Jump to content

Կարեն Միլս

Վիքիպեդիայից՝ ազատ հանրագիտարանից
Կարեն Միլս
Դիմանկար
Ծնվել էսեպտեմբերի 14, 1953(1953-09-14) (70 տարեկան)
ԿրթությունՀարվարդի համալսարան և Հարվարդի բիզնես դպրոց
Մասնագիտությունքաղաքական գործիչ
ԱշխատավայրՀարվարդի համալսարան
Զբաղեցրած պաշտոններAdministrator of the Small Business Administration?
ԿուսակցությունԴեմոկրատական կուսակցություն
 Karen Mills Վիքիպահեստում

Կարեն Գորդոն Միլս (անգլ.՝ Karen Mills, սեպտեմբերի 14, 1953(1953-09-14)), ամերիկացի ձեռնարկատեր և նախկին պետական պաշտոնյա, ԱՄՆ Փոքր բիզնեսի վարչության 23-րդ ադմինիստրատոր։ Միլսը ծնվել է 1953 թվականի սեպտեմբերի 14-ին, Նյու Յորք քաղաքում։ 2008 թվականի դեկտեմբերի 19-ին առաջադրվել է ընտրված նախագահ Բարաք Օբամայի կողմից, 2009 թվականի ապրիլի 2-ին միաձայն հաստատվել է Սենատի կողմից և երդվել ապրիլի 6-ին։ Իր պաշտոնավարման ընթացքում պաշտոնի լիազորություններն ավելացվել են՝ նա ուներ քաղաքական որոշումներ կայացնելու իրավասություն և նախագահական կաբինետի նիստերին մասնակցության իրավունքի թույլտվություն։ 2013 թվականի փետրվարի 11-ին հայտարարել է ադմինիստրատորի պաշտոնից հրաժարականի մասին, իսկ պաշտոնից հեռացել է 2013 թվականի սեպտեմբերի 1-ին[1][2][3][4][5][6]։

ԱՄՆ Փոքր բիզնեսի վարչությունից հեռանալուց հետո Միլսը Հարվարդի բիզնես դպրոցում և Հարվարդի Ջոն Քենեդու անվան պետական կառավարման դպրոցում աշխատել է որպես ավագ գիտաշխատող։ Նա MMP Group ներդրումային ընկերության նախագահն է։ Envoy Global ներգաղթի ծառայություններ մատուցող ընկերության տնօրենների խորհրդի նախագահի տեղակալն ու Fortune ամսագրի և այլ հրատարակությունների մշտական հեղինակն է։ Միլսը «ՖԻՆՏԵԽ, Փոքր բիզնես և ամերիկյան երազանք» գրքի հեղինակն է[2][2][7][8][9]։

Վաղ կյանք և կրթություն[խմբագրել | խմբագրել կոդը]

Միլսը Tootsie Roll Industries ընկերության նախագահ ու գործադիր տնօրեն Մելվին Գորդոնի դուստրն է։ Նա Հարվարդի համալսարանից ստացել է արվեստի բակալավրի աստիճան տնտեսագիտության ոլորտում և բիզնեսի կառավարման մագիստրոսի աստիճան՝ Հարվարդի բիզնես դպրոցում, որտեղ Բեյքերի կրթաթոշակառու էր[10]։

Կարիերա[խմբագրել | խմբագրել կոդը]

1980-ականներին և 1990-ականներին Միլսն ամբողջ երկրում ներդրումներ է կատարել և ղեկավարել մի քանի փոքր՝ փայտանյութի հատակների արտադրության, սառնարանային շարժիչների և ներարկման համաձուլվածքների պլաստմասսաների արտադրական ընկերություններ։

Նախքան ԱՄՆ Փոքր բիզնեսի ադմինիստրատոր դառնալը, Միլսը եղելէ որպես MMP Group մասնավոր բաժնետիրական ընկերության նախագահ, որը մասնագիտացած է բիզնեսի զարգացման մեջ այնպիսի ոլորտներում, ինչպիսիք են սպառողական ապրանքները, սննդամթերքը, տեքստիլը և արդյունաբերական բաղադրիչները։ Նախքան MMP ընկերությանը միանալը, նա եղել է Solera Capital (Նյու Յորքում տեղակայված վենչուրային կապիտալ ընկերություն, որը ներդրումներ է կատարել կանանց պատկանող շատ ընկերություններում, ինչպիսիք են բնական սննդի արտադրող Annie's-ը) ընկերության հիմնադիր գործընկեր և գործադիր տնօրեն[11]։

2007 թվականին Մեյնի նախկին նահանգապետ Ջոն Բալդաչին նրան նշանակել է մրցունակության և տնտեսության պետական խորհրդի նախագահ, որը զբաղվում էր գյուղական և տարածաշրջանային զարգացման հարցերով։ Միլսը նաև եղել է Բրանսուիկի ռազմածովային բազայի վերակառուցման պետական խորհրդի անդամ։

Նախկինում Միլսը ԱՄՆ-ում և Եվրոպայում՝ McKinsey and Co. ընկերությունում աշխատել է որպես կառավարման խորհրդատու, General Foods-ի արտադրանքի մենեջեր, ինչպես նաև եղել է Scotts Miracle-Gro-ի և Arrow Electronics-ի տնօրենների խորհուրդներում։

Կլաստերավորում[խմբագրել | խմբագրել կոդը]

Միլսը տարածաշրջանային նորարարական կլաստերների (հարակից արդյունաբերության աշխարհագրական ասոցիացիաներ, оրինակ՝ Սիլիկոնային հովտի տեխնոլոգիական ընկերություններ) կողմնակից է, որոնք կարող են փոխանակել ռեսուրսներ, գաղափարներ և մարդկային կապիտալ։ 2005 թվականին Միլսը Բրանսուիկում ռազմածովային ավիաբազայի փակումից հետո ներգրավվել է նոր աշխատատեղերի ստեղծման աշխատանքներում։ Նա օգնել է կազմակերպել North Star Alliance-ը՝ համագործակցություն տեղական նավաշինարարների, կոմպոզիտային նյութերի արտադրողների և Մեյնի համալսարանի հետազոտողների միջև, որն օգնել է բարձրացնել Մեյնի նավաշինության և կոմպոզիտային արդյունաբերության համաշխարհային մրցունակությունը[12]։

Հետագայում Միլսը Մեյնում ստեղծել է մասնագիտացված սննդի կլաստեր, որտեղ մասնագիտացված արտադրողները, ինչպիսիք են Peak Organic Beer-ը, օգտվել են Մեյնի տեղական գյուղատնտեսությունից։ Այս կլաստերի ստեղծման սկզբից Մեյնը դարձել է սննդի արդյունաբերության առաջատարներից։ 2007 թվականին նշանակվել է Մեյնի մրցունակության և տնտեսության խորհրդի նախագահ, որտեղ կենտրոնացել է տարածաշրջանային արդյունաբերություններում և Մեյնի գյուղական վայրերում ներդրումներ ներգրավելու համար[13] ։

Միլսը 2008 թվականի ապրիլին հիմնվելով տարածաշրջանային նորարարական կլաստերների հետ աշխատելու իր փորձի վրա՝ Բրուքինգսի ինստիտուտի համար նույն թեմայով հոդված է գրել[14]։

ԱՄՆ Փոքր բիզնեսի կառավարում[խմբագրել | խմբագրել կոդը]

Գործակալությունը ստեղծվել է 1953 թվականին։ Փոքր բիզնեսի կառավարումը գործում է չորս առանցքային ոլորտներում. gործակալությունն ավելի բարձր հեղինակություն է ձեռք բերել նախագահ Օբամայի օրոք, որը փոքր բիզնեսը դարձրել է Մեծ անկման հետևանքով տնտեսությունը աշխուժացնելու անկյունաքարը։ Միլսը ԱՄՆ Փոքր բիզնեսի կառավարման ադմինիստրատոր է նշանակվել 2009 թվականի սկզբին, կրիտիկական ժամանակաշրջանում, երբ փոքր բիզնեսի վարկավորման շուկան կանգ էր առել։ Նա վերահսկում էր Նախագահ Օբամայի 2009 թվականի Ամերիկյան վերականգնման և վերաներդրման ակտի հիմնական դրույթների իրականացումը, ներառյալ ԱՄՆ Փոքր բիզնեսի կառավարմամբ ապահովված վարկերի վճարներից հրաժարվելը և մասնավոր հատվածի վարկատուների կողմից տրված վարկերի գործակալության պետական ​​երաշխիքների ավելացումը։ Այս դրույթների ազդեցությունն ուղիղ էր, երբ միջին շաբաթական վարկերի ծավալն ավելացել է ավելի քան 60 տոկոսով[15]։ Օգտագործելով Ամերիկայի փոքր բիզնեսում երկկուսակցական աջակցությունը, Միլսն աշխատել է 2010 թվականի Փոքր բիզնեսի աշխատատեղերի մասին օրենքի ընդունման ուղղությամբ, որն այն ժամանակ համարվում էր որպես փոքր բիզնեսի օրենսդրության ամենակարևոր կետը ավելի քան մեկ տասնամյակի ընթացքում։ Ի թիվս այլ բաների, ակտը երկարաձգել է Վերականգնման ակտի հաջողված վարկերի դրույթները, բարձրացրել է ԱՄՆ Փոքր բիզնեսի կառավարման կողմից երաշխավորված վարկերի առավելագույն չափը, ընդլայնել փոքր բիզնեսի համար հնարավորությունները, որոնք մրցում էին դաշնային պայմանագրերի համար, ստեղծել պետական ​​առևտրի և արտահանման դրամաշնորհային ծրագիրը, տրամադրել 50 միլիոն դոլար լրացուցիչ ֆինանսավորում։ Միլսի օրոք ԱՄՆ Փոքր բիզնեսի կառավարումը նաև գործակալության Small Business Investment Company ծրագրի շրջանակներում գործարկել է Impact Fund փորձնական ծրագիրը, որի նպատակն է կապիտալացնել իր առաջին տարածաշրջանային կլաստերների նախաձեռնությունը և ներդրումային ֆոնդերը, որոնք ձգտում են ավելացնել ֆինանսական և սոցիալական եկամուտներ[16]։

2012 թվականի հունվարին ԱՄՆ Փոքր բիզնեսի կառավարման ադմինիստրատորի որոշումներ կայացնելու լիազորություններն ընդլայնվել են՝ նրան հնարավորություն ընձեռելով մասնակցել կառավարության նիստերին։ Միլսը 2013 թվականի փետրվարի 11-ին հայտարարել է, որ հեռանում է ԱՄՆ Փոքր բիզնեսի կառավարման ադմինիստրատորի պաշտոնից, իսկ նախագահ Օբաման հայտարարել է, որ «Կարենի քրտնաջան աշխատանքի և նվիրվածության շնորհիվ մեր փոքր բիզնեսն ավելի շատ հնարավորություններ ունի աշխատատեղեր ստեղծելու համար և մեր ամբողջ տնտեսությունն ուժեղացել է»[17][18]։ 2013 թվականի սեպտեմբերի 1-ին Միլսն ազատվել է պաշտոնից։

Աշխատանք ԱՄՆ Փոքր բիզնեսի կառավարումից հետո[խմբագրել | խմբագրել կոդը]

ԱՄՆ Փոքր բիզնեսի կառավարման գործակալությունից հեռանալուց հետո Հարվարդի բիզնես դպրոցում Միլսն աշխատել է որպես ավագ գիտաշխատող, իսկ նախկինում եղել է ավագ գիտաշխատող Հարվարդի Քենեդիի դպրոցի, Մոսավար-Ռահմանիի բիզնեսի և հանրային կառավարման կենտրոնում[19]։ Նա նաև ուսումնասիրել է առցանց վարկատուների արագ աճը, միտումները և ազդեցությունը, որոնք կենտրոնացած են փոքր բիզնեսի շուկայի վրա։ 2016 թվականի նոյեմբերին դարձել է «փոքր բիզնեսի վարկավորման վիճակը. նորարարություններ և տեխնոլոգիաներ և կարգավորման հետևանքները» գրքի համահեղինակ։ Բացի այդ, HBS-ում հետազոտություն է անցկացրել և առաջարկություններ կատարել ձեռնարկատիրության և միջին խավի հնարավորությունների միջև կապի վերաբերյալ։ Իր «Մրցունակություն» նախագիծը լուսաբանում է ընդհանուր, ինչպես նաև աճի և համընդհանուր բարգավաճման խնդիրը[20][21][22][6][23][24]։ Երկու զեկույցներում էլ նա հեղինակ էր բաժինների, որոնք վերաբերում էին նոր բիզնես ստարտափների անկման ազդեցությանը այնպիսի խնդիրների վրա, ինչպիսիք են եկամուտների անհավասարությունը և տնտեսական շարժունակությունը։ Միլսն առաջարկել է, թե ինչպես կարելի է ավելացնել ստարտափների թիվը՝ կապիտալի հասանելիությանն ուղղված քաղաքականության համադրմամբ, հմտությունների զարգացմամբ և ձեռնարկատիրական էկոհամակարգերի ստեղծմամբ[25][26]։

Հրապարակված աշխատանքներ[խմբագրել | խմբագրել կոդը]

Գրքեր[խմբագրել | խմբագրել կոդը]

  • Fintech, Small Business & the American Dream (Boston, MA]։ Palgrave Macmillan, 2018).

Ամսագրեր[խմբագրել | խմբագրել կոդը]

  • A New Categorization of the U.S. Economy։ The Role of Supply Chain Industries in Innovation and Economic Performance, by Mercedes Delgado and Karen G. Mills (October 9, 2017)[27]
  • The State of Small Business Lending]։ Innovation and Technology and Implications for Regulation, by Karen G. Mills and Brayden McCarthy (November 2017)[28]
  • Growth & Shared Prosperity, by Karen G. Mills, with Contributions from Joseph B. Fuller and Jan W. Rivkin (September 2015)[29]
  • The Challenge of Shared Prosperity, by Jan W. Rivkin, Karen G. Mills, and Michael E. Porter, with contributions from Michael I. Norton and Mitchell B. Weiss (September 2015)[30]
  • The State of Small Business Lending]։ Credit Access During the Recovery and How Technology May Change the Game, by Karen G. Mills and Brayden McCarthy (July 2014)[10]
  • Clusters and Competitiveness]։ A New Federal Role for Stimulating Economies, by Karen G. Mills, Andrew Reamer and Elisabeth B. Reynolds (April 2008)[31]

Անձնական կյանք[խմբագրել | խմբագրել կոդը]

Ամուսնացած է Բարրի Միլսի հետ, որը 2001 թվականի հոկտեմբերից մինչև 2015 թվականի հուլիսը զբաղեցրել է Բոուդոյն քոլեջի նախագահի պաշտոնը և ունեն 3 որդի։

Ծանոթագրություններ[խմբագրել | խմբագրել կոդը]

  1. ↑ «Karen Mills is Big on Small Business». 2009 թ․ հոկտեմբեր. Վերցված է 2018 թ․ հունիսի 13-ին.
  2. ↑ 2,0 2,1 2,2 «Change Agent: How Karen Mills Rejuvenated the SBA». 2013 թ․ հունիս. Վերցված է 2018 թ․ հունիսի 13-ին.
  3. ↑ «Why online lending will take off with small business owners». Fortune. Վերցված է 2015 թ․ սեպտեմբերի 24-ին.
  4. ↑ «How the Internet is giving Small Business Saturday an edge». Fortune. Վերցված է 2015 թ․ սեպտեմբերի 24-ին.
  5. ↑ «What's missing in America's immigration debate». Fortune. Վերցված է 2015 թ․ սեպտեմբերի 24-ին.
  6. ↑ 6,0 6,1 Tan, Anjelica (2016 թ․ դեկտեմբերի 15). «Trump must see that small business is the engine of America». TheHill. Վերցված է 2016 թ․ դեկտեմբերի 31-ին.
  7. ↑ «Office of Entrepreneurial Development».
  8. ↑ Mills, Karen. «Karen Mills – Faculty – Harvard Business School». www.hbs.edu. Վերցված է 2015 թ․ սեպտեմբերի 22-ին.
  9. ↑ «Karen Gordon Mills – Envoy Global Board of Directors». VISANOW Global Immigration. Վերցված է 2015 թ․ սեպտեմբերի 24-ին.
  10. ↑ 10,0 10,1 «Karen Mills – Faculty & Research – Harvard Business School». www.hbs.edu. Վերցված է 2023 թ․ մարտի 18-ին.
  11. ↑ «SBA Administrator Karen Mills Announces Her Departure - The U.S. Small Business Administration - SBA.gov». www.sba.gov. Վերցված է 2018 թ․ հունիսի 13-ին.
  12. ↑ «Karen Mills». Themainemag.com. Արխիվացված է օրիգինալից 2010 թ․ ապրիլի 6-ին. Վերցված է 2010 թ․ հուլիսի 16-ին.
  13. ↑ «Karen Mills». www.themainemag.com. 2009 թ․ հոկտեմբերի 30. Արխիվացված է օրիգինալից 2010 թ․ ապրիլի 6-ին.
  14. ↑ «SBAGateway.com: SBA Policy Updates». Արխիվացված է օրիգինալից 2007 թ․ նոյեմբերի 15-ին. Վերցված է 2010 թ․ հունվարի 31-ին.[tt_news]=1&tx_ttnews[backPid]=2&cHash=1b6bfe2dda)
  15. ↑ Long, Robert (2013 թ․ փետրվարի 11). «Mainer Karen Mills leaving job in Obama Cabinet». Bangor Daily News (ամերիկյան անգլերեն). Վերցված է 2021 թ․ մարտի 16-ին.
  16. ↑ Report 2008. Competitiveness mills Brookings (չաշխատող հղում)
  17. ↑ «SBA Expands Impact Investment Fund - The U.S. Small Business Administration - SBA.gov». www.sba.gov. Վերցված է 2018 թ․ հունիսի 13-ին.
  18. ↑ SBAS mills making progress in forming (subscription required)
  19. ↑ Harrison, J. D.; Ravindranath, Mohana. «SBA administrator Karen Mills stepping down». washingtonpost.com. Վերցված է 2013 թ․ փետրվարի 11-ին.
  20. ↑ «Being an entrepreneur: a right only for America's well-connected?». Fortune. Վերցված է 2015 թ․ սեպտեմբերի 24-ին.
  21. ↑ «How Washington can renew U.S. manufacturing». Fortune. Վերցված է 2015 թ․ սեպտեմբերի 24-ին.
  22. ↑ «How to ignite the U.S. economy (region-by-region)». Fortune. Վերցված է 2015 թ․ սեպտեմբերի 24-ին.
  23. ↑ FORTUNE. «How the Feds and FinTech Could Fix Cash Flow Problems for Small Business». Fortune. Վերցված է 2016 թ․ դեկտեմբերի 31-ին.
  24. ↑ Knowledge, HBS Working. «Why Online Lending Needs More Regulation». Forbes. Վերցված է 2016 թ․ դեկտեմբերի 31-ին.
  25. ↑ Mills, Karen. «Karen Mills – Faculty – Harvard Business School». www.hbs.edu. Վերցված է 2015 թ․ սեպտեմբերի 23-ին.
  26. ↑ Mills, Karen. «Karen Mills – Faculty – Harvard Business School». www.hbs.edu. Վերցված է 2015 թ․ սեպտեմբերի 23-ին.
  27. ↑ Mills, Karen; Delgado, Mercedes (2017 թ․ հոկտեմբերի 9). «A New Categorization of the U.S. Economy: The Role of Supply Chain Industries in Innovation and Economic Performance» (անգլերեն). Rochester, NY. doi:10.2139/ssrn.3050296. S2CID 91176431. SSRN 3050296. {{cite journal}}: Cite journal requires |journal= (օգնություն)
  28. ↑ «Harvard Business School Faculty – Karen Mills». Harvard Business School.
  29. ↑ «Growth & Shared Prosperity – U.S. Competitiveness – Harvard Business School». www.hbs.edu. Վերցված է 2019 թ․ մարտի 10-ին.
  30. ↑ «The Challenge of Shared Prosperity – U.S. Competitiveness – Harvard Business School». www.hbs.edu. Վերցված է 2019 թ․ մարտի 10-ին.
  31. ↑ Reynolds, Karen G. Mills, Andrew Reamer, and Elisabeth B. (2008 թ․ ապրիլի 22). «Clusters and Competitiveness: A New Federal Role for Stimulating Regional Economies». Brookings. Վերցված է 2019 թ․ մարտի 10-ին.{{cite web}}: CS1 սպաս․ բազմաթիվ անուններ: authors list (link)

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Կարեն_Միլս&oldid=10017562» էջից