* Մասնագիտական կարիերայում ընդգրկված են միայն առաջնության խաղերը և գոլերը:
Խոսե Մարիա Բակերո Էսկուդերո (իսպ.՝ José María Bakero Escudero, փետրվարի 11, 1963(1963-02-11)[1][2], Goizueta), իսպանացի նախկին ֆուտբոլիստ (կիսապաշտպան), մարզիչ: Իր կարիերան սկսել է որպես հարձակվող, բայց հետագայում սկսել է հանդես գալ որպես հարձակվողական ոճի կիսապաշտպան: Լավ է խաղացել երկու ոտքով: Իր տասնյոթամյա կարիերայի մեծ մասն անցկացնելով «Ռեալ Սոսիեդադ» և «Բարսելոնա» ակումբներում՝ նա Լա Լիգայում անցկացրել է 483 խաղ՝ խփելով 139 գոլ: 1990-ական թվականների վերջին սկսել է մարզչական կարիերան:
Մինչև 1980 թվականը խաղացել է «Ռեալ Սոսիեդադի» երիտասարդական թիմում: Հիմնական կազմում իր նորամուտը կատարել է սեպտեմբերի 16-ին «Վալենսիայի» դեմ խաղում: Ակումբում անցկացրել է 8 մրցաշրջան: Ակումբի հետ միասին Բակերոն դարձել է Իսպանիայի կրկնակի չեմպիոն, Իսպանիայի գավաթի և Սուպերգավաթի դափնեկիր: 1988 թվականին հրավիրվել է «Բարսելոնա»: Բակերոն այդ թիմում խաղացել է այնպիսի ֆուտբոլիստների հետ, ինչպիսիք են Չիկի Բեգիրիստայնը, Լուիս Լոպես Ռեկարտեն, Ալբերտո Լոպես Ուֆարտեն: «Բարսելոնայի» կազմում նա դարձել է Չեմպիոնների Լիգայի հաղթող, ինչպես նաև հերթական անգամ նվաճել է Իսպանիայի սուպերգավաթը և շատ այլ տիտղոսներ: Կարիերան ավարտել է մեքսիկական «Վերակրուս» ակումբում՝ 34 տարեկան հասակում:
Դառնալով մարզիչ՝ Բակերոն գլխավորել է մեքսիկական «Պուեբլա» ակումբը: Այդտեղ որպես մարզիչ աշխատել է ոչ երկար: 6 տարի անց նշանակվել է «Մալագա Բ» ակումբի գլխավոր մարզիչ: Ավելի ուշ նա հեռացել է ակումբից: 2005 թվականին դարձել է «Ռեալ Սոսիեդադ» ակումբի տնօրեն, իսկ մեկ տարի անց՝ գլխավոր մարզիչ: Գլխավոր մարզչի պաշտոնում նա անցկացրել է 7 խաղ և հեռացվել պաշտոնից: Ոչ մեծ ընդմիջումից հետո Բակերոն գլխավորել է «Բոլոնյան»[3]: 2010 թվականի սեպտեմբերի 13-ին բազմաթիվ պարտությունների պատճառով նա հեռացվել է պաշտոնից:
2010 թվականի նոյեմբերի 3-ին դարձել է «Լեխի» գլխավոր մարզիչ: Որպես ակումբի գլխավոր մարզիչ՝ Բակերոն իր նորամուտը կատարել է անգլիական «Մանչեսթեր Սիթիի» դեմ խաղում, որն անցկացվել է ՈՒԵՖԱ Եվրոպա Լիգայի շրջանակներում[4]: Այդ խաղը Բակերոյի համար եղել է հաջող. նրա ակումբը հաղթել է 3:1 հաշվով[4]:
Սակայն ընդհանուր առմամբ նրա գլխավորությամբ թիմը ոչ մի հաջողության չի հասել, իսկ 20012 թվականի փետրվարի 25-ին կայացած «Ռուխի» դեմ խաղում կրած հերթական խոշոր պարտությունից հետո նա հեռացվել է գլխավոր մարզչի պաշտոնից[5]:
Բակերոն եղել է իր ընտանիքի երկրորդ երեխան: Նրա ավագ եղբայրը՝ Սանտյագոն, նույնպես ֆուտբոլիստ է (հարձակվող)[6]: Նա խաղացել է «Ռեալ Սոսիեդադում», «Էրկուլեսում», ինչպես նաև «Պալենսիայի» կազմում[6]: Կրտսեր եղբայրը՝ Խուանը, նույնպես նախկին ֆուտբոլիստ (հարձակվող) է և «Բարսելոնայի» սան[7]: 2009 թվականին Խուանը տեղափոխվել է «Պոլոնիայի» մարզչական շտաբ, որի մարզիչը եղել է Խոսե Մարիա Բակերոն[8]:
Իսպանիա.svg){kind=small}
