Կարմիր քարանձավներ
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Կարմիր քարանձավներ կամ Կիզիլ-Կոբա (ուկրաիներեն՝ Червоні печери, Кизил-Коба, Ղրիմի թաթարերեն՝ Qızıl Qoba, Къызыл Къоба), մի քանի քարանձավներից կազմված համակարգ, որը գտնվում է Ղրիմի լեռներում, Դոլգորուկովի յայլայի ծերպերում, Սիմֆերոպոլի շրջանի Պերեվալնի (Անգարա) գյուղից 3 կմ հեռավորության վրա։ Մուտքը գտնվում է 44°51′59″ հս․. լ. 34°20′54″ ավ. ե.HGЯO կոորդինատներում։
Կիզիլ-Կոբան ամենամեծ քարանձավն է Ղրիմում։ Նրա հետազոտված մասի ընդհանուր երկարությունը այս պահին կազմում է մոտ 25 կմ, մակերեսը՝ 64000 մ², ծավալը՝ 270000 մ³, բարձրությունների տարբերությունը՝ 275 մ։ Առանձին սրահների երկարությունը կազմում է 70 - 80 մ, բարձրությունը մինչև 145 մ (Աղավնիների անձրևի սրահ)։ Ներքևի հարկերի միջին ջերմաստիճանն է 8,1 — 9,0 °C։ Այստեղ կան մի քանի քարանձավներ, իրար հետ նրանք կազմում են բարդ լաբիրինթոս, որը բաղկացած է վեց հարկերից, այդ պատճառով քարանձավի այցելությունը թույլատրվում է միայն ուղեկցողների հետ միասին։
Առաջին հարկով հոսում է ստորերկրյա Կիզիլկոբինկա գետը։ Քարանձավում կան լճեր, ջրվեժներ և սիֆոններ։ Այս քարանձավում է գտնվում Եվրոպայում հայտնի ամենամեծ ստալակտիտներից մեկը։ Նրա երկարությունն է մոտ 8 մետր, իսկ տարիքը գնահատվում է մոտ 8000 տարի։
Քարանձավը ստեղծվել է Կիզիլկոբինկա գետի միջոցով, որը արտահոսելով քարանձավից առաջացնում է Սու-Ուչկան ջրվեժը։
Կիզիլ-Կոբան հայտնի է որպես հնէաբանության կոթող։ Այստեղ, մոտ 2,5 հազար տարի առաջ ապրել են մարդիկ, որոնց գիտնականները հատկացնում են այսպես կոչված, կիզիլկոբայան մշակույթին (կիմերացիների հնարավոր հետնորդներ)։
1989 թվականից քարանձավում գործում է էքսկուրսիոն ուղի, որի երկարությունը կազմում է 500 մ։
Այս պահին քարանձավի ակտիվ հետազոտությունները կատարվում են Ուկրաինական սպելեոլոգիական ասոցիացիայի և Ռուսական աշխարհագրական միության համատեղ ծրագրով։
Պատկերասրահ[խմբագրել | խմբագրել կոդը]
Քարանձավի մուտք
Կիզիլկոբինկա գետը քարանձավում
Էքսկուրսիայի ուղին
«Քարանձավի տիրակալ» ստալագմիտը
Արտաքին հղումներ[խմբագրել | խմբագրել կոդը]
- Ա. Ա. Շչեպինսկի, «Կարմիր քարանձավներ» (գիտահանրամատչելի նկարագիր և ուղեցույց, 1987) Archived 2009-03-22 at the Wayback Machine.
- Ճանապարհորդություններ - Կարմիր քարանձավ (տեղեկություններ, լուսանկար) Archived 2012-06-02 at the Wayback Machine.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կարմիր քարանձավներ կատեգորիայում։ |