Կարին Կոք

	Կարին Կոք
Կուսակցություն՝	Շվեդիայի սոցիալ-դեմոկրատական կուսակցություն
Կրթություն՝	Ստոկհոլմի համալսարան և Լոնդոնի տնտեսության և քաղաքական գիտությունների դպրոց
Գիտական աստիճան՝	Doctor of Business and Economics? (1929)
Մասնագիտություն՝	տնտեսագետ և քաղաքական գործիչ
Ծննդյան օր	հուլիսի 2, 1891
Ծննդավայր	Կլարա ծխական համայնք, Ստոկհոլմ քաղաք, Փոխմարզպետի պաշտոն, Շվեդիա
Վախճանի օր	հուլիսի 28, 1976 (85 տարեկան)
Վախճանի վայր	Կունգսհոլմ, Ստոկհոլմ, Ստոկհոլմի լեն, Շվեդիա
Թաղված	Սկուգսչյուրկոգորդեն
Քաղաքացիություն	Շվեդիա
Ամուսին	Hugo Lindberg?
Karin Kock

Կարին Կոք-Լինդբերգ (ծննդյամբ` Կոք, հուլիսի 2, 1891(1891-07-02), Կլարա ծխական համայնք, Ստոկհոլմ քաղաք, Փոխմարզպետի պաշտոն, Շվեդիա - հուլիսի 28, 1976(1976-07-28), Կունգսհոլմ, Ստոկհոլմ, Ստոկհոլմի լեն, Շվեդիա), շվեդ կին քաղաքական գործիչ (սոցիալ-դեմոկրատ) և տնտեսագիտության պրոֆեսոր։ 1947 թվականին Շվեդիայում դարձել է առաջին կինը, որը զբաղեցրել է նախարարի պաշտոն^[2]։ Նա նաև Շվեդիայում տնտեսագիտության առաջին կին պրոֆեսորն է^[2]։ Կարին Կոքը հայտնի է նաև Կարին Կոք-Լինդբերգ անվամբ՝ իրավաբան Հյուգո Լինդբերգի հետ ամուսնությունից հետո (1936)։

Կենսագրություն[խմբագրել | խմբագրել կոդը]

Կարին Կոքը ծնվել է Ստոկհոլմում։ Սովորել է Լոնդոնի տնտեսագիտության և քաղաքական գիտությունների դպրոցում և Ստոկհոլմի համալսարանում^[2]։ 1933-1938 թվականներին Ստոկհոլմի համալսարանում եղել է դասախոս։ Տնտեսագիտության պրոֆեսոր է նշանակվել 1945 թվականին՝ այդ ոլորտում մի քանի տարի աշխատելուց հետո։

Նա հրատարակել է մի շարք աշխատանքներ տնտեսագիտության ոլորտում, որտեղ հիմնական թեմաները վարկային և առևտրային ցիկլի խնդիրներն էին^[3]։ Նրա անգլերեն աշխատություններից են՝ «A Study of Interest Rates» (հայերեն՝ «Տոկոսադրույքների ուսումնասիրություն») (1929) և «International Trade and the GATT» (հայերեն՝ «Միջազգային առևտուրը և GATT-ը») (1969), ինչպես նաև «The National Income of Sweden 1861-1930» (հայերեն՝ «Շվեդիայի ազգային եկամուտը 1861-1930 թվականներին») (1937), որը գրվել է երկու այլ տնտեսագետների հետ համագործակցությամբ^[3]։

1936 թվականին Կարին Կոքը նշանակվել է աշխատավորների կանանց ասոցիացիայի տնտեսական խորհրդական, իսկ 1945 թվականին՝ Փարիզում կայացած աշխատավորների միջազգային խորհրդաժողովի կառավարական պատվիրակ^[2]։ 1947-1948 թվականներին զբաղեցրել է առանց տնտեսության հարցերի պորտֆելը, իսկ 1948-1949 թվականներին՝ երկրի տնտեսության նախարարի (շվեդ.՝ Folkhushållningsminister) պաշտոնը^[2]։

1950 թվականին՝ երկրի տնտեսության նախարարության լուծարումից հետո, Կարին Կոքը դարձել է Շվեդիայի վիճակագրական վարչության տնօրեն^[2]։ 1950-1957 թվականներին եղել է գործակալության ղեկավարը^[3]։ 1953-1954 թվականներին եղել է Շվեդիայի վիճակագրական վարչության նախագահը^[3]։ 1956 թվականին դարձել է Ամերիկայի վիճակագրական ասոցիացիայի անդամ^[4], իսկ 1958 թվականին՝ Միջազգային վիճակագրական ինստիտուտի անդամ^[3]։

ՄԱԿ-ի Եվրոպական տնտեսական հանձնաժողովում որպես Շվեդիայի պատվիրակ` նա մի քանի տարի Ժնևում հանդես է եկել որպես պլենար նստաշրջանի նախագահ^[3]։

Կարին Կոքը նաև եղել է «Akademiskt bildade kvinnors förening»-ի (հայերեն՝ Կին ակադեմիկոսների ասոցիացիա) նախագահը (1926-1933) և Համալսարանի կանանց միջազգային ֆեդերացիայի փոխնախագահը^[2]։

Տես նաև[խմբագրել | խմբագրել կոդը]

Քերստին Հեսսելգրեն

Ծանոթագրություններ[խմբագրել | խմբագրել կոդը]

↑ http://www.svenskagravar.se/search?ShowFilters=False&Query=Karin+Kock+1976+1891-07-02&ParishId=&GraveNumber=&BirthDate=&DeathDate=&BurialDate=&OrderByDesc=False&OrderBy= — Svenskagravar.se.
↑ ^2,0 ^2,1 ^2,2 ^2,3 ^2,4 ^2,5 ^2,6 «Karin Kock». Kvinnor i arbete (շվեդերեն). Gothenburg University. Վերցված է 2011 թ․ նոյեմբերի 21-ին.
↑ ^3,0 ^3,1 ^3,2 ^3,3 ^3,4 ^3,5 Ohlsson, Ingvar (1977). «Karin Kock, 1891-1976». International Statistical Review / Revue Internationale de Statistique. 45 (1): 109. ISSN 0306-7734.
↑ List of ASA Fellows Արխիվացված 2016-06-16 Wayback Machine, retrieved 2016-07-16.

Վիքիպահեստն ունի նյութեր, որոնք վերաբերում են «Կարին Կոք» հոդվածին։

[_c0fb6dcc01bffe6f-1] ttp://www.svenskagravar.se/search?ShowFilters=False&Query=Karin+Kock+1976+1891-07-02&ParishId=&GraveNumber=&BirthDate=&DeathDate=&BurialDate=&OrderByDesc=False&OrderBy= — Svenskagravar.se.

[GU-2] 2,0 ^2,1 ^2,2 ^2,3 ^2,4 ^2,5 ^2,6 «Karin Kock». Kvinnor i arbete (շվեդերեն). Gothenburg University. Վերցված է 2011 թ․ նոյեմբերի 21-ին.

[ISR-3] 3,0 ^3,1 ^3,2 ^3,3 ^3,4 ^3,5 Ohlsson, Ingvar (1977). «Karin Kock, 1891-1976». International Statistical Review / Revue Internationale de Statistique. 45 (1): 109. ISSN 0306-7734.

[4] List of ASA Fellows Արխիվացված 2016-06-16 Wayback Machine, retrieved 2016-07-16.

[1]

[2]

[3]

[4]