Կապար փշավոր
| Կապար | |
 Կապար | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophyta) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Կաղամբածաղկավորներ (Brassicales) |
| Ընտանիք | Կապարազգիներ (Capparaceae) |
| Ցեղ | Կապար (բույս) (Capparis) |
| Տեսակ | Կապար (C. spinosa) |
| Միջազգային անվանում | |
| Capparis spinosa | |
| Կարգավիճակ | |
Հատուկ պահպանության կարգավիճակ՝  Քիչ մտահոգող տեսակ | |
Կապար փշավոր (լատիներեն՝ Capparis spinosa), կապարազգիների ընտանիքին պատկանող դեղաբույս։
Նկարագրություն[խմբագրել | խմբագրել կոդը]
Գեղազարդային մինչև 3 մ երկարություն ունեցող, բազմաթիվ, տարածված ցողուններով, հզոր արմատային համակարգով բազմամյա կիսաթուփ է։ Էլիպսաձև-ձվաձև, ամբողջաեզր, հերթադիր տերևները կարճ կոթուններով և փշերի վերածված երկու տերևակիցներով են։ Բազմաթիվ ընձյուղները ամեն տարի չորանում են։ Խոշոր, սպիտակ կամ վարդագույն, երկար ծաղկակոթերով, բազմաթիվ առէջներով ու վարսանդով ծաղիկները երկսեռ քառանդամ են և աճում են տերևանութներում մեկական։ Պտուղը երկարավուն-ձվաձև, կանաչ, բազմասերմ հատապտուղ է, որը ներսից կարմիր է և հյութալի։ Բազմանում է կենդանիների օգնությամբ տարածվող սերմերով[1]։
Տարածվածություն[խմբագրել | խմբագրել կոդը]
Աճում է նախալեռնային, ստորին և միջին լեռնային գոտիների չոր քարքարոտ վայրերում, կիսաանապատներում, աղակալած և կավային հողերում, աղբավայրերում։ Տարածված է Երևանում, Արցախի հարավային շրջաններում, որոշ երկրներում նաև աճեցվում է[1]։
Նշանակություն[խմբագրել | խմբագրել կոդը]
Բուժական նպատակներով օգտագործում են արմատներն ու վերգետնյա մասը։ Չոր արմատների եփուկը, ինչպես և թուրմը օգտագործում են լյարդի հիվանդությունների և շաքարախտի բուժման համար, իսկ թթու դրած պտուղները, կոկոններն ու ծաղիկներով երիտասարդ ընձյուղները՝ սննդի մեջ[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689
| ||||||||||||||
|