Կարմեն Կալվո Պոյատո
| Կարմեն Կալվո Պոյատո իսպ.՝ Carmen Calvo Poyato | |
.jpg)
| |
| Կուսակցություն՝ | Իսպանական սոցիալիստական բանվորական կուսակցություն[1][2] |
|---|---|
| Կրթություն՝ | Սևիլյայի համալսարան և University of Córdoba? |
| Գիտական աստիճան՝ | դոկտորի աստիճան |
| Մասնագիտություն՝ | քաղաքական գործիչ, գրող և փաստաբան |
| Ծննդյան օր | հունիսի 9, 1957[2] (65 տարեկան) |
| Ծննդավայր | Կաբրա |
| Քաղաքացիություն |  Իսպանիա
|
| Ի ծնե անուն | իսպ.՝ Carmen Calvo Poyato |
| Պարգևներ |
 |
Կարմեն Կալվո Պոյատո (իսպ.՝ Carmen Calvo Poyato, հունիսի 9, 1957[2], Կաբրա), իսպանացի քաղաքական գործիչ, Իսպանական սոցիալիստական բանվորական կուսակցության անդամ։ 2018 թվականի հունիսի 7-ից Սանչեսի առաջին և երկրորդ կաբինետներում զբաղեցրել է փոխվարչապետի պաշտոնը։ Սանչեսի երկրորդ կաբինետում 2020 թվականի հունվարի 13-ից նախարարների կաբինետի գործերով, գլխավոր կորտեսների հետ հարաբերությունների և ժողովրդավարական հիշողության հարցերի նախարար։ 2018 թվականի հունիսի 7-ից մինչև 2020 թվականի հունվարի 13-ը Սանչեսի կաբինետում եղել է հավասարության հարցերով նախարար։ 2004 թվականից մինչև 2007 թվականը Սապատերոյի կառավարությունում զբաղեցրել է Իսպանիայի մշակույթի նախարարի պաշտոնը։
2017 թվականի հունիսից եղել է Սոցիալիստական հավասարության կուսակցության քարտուղարը և հրատարակել է մի քանի գրքեր ֆեմինիզմի և գենդերային հավասարության վերաբերյալ։
Կենսագրություն[խմբագրել | խմբագրել կոդը]
Կարմենի ավագ եղբայրը՝ Խոսե Կալվո Պոյատոն պատմաբան, գրող և քաղաքական գործիչ է, 1991-2000 թվականներին զբաղեցրել է հայրենի Կաբրայի քաղաքապետի պաշտոնը։ Կարմեն Կալվոն իրավագիտություն է սովորել Սևիլյայի համալսարանում, ինչպես նաև Կորդովայի համալսարանում, որտեղ ստացել է սահմանադրական իրավունքի ոլորտում գիտական աստիճան։ 1995-2004 թվականներին աշխատել է Անդալուսիայի տարածաշրջանային կառավարությունում՝ Մանուել Չավես Գոնսալեսի ղեկավարությամբ[3]։
2004 թվականի խորհրդարանական ընտրություններում Կարմեն Կալվոն Կորդովայից ընտրվել է Իսպանիայի խորհրդարանի ստորին պալատի պատգամավոր և հետագայում մշակույթի նախարար նշանակվել Սապատերոյի նոր կառավարությունում։ Մշակույթի նախարարի պաշտոնում Կարմեն Կալվոն հիշվել է հեղինակային իրավունքների պահպանման համար վճռական պայքարով։ 2005 թվականին նրա գերատեսչությունը մոտ մեկ միլիոն եվրո է ծախսել կրթական արշավի համար, որը պարզաբանել է մտավոր սեփականության նշանակությունը։ Այնուամենայնիվ, նա նաև քննադատության է ենթարկվել երաժշտական ոլորտի կողմից այն արտահայտության համար, որ մտավոր սեփականությունը «բացարձակ իրավունք չէ»։
2020 թվականին Իսանիայում կորոնավիրուսային վարակի բռնկման շրջանում Կալվո Պոյատոյի 2020 թվականի մարտի 25-ին կորոնավիրուսային վարակի թեստը դրական է եղել[4]։ Վիրուսն ախտորոշվել է մարտի 8-ին Կանանց միջազգային օրվա շուրջ 120000-անոց քայլերթից հետո[5][6]։
Ծանոթագրություններ[խմբագրել | խմբագրել կոդը]
- ↑ 1,0 1,1 Carmen Calvo, la feminista torera que no pide permiso ni perdón (իսպ.) // El Confidencial — 2018.
- ↑ 2,0 2,1 2,2 2,3 http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=155&idLegislatura=13
- ↑ «El primer gobierno de Zapatero - Documentos elmundo.es»։ www.elmundo.es։ Վերցված է 2018-12-15
- ↑ «Spain's Deputy PM Carmen Calvo tests positive for coronavirus»։ Reuters։ 2020-03-25։ Վերցված է 2020-03-25
- ↑ Shields Bevan (մարտի 26, 2020)։ «A massive disaster is unfolding in Spain»։ The Sydney Morning Herald։ Վերցված է մարտի 26, 2020
- ↑ Sills Ben, Millan Lombrana Laura (մարտի 26, 2020)։ «Spanish Doctors Are Forced to Choose Who to Let Die»։ Bloomberg։ Վերցված է մարտի 26, 2020
Արտաքին հղումներ[խմբագրել | խմբագրել կոդը]
| ||||||||||||||||
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կարմեն Կալվո Պոյատո կատեգորիայում։ |