Կինը կարմիր բազմոցում
 | |
|---|---|
| տեսակ | գեղանկար |
| նկարիչ | Պաբլո Պիկասո |
| տարի | 1929 |
| բարձրություն | 65,1 սանտիմետր[1] |
| լայնություն | 54 սանտիմետր[1] |
| ուղղություն | մոդեռնիզմ |
| ժանր | դիմապատկեր և աբստրակցիոնիզմ |
| նյութ | յուղաներկ[1] և կտավ[1] |
| գտնվում է | Մենիլ հավաքածու |
| հավաքածու | Մենիլ հավաքածու |
| սեփականատեր | Մենիլ հավաքածու |
պատկերված են
| |
| կայք | |
Ծանոթագրություններ | |
Կինը կարմիր բազմոցում (ֆր.՝ Femme dans un fauteuil rouge), Պաբլո Պիկասոյի նկարը՝ ստեղծված 1929 թվականին սյուռեալիզմի շրջանում։ Գտնվում է Menil Collection-ում՝ Հյուսթոնում, ԱՄՆ-ում։ Ունի 65,1 × 54 սմ չափսեր[2]։
Դիմանկարում հնարավոր է պատկերված է անանուն մոդել, բայց ընդհանուր ուրվագծերով նա հիշեցնում է Օլգա Խոխլովային՝ նկարչի կնոջը, որից բաժանվել է 1927 թվականին՝ նկարի ստեղծումից 2 տարի առաջ։ Նախկինում Պիկասոն Խախլովային պատկերել է քնքուշ և բարի, բայց երբ նրանց հարաբերությունները վատացել են, նա սկսել է կնոջը տալ կտրուկ, երբեմն՝ նրա պատկերը խեղաթյուրող չարագուշակ գծեր։ Նկարը ստեղծվել է ավանդական դիմանկարի ֆորմատով, երբ պատկերվող մոդելը պարզապես նստած է և նայում է հանդիսատեսին։ Մարմնի խեղաթյուրվող ձևերը վկայում են Պիկասոյի՝ 1920-ական թվականներին սյուռեալիստների հետ մշտական շփումների մասին[2]։
2012 թվականի հունիսի 13-ին այն ենթարկվել է վանդալիզմի։ Միջադեպը հեռախոսով ֆիքսել է Menil Collection թանգարանի այցելուն։ Տեսանյութում անհայտ երիտասարդը մոտենում է նկարին և տրաֆարետի ու ներկի սրվակի օգնությամբ արագ նկարում է ցլին սպանող տորեադորին, իսկ հետո գրում է իսպ.՝ Conquista (ենթարկում) բառը։ Ավելի ուշ հանցագործը, որն իրեն անվանում էր «հեռանկարային իսպանացի նկարիչ», բացատրել է, որ դա արել է «որպեսզի հարգանքի տուրք մատուցի Պաբլո Պիկասոյին»։ Բարեբախտաբար թանգարանի աշխատակիցներին շատ արագ հաջողվել է մաքրել կտավը նրա վրա քսված ներկից[3][4]։
Նկարը ձեռք է բերվել 1956 թվականին և Պիկասոյի 9 աշխատանքներից մեկն է, որը պատկանում է Menil Collection թանգարանին, որտեղ այն ցուցադրվում է 1987 թվականից[4]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 https://www.menil.org/collection/objects/1884-woman-in-a-red-armchair-femme-au-fauteuil-rouge
- ↑ 2,0 2,1 «Pablo Picasso. Woman in a Red Armchair (Femme au fauteuil rouge), 1929». Menil Collection. Վերցված է 2020 թ․ ապրիլի 30-ին.
- ↑ «Man Caught On Tape Vandalizing A Picasso At Houston Art Museum». Business Insider. Վերցված է 2020 թ․ ապրիլի 30-ին.
- ↑ 4,0 4,1 «The moment vandal is caught on video spray-painting priceless Picasso artwork in the middle of a Houston gallery». Վերցված է 2020 թ․ ապրիլի 30-ին.