Կազակներ (արձանախումբ, Վոլգոդոնսկ)

Վիքիպեդիայից՝ ազատ հանրագիտարանից
Picto infobox architecture.png
«Կազակներ» քանդակագործական խումբ
ռուս.՝ Скульптурная группа «Казаки»
Volgodonsk, Rostov Oblast, Russia - panoramio (5).jpg
«Կազակներ» քանդակագործական խումբը
Կազակներ (արձանախումբ, Վոլգոդոնսկ)ը գտնվում է Ռուսաստանում
Կազակներ (արձանախումբ, Վոլգոդոնսկ)
Կոորդինատներ 47°33′19″ հս․ լ. 42°6′37″ ավ. ե. / 47.55528° հս․. լ. 42.11028° ավ. ե. / 47.55528; 42.11028Կոորդինատներ: 47°33′19″ հս․ լ. 42°6′37″ ավ. ե. / 47.55528° հս․. լ. 42.11028° ավ. ե. / 47.55528; 42.11028
Գտնվում է Վոլգոդոնսկ
Կառուցվել է 1953
Կառուցել է Գեորգի Մոտովիլով
Ներկա վիճակը կանգուն

«Կազակներ» քանդակագործական խումբ (ռուս.՝ Скульптурная группа «Казаки»), կոթողային կոմպոզիցիա ՌԴ Ռոստովի մարզի Վոլգոդոնսկ քաղաքի հյուսիսարևմտյան ծայրամասում։ Զարդարում է Վոլգա-Դոն նավարկելի ջրանցքի թիվ 15 ջրարգելակը (շլյուզ)։ Կանգնեցվել է 1953 թվականին` ճարտարապետ Լեոնիդ Պոլյակովի և քանդակագործ Գեորգի Մոտովիլովի նախագծով։ ՌԽՖՍՀ Նախարարների խորհրդի 1960 թվականի օգոստոսի 30-ի թիվ 1327 որոշմամբ արձանախումբը ներառվել է պետական նշանակության հուշարձանների ցանկում։ «Կազակներ» քանդակագործական խումբը Վոլգոդոնսկի և Վոլգոդոնսկի շրջանի մշակութային ժառանգության դաշնային նշանակության միակ օբյեկտն է[1]։ Կազակների քանդակները խորհրդանշում են Կուբանի կազակական հեծելազորային կորպուսի գվարդիականների սխրանքը Հայրենական Մեծ պատերազմի տարիներին և Դոնի կազակության ռազմական փառքն ամբողջությամբ[2]։

Նկարագրություն[խմբագրել | խմբագրել կոդը]

Քանդակագործական կոմպոզիցիան բաղկացած է երկու աշտարակ-սյուներից, որոնք գտնվում են Վոլգա-Դոն նավարկելի ջրանցքի վերջին` թիվ 15, ջրարգելակի երկու կողմերում։ Դրանց վրա տեղադրված են ձիավորների քանդակներ։ Պատվանդանները պատրաստված են վաղ կլասիցիզմի ոգով, վերևից զարդարված են լողաթավոր գոտիով։ Լայնությունը հիմքի մոտ 4,5 մ է, բարձրությունը` 9 մ։ Հուշատախտակի գրությունը հայտնում է.

Aquote1.png Այստեղ 1942 թվականի օգոստոսին, պաշտպանելով Կովկասի դարպասները, մինչև մահ կանգնած էին Կուբանի կազակական կորպուսի գվարդիականները` աշխարհին զարմացնելով իրենց տոկունությամբ և ոգու վեհությամբ։ Aquote2.png


Համազգեստով կազակները պատկերված են ծառս կանգնած ձիերի վրա։ Կազակներից մեկը վրա է բերել թուրը, մյուսն այն պահում է գլխավերևում[2]։ Քանի որ «Կազակները» մշակութային ժառանգության դաշնային նշանակության օբյեկտ է, մերձակա տարածքում արգելվում է վարել տնտեսական կամ որևէ այլ գործունեություն, որը կարող է բացասաբար ազդել տվյալ օբյեկտի վրա, բացի դրանից, արգելվում է տեղադրել որևէ տեղեկատվական կամ գովազդային վահանակ և կտրել բուսականությունը[3]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]