Խոսե Լեանդրո Անդրադե

Խոսե Լեանդրո Անդրադե José Leandro Andrade
Անձնական տվյալներ
Քաղաքացիությունը	Ուրուգվայ
Ծննդյան ամսաթիվ	նոյեմբերի 20, 1901(1901-11-20) կամ նոյեմբերի 22, 1901(1901-11-22)
Ծննդավայր	Սալտո, Ուրուգվայ
Մահվան ամսաթիվ	հոկտեմբերի 5, 1957(1957-10-05) (55 տարեկան)
Մահվան վայր	Մոնտեվիդեո, Ուրուգվայ
Հասակ	172 սանտիմետր
Քաշ	73 կիլոգրամ
Դիրք	կիսապաշտպան, պաշտպան
Պատանեկան կարիերա
Միրամար Միսյոնես
Մասնագիտական կարիերա*
Տարի	Ակումբ	Խաղ	(Գոլ)
?—1920 Պենյառոլ 1921 Միրամար Միսյոնես 1922 Բելյա Վիստա 71 (7) 1923 Ռեֆորմերս 1924 Բելյա Վիստա 1925-1931 Նասյոնալ 105 (29) 1932-1935 Պենյառոլ 88 (3) 1936 Ատլանտա (ԲԱ) 2 (0) 1936 Արգենտինոս Յունիորս 21 (0) 1936 Բելյա Վիստա 1937 Մոնտեվիդեո Ուոնդերերս 17 (0)
Ազգային հավաքական
1923-1930 Ուրուգվայ 34 (1)
* Մասնագիտական կարիերայում ընդգրկված են միայն առաջնության խաղերը և գոլերը:

Խոսե Լեանդրո Անդրադե (իսպ.՝ José Leandro Andrade; նոյեմբերի 20, 1901(1901-11-20) կամ նոյեմբերի 22, 1901(1901-11-22), Սալտո, Ուրուգվայ - հոկտեմբերի 5, 1957(1957-10-05), Մոնտեվիդեո, Ուրուգվայ), ուրուգվայցի ֆուտբոլիստ, կիսապաշտպան և պաշտպան, 1930 թվականի աշխարհի չեմպիոն, 1924 և 1928 թվականների Օլիմպիական խաղերի չեմպիոն։

Խաղացել է Մոնտեվիդեոյի «Պենյառոլ» (մինչև 1920 թվականը և 1932-1935 թվականներին), Միրամար Միսյոնես» (1921 թ.), «Բելյա Վիստա» (1922 թ., 1924 թ., 1936 թ.), «Ռեֆորմերս» (1923 թ.), «Նասյոնալ» (1925-1931 թթ.), «Ուոնդերերս» (1937 թ.), արգենտինական «Ատլանտա», «Արգենտինոս Յունիորս» (1936 թ.) ակումբներում

Կենսագրություն

Խոսե Լեանդրո Անդրադեն ծնվել է 1901 թվականին Սալտո քաղաքում։ Նրա մայրն արգենտինացի էր։ Հայրը, որը, ամենայն հավանականությամբ, եղել է Խոսե Իգնասիո Անդրադեն, ծննդյան վկայականում նշված է որպես վկա։ Խոսեի ծննդյան պահին Իգնասիոն, որ աֆրիկյան կախարդության մասնագետ էր, արդեն 98 տարեկան էր. նա Բրազիլիայից արտագաղթել էր դեռ այն ժամանակ, երբ այնտեղ ծաղկում էր ստրկությունը։

Վաղ տարիքում Ժոզեն տեղափոխվել է մայրաքաղաքի Պալերմո թաղամասում և դաստիարակվել մորաքրոջ մոտ։ Նախքան պրոֆեսիոնալ ֆուտբոլով զբաղվելը որպես երաժիշտ աշխատել է պարահանդեսներում (նվագել է հարվածայիններ, ջութակ և դափ), ինչպես նաև կոշիկ մաքրող և լրագրավաճառ։

Անդրադեն իր վիրտուոզ խաղի և գնդակը վարելու տեխնիկայի (որ հիշեցնում է պար) շնորհիվ Եվրոպայի հանդիսատեսին գրավել է դեռ 1924 թվականի Ամառային օլիմպիական խաղերի ժամանակ Փարիզում։ Ֆրանսիական մամուլը նրան տվել է «Սև հրաշք», «Սև մարգարիտ», ինչպես նաև «ֆուտբոլի երաժիշտ» մականունները։ 1928 թվականին հավաքականի հետ նա Եվրոպայում երկրորդ անգամ հաղթեց Օլիմպիական խաղերում, այս անգամ՝ Ամստերդամում։

Անդրադեն հանդես է եկել եզրային կիսապաշտպանի դիրքում։ 1930 թվականի աշխարհի առաջնությունից առաջ ստացել է լուրջ վնասվածք և վտանգ կար, որ նա ստիպված կլինի ավարտել կարիերան, սակայն նա ապաքինվել է ու մասնակցել մրցաշարին՝ դառնալով աշխարհի չեմպիոն։

Պրոֆեսիոնալիզմի ներդրումից հետո արդեն ոչ երիտասարդ Անդրադեն չի կարողացել հարմարվել նոր չափանիշներին, և 1937 թվականին, փոխելով մի շարք ակումբներ, ավարտել է իր կարիերան։ 1933 թվականին հավաքականից հեռանալուց առաջ նա հասցրել էր անցկացնել 41 խաղ։

1950 թվականին Խոսե Լեանդրոն հրավիրվել է որպես պատվավոր հյուր ներկա գտնվելու Բրազիլիայում անցկացվող 1950 թվականի աշխարհի առաջնությանը։ Նրա զարմիկը՝ Վիկտոր Ռոդրիգես Անդրադեն դարձել է աշխարհի չեմպիոն այդ մրցաշարում և եղել է Ուրուգվայի հավաքականի առաջատարներից մեկը։

1956 թվականին լրագրող Ֆրից Հակը գտել է Անդրադեին, որ ապրում էր Մոնտեվիդեոյի աղքատ թաղամասերից մեկում՝ փոքր բնակարանում և տառապում էր ալկոհոլիզմով։ Մեկ տարի անց ֆուտբոլիստը մահացել է տուբերկուլյոզից աղքատների «Պինեյրո-դել-Կամպո» կացարանում։

Տիտղոսներ և ձեռքբերումներ

• Ուրուգվայի չեմպիոն (2) - 1932 թ., 1935 թ.
• Աշխարհի չեմպիոն (1) - 1930 թ.
• Օլիմպիական խաղերի չեմպիոն (2) - 1924 թ., 1928 թ.
• Հարավային Ամերիկայի չեմպիոն (3) - 1923 թ., 1924 թ., 1926 թ.

Արտաքին հղումներ

• Игорь Гольдес. «Футболист-танцовщик». Биография на footballplayers.ru Archived 2020-08-09 at the Wayback Machine. (ռուս.)
• Կենսագրություն (ռուս.)
• Կենսագրություն Archived 2009-02-22 at the Wayback Machine. (պորտ.)