Կամեննովի տուն (Տագանրոգ)

Վիքիպեդիայից՝ ազատ հանրագիտարանից
Jump to navigation Jump to search
Կամեննովի տուն
House Parnokhs.jpg
Հիմնական տվյալներ
Տեսակտեսարժանություն և ՌԴ մշակութային ժառանգության օբյեկտ
ԵրկիրՌուսաստան Ռուսաստան
ՏեղագրությունՏագանրոգ
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 47°12′39.000000098798″ հս․ լ. 38°55′47.00000009919″ ավ. ե. / 47.21083333336077459° հս․. լ. 38.9297222222497723° ավ. ե. / 47.21083333336077459; 38.9297222222497723

Կամեննովի տուն (ռուս.՝ Дом Каменнова), 19-րդ դարի կեսերի երկհարկանի շենք Ռուսաստանի Ռոստովի մարզի Տագանրոգ քաղաքի կենտրոնում։ Գտնվում է Իտալական նրբանցք, 27 հասցեում։ Շենքը մշակութային ժառանգության տարածաշրջանային նշանակության օբյեկտ է` համաձայն 1992 թվականի նոյեմբերի 18-ի թիվ 301 որոշման։

Պատմություն[խմբագրել | խմբագրել կոդը]

Կամեննովի տունը Տագանրոգում սկզբնապես կառուցվել է որպես եկամտաբեր տուն։ Կառուցվել է 1850 թվականին՝ վաճառական Ա. Ա. Մոնետիի միջոցներով, 1880 թվականի վերջում դարձել է կալվածատեր Միխայիլ Պետրովիչ Կամեննովի սեփականությունը։ Տագանրոգ քաղաքի պատմության մեջ Մոնետիի անունը հանդիպում է որբերին հույն գաղթական երեխաներին Պետերբուրգ ուղեկցելու և Ղրիմի պատերազմի ընթացքում դեսանտային կորպուսի ափհանման հետմղման կապակցությամբ, երբ կանխվել է քաղաքի հրդեհը։ Խորհրդային իշխանության տարիներին շենքն ազգայնացվել է։

Այս տանն ապրել են բանաստեղծուհի և թարգմանչուհի Սոֆյա Յակովլևնա Պառնոկը, բանաստեղծ, երաժիշտ, խորհրդային ջազի ռահվիրաներից, թարգմանիչ, պարող, պարուսույց Վալենտին Պառնախը, բանաստեղծուհի Ելիզավետա Տարախովսկայան[1]։

Գավառագիտական շրջանակներում այս տունն անվանում են վերջին սեփականատիրոջ անունով՝ Կամեննովի տուն։ Այն կառուցվել է հարավային կլասիցիզմին բնորոշ ոճով։ Մի կողմից դուրս է գալիս դեպի Ալեքսանդրի փողոց։

Ճարտարապետություն[խմբագրել | խմբագրել կոդը]

Նկուղային տարածքներով այս երկհարկանի շենքի պատուհանները շրջանակված են երեսկալներով և կողպեքային քարերով։ Երկրորդ հարկում պատուհանների վերևում զարդաքիվեր են։ Երկրորդ հարկն առանձնանում է քիվի ատամնիկներով և լողաթավոր միջհարկային գոտիով։ Մուտքեր ունի ինչպես Ալեքսանդրի փողոցի, այնպես էլ բակի կողմից։

Շենքի ճակատը սվաղված է և երկգույն է ներկված։ Ընդհանուր ֆոնն ուներ դեղին գույն, ճարտարապետական մանրամասները ներկված էին սպիտակ, ինչն ընդգծում էր դրանք։ Ներկայումս սա բնակելի տուն է, ներկված է բաց կանաչ։ Գտնվում է բավարար վիճակում։ 1992 թվականի նոյեմբերի 18-ի թիվ 301 որոշման համաձայն՝ ընդգրկված է մշակութային ժառանգության տարածաշրջանային նշանակության օբյեկտների ցանկում։

Գրականություն[խմբագրել | խմբագրել կոդը]

  • Энциклопедия Таганрога. — Ростов-н/Д: Ростиздат, 2003. — 512 с. — ISBN 5-7509-0662-0
  • Волошин В. Вдоль и поперёк Итальянского. — Таганрог: ИП Кравцов В.А., 2012. — С. 9. — ISBN 978-5-904585-27-3.
  •  Гаврюшкин О. П. Мари Вальяно и другие. Таганрог. Изд. МИКМ. 2001.
  • Мислер Н. Парнах Валентин Яковлевич // Энциклопедия русского авангарда / Авторы-составители В. И. Ракитин, А. Д. Сарабьянов; Научный редактор А. Д. Сарабьянов. — М.: RA, Global Expert & Service Team, 2013. — Т. II: Л—Я. — С. 227. — ISBN 978-5-902801-11-5.

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Баташев А. Советский джаз. — М.: Музыка, 1972. — 176 с.