Լրագրության և նորությունների թանգարան

Լրագրության և նորությունների թանգարան
Տեսակ	թանգարան
Երկիր	ԱՄՆ
Տեղագրություն	Վաշինգտոն
Հասցե	555 Pennsylvania Avenue NW, Washington, D.C.
Հիմնադրվել է	ապրիլի 18, 1997
Կայք	newseum.org(անգլ.)

Լրագրության և նորությունների թանգարան (անգլ.՝ Newseum), թանգարան, որը գտնվել է Վաշինգտոնում, Փենսիլվանիա ավենյուում։ Դադարել է գործել 2019 թվականի դեկտեմբերի 31-ին^[1]^[2]։

Թանգարանն ի սկզբանե բացվել է 1997 թվականի ապրիլի 18-ին, Արլինգտոն շրջանում (Վիրջինիա նահանգ) և գործել է անվճար։ 2002 թվականի մայիսի 3-ին թանգարանի շենքը Վիրջինիայում փակվել է, և սկսվել է նոր շենքի շինարարությունն` արդեն մայրաքաղաքում։ 450 միլիոն դոլար արժողությամբ նոր շենքն այցելուների համար բացվել է 2008 թվականի ապրիլի 11-ին։ Այդ ժամանակ արդեն թանգարանի մուտքը վճարովի է դարձել (բացման ժամանակ` 20 դոլար)։

Թանգարանի շենքի ճակատային մասում փորագրված է քառասունհինգ բառ` ԱՄՆ Սահմանադրության առաջին խմբագրումների տեքստը, որը երաշխավորել է ամերիկյան քաղաքացիների հիմնական ազատություններն ու իրավունքները։

Շենքն ունի յոթ հարկ, որտեղ տեղակայված են 14 պատկերասրահ, 15 կինոդահլիճ և հեռարձակման երկու ստուդիա։ Ցուցադրությունների ընդհանուր մակերեսը 75 հազար քմ է։

Թանգարանում ներկայացված է կարևորագույն զանգվածային լրատվության միջոցների` ռադիոյի, հեռուստատեսության, լուսանկարչության, համացանցի զարգացումը։ Միջազգային նորությունների պատկերասրահում կարելի է համեմատել մամուլի ազատության աստիճաններն աշխարհի տարբեր երկրներում։

Թանգարանի առանձնահատկություններից մեկը դրա ինտերակտիվությունն է. այցելուները կարող են իրենց փորձել թղթակցի կամ լուրերի խմբագրի դերում։

Կոթողը, որի վրա փորագրված են այն 2291 լրագրողների անունները, որոնք զոհվել են մասնագիտական պարտքը կատարելիս, հիշեցնում է այն բարձր գնի մասին, որը ստիպված են վճարել լրագրողները խոսքի ազատության համար։

Արձագանքներ

Վիրջինիա նահանգում գործելու ընթացքում թանգարանը քննադատվել է իր գտնվելու վայրի պատճառով. հիմնականում նշվել է մայրաքաղաքից ու մեծ քաղաքներից կտրվածությունը։ Այսպես, լրագրող և պատմաբան Թոմաս Ֆրանկը 2000 թվականի «One Market Under God» գրքում գրել է, որ «միգուցե, Արլինգտոնն այն վայրն է, ուր լրագրությունը եկել է` մեռնելու համար», իսկ «Վիրջինիայի գյուղական բնակավայրերի հարուստ ընտանիքների լավ հագնված բարձր դասարանցիները կարող են հեռուստահաղորդավար երևակայեն իրենց դրա գերեզմանի վրա»։

Ծանոթագրություններ

↑ Daley, Jason (2019 թ․ հոկտեմբերի 3). «D.C.'s Newseum Is Closing Its Doors at the End of the Year». Smithsonian.
↑ «Newseum is Closing; First Amendment Mission Goes Forward». Newseum. 2019 թ․ հոկտեմբերի 1. Արխիվացված է օրիգինալից 2019 թ․ դեկտեմբերի 31-ին.

Արտաքին հղումներ

Վիքիպահեստն ունի նյութեր, որոնք վերաբերում են «Լրագրության և նորությունների թանգարան» հոդվածին։

[1] Daley, Jason (2019 թ․ հոկտեմբերի 3). «D.C.'s Newseum Is Closing Its Doors at the End of the Year». Smithsonian.

[2] «Newseum is Closing; First Amendment Mission Goes Forward». Newseum. 2019 թ․ հոկտեմբերի 1. Արխիվացված է օրիգինալից 2019 թ․ դեկտեմբերի 31-ին.

[1]

[2]