Կերամիկայի և դեկորատիվ արվեստի ազգային թանգարան

Կերամիկայի և դեկորատիվ արվեստի ազգային թանգարան
Տեսակ	թանգարան
Երկիր	Իսպանիա
Տեղագրություն	Ciutat Vella? և Վալենսիա
Վայր	Վալենսիա
Ղեկավարության նստավայր	Palau del Marqués de Dos Aigües
Հիմնադրվել է	փետրվարի 7, 1947
Տնօրեն	Jaume Coll Conesa?
Կայք	mnceramica.mcu.es

«Գոնսալես Մարտի» Կերամիկայի և դեկորատիվ արվեստի ազգային թանգարան (իսպ.՝ Museo Nacional de Cerámica y de las Artes Suntuarias González Martí), կերամիկական (մասնավորապես Վալենսիայի կերամիկա), հախճապակիների և այլ դեկորատիվ արվեստներին (ինչպիսիք են տեքստիլ արվեստ, ավանդական տարազներ և կահույք) նվիրված թանգարան Իսպանիայի Վալենսիա քաղաքում։ Թանգարանը տեղակայված է Մարկես դե դոս Ագուաս պալատի (Marqués de Dos Aguas Palace) շենքում։ Հիմնադրվել է 1947 թվականի փետրվարի 7-ին Մանուել Գոնսալես Մարտիի նվիրաբերած կերամիկայի հավաքածուի հիման վրա։ 1954 թվականի հունիսի 18-ին թանգարանը բացվել է հանրության համար։

Շենք[խմբագրել | խմբագրել կոդը]

Ի սկզբանե պալատը եղել է գոթական կառույց։ 18-րդ դարի կեսերին, երբ Իպոլիտո Ռովիրան և վալենսիացի քանդակագործ Իգնասիո Վերգարան նախագծեցին շենքի ճակատային մասը, այն ամբողջովին վերափոխվեց բարոկկո ոճի։ Այսօր, տարբեր ձևափոխությունների արդյունքում, կառույցը հիմնականում ռոկոկո, նեոդասական և արևելյան ոճերի համադրություն է։

1941 թվականին շենքը համարվել է պատմական հուշարձան, և 1949 թվականին պետությունը գնել է այն՝ Գոնսալես Մարտիի կերամիկայի հավաքածուն այնտեղ տեղավորելու համար, որին հաջորդել են ենթակառուցվածքների բարելավման և վերանորոգման աշխատանքներ։ 1990-1998 թվականներին վերանորոգման աշխատանքները համակարգել է ճարտարապետ Գինես Սանչես Էվիան^[3]։

Վերգետնյա հարկ[խմբագրել | խմբագրել կոդը]

Այս հարկը հիմնականում նվիրված է ժամանակավոր ցուցահանդեսներին։

Առաջին հարկ[խմբագրել | խմբագրել կոդը]

Առաջին հարկում Մարքիզ դե Դոս Ագուայի մասնավոր սենյակներն են, որոնց պատերն ու առաստաղը զարդարված են նկարիչներ Պլասիդո Ֆրանսես ի Պասկուալի, Խոսե Ֆելիպե Պառայի և Խոսե Բրել Գուիրալտի նկարներով։ Մարմարե աստիճանները ունեն տարբեր գույներ, դրանց վրա «MD» սկզբնատառերն են՝ «Marquis de Dos Aguas»:

Հայտնի սենյակներից են Պարահանդեսի, Կարմիր սենյակները, Արևելյան հյուրասենյակը (հայտնի է նաև որպես ճենապակիների սենյակ), որոնք հագեցած են բնօրինակ կահույքով։ Բոլոր սենյակները զարդարված են արվեստի ստեղծագործություններով, լուսամփոփներով, ժամացույցներով, ծաղկամաններով և այլն^[4]։

Երկրորդ հարկ[խմբագրել | խմբագրել կոդը]

Այս հարկն ամբողջությամբ նվիրված է կերամիկական հավաքածուների ցուցադրմանը, այդ թվում ներկայացված է տիպիկ վալենսիական խոհանոցի վերարտադրություն՝ նախագծված Մանուել Գոնսալես Մարտիի կողմից, ինչպես նաև 18-րդ և 19-րդ դարերի խճանկարներ, ֆրիզներ, դեկորատիվ վահանակներ։ Այս տարածքը ձևավորված է կերամիկական ծաղկամաններով և պղնձե առարկաներով։

Հավաքածու[խմբագրել | խմբագրել կոդը]

1969 թվականին թանգարանի հավաքածուն համալրվել է կահույքի, հագուստի, նկարների տարբեր նմուշներով, որոնք մեծ հետաքրքրություն են ներկայացնում վալենսիական ավանդույթների և տեղացի արվեստագետների համար։

Ծանոթագրություններ[խմբագրել | խմբագրել կոդը]

↑ ^1,0 ^1,1 Wiki Loves Monuments monuments database — 2017.
↑ ^2,0 ^2,1 https://ceice.gva.es/va/web/patrimonio-cultural-y-museos/inventario-general
↑ Sánchez Hevia, Ginés (1999). Palacio del Marqués de Dos Aguas: restauración y rehabilitación arquitectónica (2nd ed.). Spain. ISSN 1136-758X.{{cite book}}: CS1 սպաս․ location missing publisher (link)
↑ «Recorrido por el museo». Museo de Ceràmica. Վերցված է 2014 թ․ նոյեմբերի 25-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Կերամիկայի և դեկորատիվ արվեստի ազգային թանգարան» հոդվածին։

[_3853ad6cf38e66e0-1] 1,0 ^1,1 Wiki Loves Monuments monuments database — 2017.

[_748252b05363f133-2] 2,0 ^2,1 https://ceice.gva.es/va/web/patrimonio-cultural-y-museos/inventario-general

[3] Sánchez Hevia, Ginés (1999). Palacio del Marqués de Dos Aguas: restauración y rehabilitación arquitectónica (2nd ed.). Spain. ISSN 1136-758X.{{cite book}}: CS1 սպաս․ location missing publisher (link)

[4] «Recorrido por el museo». Museo de Ceràmica. Վերցված է 2014 թ․ նոյեմբերի 25-ին.

[1]

[2]

[3]

[4]