հեղինակավոր համալսարաններից մեկը։ Գտնվում է Հավանայի Վեդադո հայտնի շրջանում։ Համալսարանը հիմնադրվել է 1728 թվականին, դարձել է աշխարհի հեղինակավոր համալսարաններից մեկը։ Այսօր UH -ում գործում են 14 ֆակուլտետներ, որոնցում սովորում են 60 հազար ուսանողներ։

Պատմություն

Սկզբում համալսարանն ուներ կրոնական ուղղվածություն և ստացել էր Real y Pontificia Universidad de San Gerónimo de la Habana անվանումը, որը թարգմանաբար նշանակում է Սբ. Հերոնիի անվան թագավորական և քրիստոնեական համալսարան։ 18-րդ դարի բոլոր հեղինակավոր համալսարանները, որոնք հիմնադրվել էին իսպանացիների կողմից, պետք է ստանային միապետի կամ Պապի թույլտվությունը, այդ պատճառով էլ համալսարանների անվանումներին կցված էին արքայական կամ պապի բառերը։ Հավանայի համալսարանի բացման թույլտվությունը ստացվել է Ֆիլիպ V թագավորի և Իննոկենտիոս XIII պապի կողմից։ 1842 թվականին համալսարանը փոխեց իր կարգավիճակը և սկսեց իր ուսանողներին ապահովել աշխարհիկ կրթություն։

Սկզբում Real y Literaria Universidad de La Habana անվանումը վերափոխվեց թագավորական և Գրականության համալսարան, Իսկ ավելի ուշ Ազգային համալսարան։ 1952 թվականին Կուբայում իշխանության գլուխ անցավ Ֆուլգենսիո Բիստան, և համալսարանը դարձավ հակակառավարական ցույցերի կենտրոն։ Ի պատասխան այդպիսի գործողությունների, գեներալը փակել տվեց համալսարանը։ Միայն 1959 թվականին՝ Ֆիդել Կաստրոյի իշխանության օրոք նորից բացվեց համալսարանը։

Կառուցվածք

Ալեքսանդր Ֆոն Հումբոլդտի կիսանդրին համալսարանում: Նա Հավանա է այցելել XVIII— XIX դարերի միջակայքում

Համալսարանում գործում են 14 ֆակուլտետներ։ Ուսուցումն իրականացվում է 25 տարբեր մասնագիտությունների գծով, իսկ ուսանողների թիվը հասնում է 60 հազարի։

Ֆակուլտետներ

• Կենսաբանության
• Դեղագործության և սննդարդյունաբերության
• Ֆիզկուլտուրայի
• Աշխարհագրական
• Մաթեմատիկա և համակարգչային տեխնիկայի
• Հոգեբանության
• Քիմիայի
• Գրականության և արվեստի
• Հաղորդակցության
• Իրավաբանության
• Պատմության և փիլիսոփայության
• Տնտեսագիտության
• Տուրիզմի
• Հաշվապահական հաշվառում և ֆինանսներ։

Հավանայի համալսարանում գործում է նաև հեռավար ուսուցում։

Հայտնի դասախոսներ և ուսանողներ

Ուսանողներ

• Ֆիդել Կաստրո, հեղափոխական և քաղաքական գործիչ, Կուբայի նախագահ։ 1950 թվականին ավարտել է համալսարանի իրավաբանական ֆակուլտետը, այնուհետև՝ ասպիրանտուրան
• Ռաուլ Կաստրո, Ֆիդել Կաստրոյի եղբայրը և դաշնակիցը, Գերագույն խորհրդի և մինիստրների խորհրդի նախագահ
• Խոսե Լեսամա Լիմա, բանաստեղծ, վիպասան, էսսեիստ։ Համալսարանն ավարտել է 1938 թվականին
• Էմիլիո Նունես Պորտունդո, Կուբայի վարչապետ, Գյուղատնտեսության նախարար, եվրոպական երկրներում Կուբայի դեսպան։ Համալսարանն ավարտել է [[1919 թվականին]]
• Խոսե Մարիա Էրեդինա , պոետ, քաղաքական գործիչ։

Դասախոսներ

• Յուսնիեր Վիերա — հաշվողական տեխնիկայի և մաթեմատիկայի ֆակուլտետի պրոֆեսոր։

Պատվավոր գիտական դոկտորներ

• Անատոլի Ալեքսեևիչ Լոգունով, սովետական և ռուսական ֆիզիկայի տեսաբան, ՄՊՀ ռեկտոր։

Տես նաև

Կրթությունը Կուբայում

Արտաքին հղումներ

• Официальный сайт Гаванского университета

Վիքիպահեստն ունի նյութեր, որոնք վերաբերում են «Հավանայի համալսարան» հոդվածին։