Լևոն Զոհրաբյան (աշխարհագրագետ)
- Վիքիպեդիայում կան հոդվածներ Զոհրաբյան ազգանունով այլ մարդկանց մասին։
Անվան այլ կիրառումների համար տե՛ս՝ Լևոն Զոհրաբյան (այլ կիրառումներ)
Լևոն Զոհրաբյան | |
|---|---|
| Ծնվել է | փետրվարի 16, 1919[1] Օձուն, Բորչալուի գավառ, Վրաստանի Դեմոկրատական Հանրապետություն |
| Մահացել է | օգոստոսի 27, 1990[1] (71 տարեկան) Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ |
| Մասնագիտություն | աշխարհագրագետ և գեոմորֆոլոգ |
| Հաստատություն(ներ) | ՀՀ ԳԱԱ Երկրաբանական գիտությունների ինստիտուտ |
| Գործունեության ոլորտ | ցամաքի մորֆոլոգիա |
| Ալմա մատեր | Հայկական պետական մանկավարժական համալսարան (1940) |
| Կոչում | դոցենտ |
| Գիտական աստիճան | աշխարհագրական գիտությունների դոկտոր (1962) |
| Պարգևներ | |
Լևոն Ներսեսի Զոհրաբյան (փետրվարի 16, 1919[1], Օձուն, Բորչալուի գավառ, Վրաստանի Դեմոկրատական Հանրապետություն - օգոստոսի 27, 1990[1], Երևան, Հայկական ԽՍՀ, ԽՍՀՄ), հայ աշխարհագրագետ, երկրաձևաբանության մասնագետ (գեոմորֆոլոգ), աշխարհագրական գիտությունների թեկնածու (1962), դոցենտ (1954), ՀԽՍՀ ԳԱ Երկրաբանական գիտությունների ինստիտուտի երկրաձևաբանական բաժնի վարիչ, նույն ինստիտուտի Դիլիջանի ջրաերկրաբանական արշավախմբի գիտական ղեկավար (1978-1988)։ Մեծ ավանդ ունի Հայկական լեռնաշխարհի, լեռնագրական կառուցվածքի, երկրաբանաձևության ասպարեզում[2]։
Կենսագրություն[խմբագրել | խմբագրել կոդը]
Լևոն Զոհրաբյանը ծնվել է 1919 թվականի փետրվարի 16-ին, Օձուն գյուղում։ 1940 թվականին ավարտել է Հայկական պետական մանկավարժական ինստիտուտը։ 1946-1952 թվականներին մասնակցել է ԽՍՀՄ ԳԱ կովկասյան երկրաձևաբանական արշավախմբին, 1958-1990 թվականներին եղել է ՀԽՍՀ ԳԱ երկրաբանական գիտությունների ինստիտուտի երկրաձևաբանական բաժնի վարիչ, 1978 թվականից՝ Դիլիջանի ջրաերկրաբանական արշավախմբի գիտական ղեկավար[3]։
Աշխատանքները վերաբերում են Հայկական լեռնաշխարհի լեռնագրության, կառուցվածքային և կիրառական երկրաձևաբանության խնդիրներին։ Հեղինակ Է Հայկական լեռնաշխարհի, Կովկասի և հարակից շրջանների լեռնագրական քարտեզի (1:1 250000, 1989), համահեղինակ՝ «Հայկական ԽՍՀ երկրաբանություն», «Հայկական ԽՍՀ ֆիզիկական աշխարհագրություն» գրքերի։ Հեղինակ է մոտ 50 գիտական հոդվածների, մի քանի մենագրության, այդ թվում՝ ռուսերենով հրապարակված «Орография Армянского нагорья» Ереван, 1979 հիմնարար աշխատությունը։
Լևոն Զոհրաբյանը մահացել է 1990 թվականի օգոստոսի 27-ին, Երևանում։
Պարգևներ[խմբագրել | խմբագրել կոդը]
- Պ. Պ. Սեմյոնով-Տյան-Շանսկու անվան մեդալ (1985)։
Երկեր[խմբագրել | խմբագրել կոդը]
- Հայկական ԽՍՀ երկրաբանություն, ռուսերեն, հ. 1, 1962:
- Հայկական ԽՍՀ ֆիզիկական աշխարհագրություն, 1971։
- «Орография Армянского нагорья», Ереван, 1979.[4]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 http://am.hayazg.info/index.php?curid=3533
- ↑ «Հիշարժան տարեթվեր - ՀՀ ԳԱԱ Երկրաբանական գիտությունների ինստիտուտ». www.geology.am. Արխիվացված է օրիգինալից 2019 թ․ հունիսի 30-ին. Վերցված է 2019 թ․ հունիսի 25-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
- ↑ Зограбян, Левон Нерсесович (1979). Գաբրիելյան, Հրաչյա Կարապետի (ed.). Орография Армянского нагорья: Опыт орографического анализа морфоструктуры. Институт геологических наук АН АрмССР. Ереван: Изд-во АН АрмССР.