Լուսնային դրոշ
 իսպ.՝ Atrapa la bandera | |
|---|---|
 | |
| Տեսակ | լիամետրաժ մուլտֆիլմ |
| Ժանր | կինոկատակերգություն և արկածային |
| Ռեժիսոր | Էնրիկե Գատո[1][2][3][…] |
| Սցենարիստ | Patxi Amezcúa? |
| Հնչյունավորում | Դանի Ռովիրա և Michelle Jenner? |
| Պրոդյուսեր | Nicolás Matji?, Edmon Roch? և Jordi Gasull? |
| Երաժշտություն | Eugenio Juan Zappietro? |
| Երկիր |  Իսպանիա |
| Լեզու | իսպաներեն, կատալաներեն և անգլերեն |
| Ընկերություն | AMC Networks International Southern Europe? և Mediaset España? |
| Դիստրիբյուտոր | Paramount Pictures և Disney+ |
| Տևողություն | 94 րոպե[1] |
| Թվական | դեկտեմբերի 4, 2015, 2015 և հունիսի 9, 2016[4][5] |
| Պարգևներ | |
| Բյուջե | 12 500 000 $[6] |
| Շահույթ | 24 597 610 € |
| capturetheflagmovie.com(անգլ.) | |
Լուսնային դրոշ (իսպ.՝ Atrapa la bandera), ռեժիսոր Էնրիկե Գատոյի կողմից նկարահանված իսպանական լիամետրաժ համակարգչային անիմացիոն ֆիլմ։ Ֆիլմի պրեմիերան կայացել է 2015 թվականի օգոստոսի 28-ին 3D ձևաչափով։ 30-րդ «Գոյա» մրցանակաբաշխությանը մուլտֆիլմը ստացել է լավագույն մուլտիպլիկացիոն ֆիլմ մրցանակը։
Սյուժե[խմբագրել | խմբագրել կոդը]
12 տարեկան Մայք Գոլդվինը և նրա ընկերները՝ Էմին և Մարտին, մասնակցում են քեյթբորդինգի մրցությանը` դրոշ նվաճելու ռեժիմով։ Չեմպիոններին հաղթելու փորձը ձախողվում է։ Մայքը ծնողների և քրոջ հետ գնում է ծերանոց պապիկի մոտ։ Սամանտա Գոլդվինը՝ Մայքի մայրը, երազում է սկեսրայրին վերադարձնել ընտանիք և հրավիրել նրան իր որդու ծննդյանը, բայց հերթական անգամ մերժվում է։ Մայքի հոր՝ Սկոթ Գոլդվինի ծննդյան օրը սրճարանում նշելու ժամանակ հեռուստատեսությամբ հեռարձակում են նավթային մագնատ Ռիչարդ Կարսոնի փայլուն ելույթը։ Նա խոսում է Լուսնի վրա աստղագնացների վայրէջքների կեղծման մասին և որպես ապացույց ցուցադրում է տաղավարային նկարահանումներից անհաջող ձայնագրությունը; Կարսոնը ցուցադրում է գերժամանակակից տիեզերական մեքենա, որով նա կուղևորվի դեպի Երկրի արբանյակ և կգողանա ամերիկյան դրոշը։
Ամերիկյան իշխանությունը չի կարող թույլ տալ իրադարձությունների նման զարգացում, և աստղագնացների խումբը Սկոթ Գոլդվինի գլխավորությամբ սկսում է թռիչքի պատրաստել հին տիեզերական «Սատուրն-5» հրթիռակիրը։ Սկոթի հայրը՝ Ֆրենկ Գոլդվինը, պետք է իր որդուն թռիչքի պատրաստի «Ապոլոն» ծրագրով։ Հոր և որդու միջև հարաբերությունները լարված են։ Լուսնային մոդուլի թռիչքի և վայրէջքի պարապմունքների ժամանակ տեղի է ունենում դժբախտ պատահար։ Սկոթը վնասվածք է ստանում և չի կարողանում մասնակցել դեպի Լուսին թռիչքին։
Մայքը որոշում է լուսին թռչել իր ընտանիքին հետևող անհաջողությունների շարքը կանխելու համար։ Մայքն ու Էմին իրենց ընկեր Մարտի օգնությամբ հասնում են մեկնարկի հրապարակ։ Տիեզերանավի վայրէջքի ժամանակ նրանց հայտնաբերում է Ֆրենկը, որը փակվող դռնակի պատճառով (դա Կարսոնի հերթական դիվերսիան էր) ստիպված է մնալ և թռչել երեխաների հետ։ Աստղագնացներն ոչ առանց արկածների հասնում են Լուսին և փորձում կանգնեցնել Կարսոնին, որն արդեն հափշտակել է ամերիկյան դրոշը և զբաղված է իր թռիչքի գլխավոր նպատակով՝ Երկրի արբանյակի վրա էլեկտրաէներգիայի նոր աղբյուր՝ հելիում-3 արտահանելով։ Երեխաները թույլ չեն տալիս, որ Կարսոնի պլանները իրականանան. ոչնչացնում են հելիում-3 արտահանող բազան, դրոշը տեղադրում են իր օրինական տեղում և բարեհաջող վերադառնում Երկիր։
Դերերը հնչունավորեցին[խմբագրել | խմբագրել կոդը]
- Կարմեն Կալվել — Մայք Գոլդվին[7]
- Միշել Խեներ — Էմի Գոնսալես
- Խավեր Բալաս — Մարտի Ֆար
- Դանի Ռովիրա — Ռիչարդ Կարսոն
- Կամիլո Գարսիյա — Ֆրենկ Գոլդվին
- Թոնի Մորա — Սկոտ Գոլդվին
- Մարտա Բարբառա — Սամանտա Գոլդվին
Դրամարկղային հասույթ[խմբագրել | խմբագրել կոդը]
Իսպանիայում «Լուսնային դրոշ» ֆիլմը հավաքել է 12,5 միլիոն դոլար, ընդհանուր դրամարկղային հասույթը կազմել է 20,5 միլիոն դոլար[8]։
Մրցանակներ[խմբագրել | խմբագրել կոդը]
Ֆիլմը լավագույն անիմացիոն ֆիլմ անվանակարգում ստացել է «Գաուդի» և «Գոյա» մրցանակները, ինչպես նաև Խոսե Մարիա Ֆորկեի մրցանակը «կրթության արժեքներ» անվանակարգում[9]։
Գրախոսություններ[խմբագրել | խմբագրել կոդը]
«Российская газета»-յից Եկատերիանա Սոսնովսկոյի կարծիքով մուլտֆիլմը «պահվում է մանկական տարիքային հասակի լսարանի շրջանակներում»։ Հեղինակը նշում է, որ «հերոսների արկածներին հետևելը միանգամայն հետաքրքրաշարժ է»։ Սոսնովսկայան սյուժեն անվանում է կանխատեսելի, բայց նրա կարծիքով «ստեղծողներին հաջողվել է գործող անձանց ընտանեկան հարաբերությունների հաշվին պահել ինտրիգի ինչ-որ նմանություն »[10]։
«Киноафиши»-ից Օլեսյա Տրոշինան նշում է, որ ֆիլմի առաջին մասը իրենից ներկայացնում է հերոսների դատողությունը թռիչքների և ընտանեկան դրամայի մասին։ Հեղինակի կարծիքով «հիմնական գործողությունները» «ծավալվում են ավարտին մոտ, երբ նրանք վերջապես ուղևորվում են տիեզերք։ Այսեղ ամեն ինչ արագ է ընթանում և բավականին կանխատեսելի, իսկ վերջաբանը իրենից ներկայացնում է մի տեսարանից մյուսը արագ ցատկող շարք»։ Տրոշինան առանձնացնում է ֆիլմի լավ անիմացիան, բայց միևնույն ժամանակ քննադատում է վատ ընտրված սաունդթրեքը[11]։
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.bbfc.co.uk/releases/capture-flag-film-0
- ↑ http://www.sensacine.com/peliculas/pelicula-214732/
- ↑ http://www.imdb.com/title/tt3896100/
- ↑ Kinopolis (գերմ.) — 1905.
- ↑ Internet Movie Database — 1990.
- ↑ http://www.imdb.com/title/tt3896100/business
- ↑ Eldoblaje.com - la base de datos del doblaje en España
- ↑ «Capture the Flag» (անգլերեն)։ Box Office Mojo։ Վերցված է 2016-06-12
- ↑ «Лунный флаг» (անգլերեն)։ IMDB։ Վերցված է 2016-06-11
- ↑ «Испанская версия освоения Луны»։ Российская газета։ Վերցված է 2016-06-11
- ↑ «Лунный флаг»։ Киноафиша։ Վերցված է 2016-06-11
Հղումներ[խմբագրել | խմբագրել կոդը]
| ||||||
