Ծխածաղիկ հիբրիդային

Ծխածաղիկ հիբրիդային
Ծխածաղիկ հիբրիդային
Դասակարգում
Թագավորություն	Բույսեր (Plantae)
Վերնաբաժին	Բարձրակարգ բույսեր (Embryophytes)
Տիպ/Բաժին	Անոթավոր բույսեր (Tracheophytes)
Ենթատիպ	Սերմնավոր բույսեր (Spermatophytes)
Կարգ	Մորմածաղկավորներ (Solanales)
Ընտանիք	Մորմազգիներ (Solanaceae)
Ցեղ	Ծխածաղիկ (Petunia)
Տեսակ	Ծխածաղիկ հիբրիդային (P. ×atkinsiana)
Միջազգային անվանում
Petunia ×atkinsiana W.H.Baxter, 1839

Ծխածաղիկ հիբրիդային, մորմազգիների ընտանիքին պատկանող բազմամյա բույս, որի հայրենիքը Հարավային Ամերիկան է։

Նկարագրություն

Բույս ոչ բարձր է, ուղղաձիգ և խիտ ճյուղավորված և ունի 20-70 սմ բարձրություն։ Ընձյուղները և տերևները ծածկված են սովորական կամ գեղձիկավոր խիտ մազմզուկներով։ Ծաղիկները լինում են հասարակ և լիաթերթիկ, վարդագույն, կապույտ, սպիտակ, մուգ մանուշակագույն և այլ գունավորմամբ։ Ստացվել է սպիտակ և մանուշակագույն ծխածաղիկների տրամախաչումից։ Ունի բազմաթիվ պարտիզային ձևեր և սորտեր։ Ծխածաղիկը լուսասեր է և ջերմասեր։ Գերադասում է ավազակավային և կավավազային փուխր, սննադնյութերով հարուստ հողերը։ Խոշորածաղիկ սորտերը ավելի պահանջկոտ են ջերմության և խոնավության նկատմամբ։ Արարատյան դաշտի պայամաններում առատ ոռոգում է պահանջում։

Բազմանում է սերմերով և կտրոններով։ Ցանքը կատարում են մարտին՝ ջերմոցներում։ Առաջին զույգ իսկական տերևները երևալուց հետո ծիլերը վերատնկում են արկղերում։ Մեր հանրապետության պայմաններում մշակվում է ամենուրեք, հատկապես ստորին և միջին լեռնային գոտիներում։

Օգտագործվում է ծաղկային բոլոր տիպի ձևավորումներում, նաև որպես ծաղկամանային կուլտուրա։

Ծանոթագրություն

Վիքիցեղերն ունի նյութեր, որոնք վերաբերում են «Ծխածաղիկ հիբրիդային» հոդվածին։

Վիքիպահեստն ունի նյութեր, որոնք վերաբերում են «Ծխածաղիկ հիբրիդային» հոդվածին։