Կիյոհարա Յուկինոբու
Կիյոհարա Յուկինոբու | |
|---|---|
| Ծնվել է | 1643 |
| Ծննդավայր | Կիոտո, Ճապոնիա |
| Վախճանվել է | հունիսի 5, 1682 |
| Քաղաքացիություն |  Tokugawa shogunate |
| Մասնագիտություն | նկարչուհի |
| Ոճ | Կանո դպրոց |
| Թեմաներ | գեղանկարչություն |
| Հայր | Կուսումի Մորիկագե |
 Kiyohara Yukinobu Վիքիպահեստում | |
Կիյոհարա Յուկինոբու (ճապ.՝ 清原雪信, հայտնի է նաև որպես Կանո Յուկինոբու, 1643, Կիոտո, Ճապոնիա - հունիսի 5, 1682), ճապոնացի նկարչուհի, Ճապոնիայում առաջին և ակնառու կին նկարիչներից և Կանո դպրոցին առնչվող նկարչուհիներից մեկը։
Կենսագրություն[խմբագրել | խմբագրել կոդը]
Կիյոհարա Յուկինոբուն ծնվել է 1643 թվականին նկարիչ Կուսումի Մորիկագեի և նկարիչ Կանո Տանյուի զարմուհու ընտանիքում։ Հայրը և պապը եղել են Կանո դպրոցի ներկայացուցիչներ[1]։ Ճապոնիայում կանանց շրջանում արվեստը խիստ խրախուսվում էր, իսկ վրձիններն ու այլ գեղանկարչական գործիքները հաճախ ներառվում էին օժիտի մեջ[1]։ Այնուամենայնիվ, քիչ կին նկարիչներ են հաջողության հասնել կրթության բացակայության պատճառով, քանի որ նրանք կարող էին միայն տանը սովորել[1]։ Հարուստ արիստոկրատների կանայք և դուստրերը կարող էին վարձել ուսուցիչներ տանը պարապելու համար, սակայն նրանցից քչերն են դարձել ճանաչված նկարչուհիներ[1]։ Կիյոհարա Յուկինոբուն հնարավորություն է ունեցել նկարչություն սովորել հորից Կիոտոյում և Կանո Տանյուի աշխատանքների ոճից[2]։
Կիյոհարա Յուկինոբուն շարունակել է Կանո դպրոցի ավանդույթները, սակայն վերամշակել է այս դպրոցին բնորոշ թեմաները իր ձևով և ի վերջո ճանաչվել է որպես նկարչուհի և կին, ով արվեստում (կեյսու) և կտավների գնորդների շրջանում բարձունքների է հասել[1][2]։ Այս ամենի վկայությունը նրա աշխատանքների վրա արված ստորագրություններն են։ Նա աշխատել է ինչպես ճապոնական գեղանկարչության ավանդական ձևերով (էմակիմոնո և կակեմոնո), այնպես էլ խոշոր ֆորմատի նախշանկարներով, օրինակ՝ առաջակալները։ Ցավոք, պահպանվել է նրա հեղինակության միայն մեկ առաջակալ[2]։ Կիյոհարա Յուկինոբուի ստեղծագործություններից շատերը ստեղծվել են յամատո-է ոճով, հաճախ նա պատկերել է Կանո դպրոցի ավանդական ծաղիկներ ու թռչուններ և կերպարներ չինական պատմությունից ու գրականությունից[2], սակայն հայտնի է դարձել կանանց կերպարներ նկարելով, այդ թվում բանաստեղծուհի և գրող, «Ասք Գենջիի մասին» վեպի հեղինակ Մուրասակի Շիկիբուի նկարով[3][4]։ Հայտնի ստեղծագործությունների շարքում են «Չորս եղանակների թռչուններ և ծաղիկներ» առաջակալի նախշանկարը, «Լոր և կորեկ» և «Սրնգահավերը, բալենու ծաղիկները և բամբուկը առվակի մոտ» (երկուսն էլ ներկայումս գտնվում են Նյու Յորքի Մետրոպոլիտեն թանգարանի հավաքածուում)։
Գրող Իհարա Սայկակուի ստեղծագործություններից մեկում կա մի տեսարան, որտեղ կուրտիզանուհին Կիյոհարա Յուկինոբուին պատվիրում է նկար ստեղծել[3][4]։
Պատկերասրահ[խմբագրել | խմբագրել կոդը]
-
«Լոր և կորեկ» -
«Սրնգահավերը, բալենու ծաղիկները և բամբուկը առվակի մոտ» -
«Թռչուններ և ծաղիկներ», կոլեկտիվ աշխատանք Կանո Տանյուի և նրա աշակերտների հետ -
«Երաշտահավն ու նռան ծաղիկները» -
«Մոնձյուն առյուծի վրա»
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Alice Gordenker (2015 թ․ հունիսի 1). «Painting women of Japan» (անգլերեն). Japan Times.
- ↑ 2,0 2,1 2,2 2,3 «小川に連雀桜竹図 Waxwings, Cherry Blossoms, and Bamboo by a Stream». The Metropolitan Museum of Art.
- ↑ 3,0 3,1 Fister, Patricia (1988). Japanese Women Artists 1600-1900. Lawrence, Kansas: Spencer Museum of Art, University of Kansas. էջեր 34–35. ISBN 0-913689-25-4.
- ↑ 4,0 4,1 Weidner, Marsha Smith, ed. (1990). Flowering in the Shadows: Women in the History of Chinese and Japanese Painting. University of Hawaii Press. ISBN 9780824811495.
 | Վիքիպահեստն ունի նյութեր, որոնք վերաբերում են «Կիյոհարա Յուկինոբու» հոդվածին։ |
|
