Խորշոմիկներ (իսպ.՝ Arrugas), իսպանական լիամետրաժ մուլտֆիլմ, որը նկարահանել է ռեժիսոր Իգնասիո Ֆերրերասը` ըստ Պակո Ռոկայի կոմիքսի։ Նկարահանման աշխատանքները տեղի են ունեցել 2010 թվականի ձմռանը և 2011 թվականի ամռանը, բյուդջեն կազմել է երկու միլիոն եվրո։ Ֆիլմի պրեմերան կայացել է 2011 թվականի սեպտեմբերի 19-ին, Սան Սեբաստիանի 59-րդ կինոփառատոնի ժամանակ։ Մուլտֆիլմն արժանացել է «Գոյա» մրցանակի` լավագույն անիմացիոն ֆիլմ անվանակարգում։
Ֆիլմի գլխավոր հերոսը` բանկի շրջանային բաժանմունքի նախկին տնօրեն Էմիլիոն, իր տղայի ընտանիքի կողմից ուղարկվում է ծերանոց։ Էմիլիոն տառապում է Ալցհայմերի հիվանդությամբ, որը նրա մոտ նոր է զարգանում։ Այստեղ նրա ընկերն է դառնում Միգելը հարևան սենյակից, որը հարազատներ չուներ։ Պրպտող Միգելն առողջ միտք ուներ։ Էմիլիոյի զարգացող հիվանդությունը սպառնում է նրան տեղափոխել վերին հարկ, բացառապես անհույս հիվանդների մոտ։
Իսպանիա