Կանաչ փայտփոր

Վիքիպեդիայից՝ ազատ հանրագիտարանից
Jump to navigation Jump to search
կանաչ փայտփոր
ձագ
ձագ
Գիտական դասակարգում
Լատիներեն անվանում
լատ.՝ Picus viridis
Հատուկ պահպանություն
Արեալ
պատկեր

  Տարածվածություն

Կանաչ փայտփոր (լատ.՝ Picus viridis), փայտփորների ընտանիքի թռչուն։

Կենսաբանական տարածում[խմբագրել | խմբագրել կոդը]

Նստակյաց է, քիչ տարածված։ Բնակվում է խոնավ սաղարթավոր անտառներում։ Սնվում է մրջյուններով, փայտահատ բգեզներով։ Հայաստանի հանրապետությունում ձևավորված հյուսիսային և հարավային խառնանտառների համակեցություններն իրարից մեկուսացած են տափաստանային բաց անտառազուրկ լեռնազանգվածներով։ Փչակ է փորում առավելապես փտող ծառերի բներում։ Ձվադրում է մայիսի սկզբից։

Մարմնի կատուցվածք[խմբագրել | խմբագրել կոդը]

կանաչ փայտփոր

Մարմնի երկարությունը 31-33 սմ է, թևերի բացվածքը՝ 40-42 սմ, կենդանի զանգվածը՝ 250 գ Մարմինը վերևից կանաչ է, գոտկատեղը՝ դեղին, ներքևից՝ ավելի բաց գույնի։ Հասունի գլուխը սև ու կարմիր է, աչքերը՝ սպիտակ։ Արուի բեղերը կարմիր են՝ սև սահմանագծված, գոտկատեղը՝ վառ դեղին։ Էգի բեղերն ամբողջությամբ սև են, գոտկատեղը՝ ավելի խամրած։ Երիտասարդի մարմնի վերևի փետուրների ծայրերը բաց գույնի են։ Մարմինը ներքևից, գլուխը, գոտկատեղը՝ մուգ խայտերով ու զոլերով են։ Չափազանց զգույշ և թաքնված թռչուն է։ Կերակրվում է մրջնանոցների մոտ և ծառերի սաղարթների միջին հատվածում։ Կտուցով թմբկահարում է հազվադեպ։ Ձայնը բաղկացած է քրքիջ հիշեցնող աստիճանաբար մարող մի շարք բարձր հնչյուններից։

Բազմացում[խմբագրել | խմբագրել կոդը]

Դնում է 32 մմ տրամագծով, սպիտակ 5-7 ձու։ Երիտասարդ թռչունները հանդիպում են հունիսից սեպտեմբեր։ Անտառի մյուս միջատակերների կազմում նպաստում է ծառերի առողջացմանը։ Կենսակերպի շատ մանրամասներ բացահայտված չեն։ Գույնանշերի ցայտերանգ համադրությամբ չափազանց գեղեցիկ ու գրավիչ է և գեղագիտական հաճույք է պատճառում։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png