Կակաչների դաշտ (նկար, Մոնե)

Կակաչների դաշտ;
տեսակ	գեղանկար
նկարիչ	Կլոդ Մոնե
տարի	1890
բարձրություն	60,5 սանտիմետր
լայնություն	92 սանտիմետր
ստեղծման վայր	Ֆրանսիա
նյութ	յուղաներկ և կտավ
գտնվում է	Պետական Էրմիտաժ
հավաքածու	Պետական Էրմիտաժ
	պատկերված են
	Ծանոթագրություններ;
	Poppy Field (1890) by Claude Monet Վիքիպահեստում

«Կակաչների դաշտ» (ֆր.՝ Champ de coquelicots), ֆրանսիացի գեղանկարիչ, ֆրանսիական իմպրեսիոնիզմի հիմնադիրներից և ամենակարկառուն ներկայացուցիչներից Կլոդ Մոնեի նկարներից։ Այս ստեղծագործությունը հեղինակը վրձնել է 1890 թվականին^[2]։ Յուղաներկով կտավի չափերն են 60,5 × 92 սմ^[3]։

Այսօր «Կակաչների դաշտ» ստեղծագործությունը պահպանվում և ցուցադրվում է Էրմիտաժում (Սանկտ Պետերբուրգ, Ռուսաստանի Դաշնություն)^[3]։

Պատմություն[խմբագրել | խմբագրել կոդը]

«Կակաչների դաշտ» ստեղծագործությունը հեղինակը նկարել է Ժիվերնիում՝ մոտավորապես 1890 թվականին. Մոնեն այդտեղ էր ապրում սկսած 1883 թվականից։

Նկարը սկզբից գտնվել է Տրետյակովյան պատկերասրահում, որից հետո՝ 1925 թվականին փոխանցվել է Մոսկվայի Նոր Արևմտյան արվեստի թանգարանին, իսկ 1948 թվականից ցայսօր ցուցադրվում է Էրմիտաժում^[4]։

Նկարագիր[խմբագրել | խմբագրել կոդը]

Կտավում պատկերված է կակաչի դաշտ, որը գտնվում է Ժիվերնիում^[5]. Հեղինակը դաշտը պատկերել է քամու ժամանակ։ Կտավում Մոնեն ուշադրություն չի դարձրել դետալիզացիային^[4]։ Հորիզոնին երևում են ծառեր։ Կտավի ներքևի աջ անկյունում հեղինակի ստորագրությունն է։