Լովատի Սիմոն Ֆրեյզեր

Լովատի Սիմոն Ֆրեյզեր
Ծնվել է	հոկտեմբերի 19, 1726(1726-10-19)
Մահացել է	փետրվարի 8, 1782(1782-02-08) (55 տարեկան)
Քաղաքացիություն	Մեծ Բրիտանիայի թագավորություն
Մասնագիտություն	ռազմիկ և քաղաքական գործիչ
Ծնողներ	հայր՝ Simon Fraser, 11th Lord Lovat?, մայր՝ Margaret Grant?
Զբաղեցրած պաշտոններ	member of the 12th Parliament of Great Britain?, member of the 13th Parliament of Great Britain?, member of the 14th Parliament of Great Britain? և member of the 15th Parliament of Great Britain?

Լովատի Սիմոն Ֆրեյզեր (անգլ.՝ Simon Fraser of Lovat, հոկտեմբերի 19, 1726(1726-10-19) - փետրվարի 8, 1782(1782-02-08)), տխրահռչակ յակոբինյան կլանի առաջնորդի որդի, որը պատվով էր ծառայում բրիտանական բանակում։ Նա նաև բանակ է կազմել, որը ծառայել է Յոթնամյա պատերազմում ֆրանսիացիների դեմ Քվեբեկում պայքարելիս, ինչպես նաև Ամերիկյան անկախության պատերազմում։ Սիմոնը Լովատի Ֆրեյզերների կլանի 19-րդ առաջնորդն էր։

Դոունի ամրոցը

Լովատի տեր

Սիմոնի մայրը Մարգարետ Գրանտն էր, իսկ հայրը՝ Ֆրեյզերների կլանի առաջնորդ, Լովատի լորդ, Սիմոն «աղվես« Ֆրեյզերը։ Որպես առաջին որդի( մի քանի քույրերից հետո) նա իր հոր ժառանգն էր, ուստի նաև Լովատի տերը։ Նա հասակ է առել Բեաուլիի մոտ իր տոհմական Դոունի ամրոցում և կրթություն է ստացել Էդինբուրգում ու սբ․ Էնդրյուսի համալսարանում։

1745-ական թվականներ

Ըստ այդ ժամանակվա իր հայրիկի քարտուղարներից մեկի, Սիմոնն այս ապստամբության հետ կապ չէր ունենա, եթե դա լիներ ամբողջապես իր հայեցողությամբ։ Սա հաստատում է ևս մեկը, որը նշում է, որ նրա հայրը «շատ խիստ մարդ» էր, որը մեծ իշխանություն ուներ իր զավակների վրա։ Այսպիսով, իր հայրիկի առաջարկով 1745 թվականի դեկտեմբերին Սիմոնն առաջնորդում է իր տոհմակիցներին հօգուտ Չարլզ Էդուարդ Ստյուարտի։

Նա ներկա չի եղել Քըլոդընի ճակատամարտին։Ընդհակառակը, Ինվերալոչիի Չարլզ Ֆրեյզերն էր գլխավորում 300 Ֆրեյզերներին, որոնք յակոբինյանների շարքերի առջևում էին և կարճատև գրոհից հետո հասել էին բրիտանացիների առաջնագծին ։ Սակայն, հանդիպելով հանովերյան ջոկատների երկրորդ շարքի դիմադրությանը, նրանց թափը կոտրվեց և նրանք անկանոն նահանջեցին՝ իրենց հետևից թողնելով շատ զոհվածներ և վիրավորներ։

Պատմական այս ժամանակահատվածի վերաբերյալ կան բազմաթիվ պատմությունններ կապված Լովատի տիրոջ հետ։ Ավանդական այդ պատմություններից մեկն այն է, որ երբ Քըլոդընից փախչող առաջին յակոբինյանները մոտեցան Ինվերնեսին, նրանց դիմավորեց Լովատի տիրոջ կողմից առաջնորդվող Ֆրեյզերների գումարտակը։ Նա անմիջապես շրջեց իր մարդկանց և ցած շարժվեց ճանապարհով հետ դեպի Ինվերնես դրոշներով ու փողեր նվագելով։ Երկրորդ պատմությունն այն է, որ նա մտադիր էր պահել Նեսս գետի վրայով անցնող կամուրջը, մինչև նրան չհամոզեցին հակառակը։ Երրորդ դեպքում, որը հանդիպում է Սառա Ֆրեյզերի «Վերջին լեռնեցին» գրքում, նա մտադիր էր գնալ մասնակցել Քըլոդընի ճահճուտի մարտին, բայց կամրջի մոտ նրան հանդիմանում է մի ուրիշ յակոբինյան՝ Էվան Բեյլլի անունով․ «Կռվել, աստված իմ, պարո՛ն։ Դուք ճանապարհին չէիք, երբ մարտը կարող էր ծառայություն լինել։ Լավ կանեք դրա մասին ոչինչ չասեք հիմա»։

Լովատի տիրոջ՝ Սիմոն Ֆրեյզերի յակոբինյան գնդի անդամների ցուցակ

Գնդապետ՝ Սիմոն Ֆրեյզեր, Լովատի տեր, Դաունի ամրոց, Քիլմորակ, Ինվերնես, փաաստաբան Փոխգնդապետներ՝ Ջեյմս Ֆրեյզեր Ֆոյերսից, Բոլեսկին, Ինվերնես։ Չարլզ Ֆրեյզեր կրտսեր, Ինվերալլոչի։ Մայոր՝ Ալեքսանդր Ֆրեյզեր Ֆեյրֆիլդից։ Կապիտաններ՝ Ալեքսանդր Ֆրեյզեր, Ինչնակարդոկ, Ալեքսանդր Ֆրեյզեր, Ռիլիչ, Կիրկհիլս, Ինվերնես։Հաֆ Ֆրեյզեր, Դորբուրն, Բորլում, ֆերմեր։ Հաֆ Ֆրեյզեր։ Սիմոն Ֆրեյզեր, Դելիհափլ, ֆերմեր։Ուիլյամ Ֆրեյզեր, Ֆորտ Ագուստուս, վաճառական։ Աուչնաքլոիչից Սիմոն Ֆրեյզեր, Աուչնաքլոիչ, Քիլտարլիթի, Ինվերնես, հարկահավաք։ Ալեքսանդր Ֆրեյզեր Բալչրեգգանից, Բալչրեգգան, Քըրքհիլ,Ինվերնես։Բրայֆիլդից Ջոն Ֆրեյզեր։ Կուլմիլնից Ուիլյամ Ֆրեյզեր, Կուլմիլն, Քըրքհիլ, Ինվերնես։ Դելերինգից Ուիլյամ Ֆրեյզեր, Ստրատերիք։ Ուիլյամ ֆրեյզեր կրտսեր Կուլբոկիից, կուլբոկի, Կիլտարլատի, Ինվերնես։ Ռորի ՄաքԴոնալդ Թրեյից։ Կրտսեր լեյտենանտներ՝Ալեքսանդր Ֆրեյզեր, Լետելուն, հարկահավաք և ֆերմեր։ Ալեքսանդր Մաքլվեր Ուելլհաուս, Քիլմորաք, Ինվերնես, սերժանտ, վարձակալ Ուելլհաւսում։ Սպաներ՝ Ալեքսանդր Ֆրեյզեր, Ստրատերիք, Հաֆ Ֆրեյզեր, Բիրնեհեն, Բոլեսկին, Ինվերնես։ Հաֆ Ֆրեյզեր, Հաֆ Ֆրեյզեր, Գրին օֆ Մուիրտոն, Ինվերնես, Ուրայթ։ Ջոն ՄաքՄայլսպեք Ֆրեյզեր։Ջոն Ֆրեյզեր, Բիրնցհեն, Ստրատերիք, հարկահավաք։ Ջոն Ֆրեյզեր, Մոյդի, Քիլմորաք, Ինվերնես։ Ջոն Ֆրեյզեր, Թիուիգ, Քիլմորաք։Սիմոն Ֆրեյզեր, Ստրատերիք, Ինվերնես, խաղողագործ։ Բրուայքցի Ջոն Ֆրեյզեր։ Գորթուլեգցի Թոմաս Ֆրեյզեր։ Լեդքլունցի Հաֆ Ֆրեյզեր։ Լիթլգարդցի Հաֆ Ֆրեյզեր։ Լիթլգարդցի Ջոն Դուո Ֆրեյզեր։Բոչուրբենցի Ջոն Ֆրեյզեր կրտսեր, Դոունի ամրոց, , Բոչուրբենում վարձակալ։Ալեքսանդր ՄաքԹավիշ։ Գարթենբեգցի Ջոն ՄաքԹավիշ։ Կամավորներ՝ Թոմաս հյուստոն, Դեյնամփլ, Բոլեսկին, Ինվերնես, համհարզ, գանձապահ։ Սերժանտներ՝ Դավիդ Ֆրեյզեր՝ Լովատի տիրոջ սպասավոր։ Ջոն Ֆրեյզեր, Ուելհաուս, Քիլմորաք, Ինվերնես, վարձակալ։ Դոնալդ ՄաքԼենան։ Սրնգահարներ՝ Ուիլյմ Ֆրեյզեր, Ուեսթեր Դաունի, Քիլթարլատի, Ինվերնես, Լովատի լորդի սրնգահար։ Դավիդ ֆրեյզեր՝ Լովատի լորդի սրնգահար։ Անհայտ կոչումով՝ Դոնալդ Քեմփեբելլ։ Ալեքսանդր Դոան։ Աբանինի Դոնալդ։ Էվան ՄաքԱիչեն։ Ջոն ՄաքԱիչեն։ Ալիստեր Մաքդոնալդ։ Դոնալդ ՄաքԴոնալդ։ Էնդրյու ՄաքԷնիաս։ Մալքոլմ ՄաքԷնիաս։ Դունքան ՄաքՋայլզ։ Ջոն Մաքջայլզ։ Ուիլյամ ՄաքՋայլզ։ Դոնալդ ՄաքՋայլզ։ Դունքան Մաքջայլզ։ Ռենալդ Մաքհավինչան։ Անգուս ՄաքՔիննոն։ Ջոն ՄաքՔիննոն։ Ջոն մաքԼեննան։ Արչիբալդ ՄաքԼեննան։ Դոնալդ ՄաքԼեննան։ Անգուս ՄաքՍուին, Այլ օֆ Սկայ, ֆերմեր Ռոաչում, Այլ օֆ Սկայ։ Թոմաս Մայքլ։ Շարքայիններ՝ Ջոն Քալդեր, Միլթոուն Ռեդքասլից, Քիլերնոն, Ռոսս։ Էվան Քեմըրոն, Ռոսս Հուզբանդրի Հիլհաուսում։ Ջոն Քեմըրոն, Ալգաս, Ռոսս,ջուլհակ։ Ալեն Քեմըրոն, Գլենդոբեգ։ Դոնալդ Քեմըրոն, Մուիրլագգան։ Դոնալդ Քեմըրոն, Քիլմորաք, Ինվերնես։ Դոնալդ Քեմըրոն, Թիհրովաթ, Քիլմորաք, Ինվերնես։ Մուրդոք Քեմըրոն, Ինվերնես-շայր։ անգւս Քեմփբելլ, Ինվերնես։ Ալեքսանդր Դունքան, Ինվերնես-շայր։ Ալեքսանդր Ֆորբս, Բեաուլի, ջուլհակ։ Ուիլյամ Ֆրեյզեր, Աիրդ, Ինվերնես-շայր, հողագործ Քիրքթաունում։ Թոմաս Ֆրեյզեր, Ինվերնես-շայր։ Ալեքսանդր ֆրեյզեր, Ինվերնես, ջուլհակ Մոնիքում։ Դավիդ Ֆրեյզեր, բալագելքեն, Ուրգուհարթ։ Դոնալդ Ֆրեյզեր, Ինվերնես,գյուղատնտես, Ֆորտ Ագուստուս։ Հաֆ Ֆրեյզեր, Ինվերնես, դերձակ Քոլվուլենում։ Հաֆ Ֆրեյզեր, Ինվերնես, գյուղատնտես, Դրիմհարդինիչ։ Հաֆ Ֆրեյզեր, Ինվերնես, գյուղատնտես, Իմիմուրի։ Ջեյմս Ֆրեյզեր, Ինվերնես, բանվոր։ Ջոն Ֆրեյզեր, Ինվերնես, ֆերմեր Քրեյգսքորիում։ Ջոն Ֆրեյզեր, Ռոսս, ֆերմեր Քրոչիլում։ Ջոն ֆրեյզեր, Էդինբուրգ, Պրն․ Միթչելի սպասավոր, գրող, Էդինբուրգ։ Ջոն Ֆրեյզեր, Ինվերնես, ջուլհակ։ Փիթր Ֆրեյզեր, Ինվերնես-շայր։ Սիմօն Ֆրեյզեր, Ինվերնես։ Ուիլյամ Ֆրեյզեր, Քիրքթաուն, Աիրդ, ֆերմեր։ Ալեքսանդր Ֆրեյզեր, Քլունի, Աբերդինի սպասավոր, Ֆրեյզեր դղյակ։ Ալեքսանդր Ֆրեյզեր, Ֆարալոն։ Ալեքսանդր Ֆրեյզեր, Գլենդոմոր։ Ալեքսանդր Ֆրեյզեր, Լիմայր, Քիլմորաք։ Ալեքսանդր Ֆրեյզեր, Միգավի։ Էնդրյու Ֆրեյզեր, Գլենդոմոր։ դոնալդ Ֆրեյզեր, բորլում։ դոնալդ Ֆրեյզեր, Դեյլրագ։ Դոնալդ Ֆրեյզեր, գարթբեգ։ դոնալդ Ֆրեյզեր, Գլենդոմոր։ Հաֆ Ֆրեյզեր, Արդոչի։ Հաֆ Ֆրեյզեր, Նոքի։ Ջեյմս Ֆրեյզեր, Նոքի։ Ջոն Ֆրեյզեր, Արդոչի։ Ջոն Ֆրեյզեր, Ինվերնես, ֆերմեր Բելլադրումում։ Ջոն Ֆրեյզեր, Բյուլի, Քիլմորաք, Ինվերնես։ Ջոն Ֆրեյզեր, Դալչափլ։ Ջոն Ֆրեյզեր, դեյլրագ։ Ջոն Ֆրեյզեր, Ենգլիշթաուն, ֆերմեր։ Ջոն Ֆրեյզեր, Ենգլիշթաուն, Քոթար։ Ջոն Ֆրեյզեր, Գլենոբեգ։ Ջոն Ֆրեյզեր, Նոքի։ Ջոն Ֆրեյզեր, Մուիրլագան։ Ջոն Ֆրեյզեր, Թինաիրդ։ Պաթրիք Ֆրեյզեր, Ինվերնես, գյուղատնտես Դրումլարդինիչում։ Ռոդերիք Ֆրեյզեր, Լինայր, Քիլմորաք, Ինվերնես, վարձակալ Լիմայրում։ Սիմոն ֆրեյզեր, Բեաուլի, Քիլմորաք, Ինվերնես։ Թոմաս Ֆրեյզեր, Արդոչի։ Թոմաս Ֆրեյզեր, Ենգլիշթաուն, դարբին։ Թոմաս Ֆրեյզեր, Գլենդո։ Թոմաս Ֆրեյզեր, Ինվերնես-շայր։ Ուիլյամ Ֆրեյզեր, Ալինդիչ։ Ուիլյամ Ֆրեյզեր, Արդոչի։ Ուիլյամ Ֆրեյզեր, Դրամմոնդ, Ստրաթերիք։ Ուիլյամ Ֆրեյզեր, Գլենդոմոր։ Դոնլադ Ֆրեյզեր, Բալագալկեն, Լոջի և Ուրգուհարթ,Նաիրն։ Ջեյմս Ֆրեյզեր կրտսեր, Բալագալկեն, Ուրգուհրթ, Նաիրն։ Փիթր Գոու, գարդեր, Բեաուլի, Կիլմորաք, Ինվերնես։ Ջոն Գրասիք, Ինվերնես-շայր։ Ալեքսանդր Մ՛դոուգալ, Փեյլնես, Ինվերնես։ Նեյլ ՄաքԱուլայ, Հյուսիսային Ուիսթ,թափառաշրջիկ դերձակ։ Հաֆ ՄաքԲաին, Բեաւլի, Քիլմորաք,Ինվերնես։ Ալեքսանդր մաքՔոուլ, Քիլմուիր։ Դոնալդ մաքդոնալդ, Ինվերնես-շայր։ Դունքան Մաքդոնալդ, Քուլդութելի Ֆրեյզերի եղբոր սպասավեր։ Սուին ՄաքԴոնալդ, Ինվերնես, մուրացկան։ Դոնալդ ՄաքՋիլիվարի, Աբերչալդեր։ Նեյլ ՄաքԳոարի, Ինվերնես-շայր։ Ջոն Մաքհութչեոն, Ինվերնես,լորդ Լովատի հովիվ։ Ուիլյամ Մաքինթոշ, Ինվերնես-շայր։ Ջաքսոլ ՄաքՔեյ, Ինվերնես-շայր։ Էվան ՄաքՔեյ, Գլենդոբեգ։ Ուիլյամ ՄաքՔենզի, Ինվերնես-շայր։ Էվան ՄմաքՔենզի, Ինվերնես-շայր։ Ալեքսանդր մաքՔենզի, Ինվերնես, գյուղատնտես Դրումհարդինիչում։ Դոնալդ ՄաքՔենզի, Ինվերնես-շայր։ Քոլին ՄաքՔենզի Չափլթոն, Քիլերնան, Ռոսս, Ռեդքասլի Չափլթոնում վարձակալ։ Մուրդո ՄաքՔենզի, Աբերչալդեր։ Ռոդերիք ՄաքԼին, Բրիջհաուս, Քիլմորաք, Ինվերնես։ Դոնալդ ՄաքԼեոդ, ֆերմեր Քրոսհիլում, Ռոսս։ Դանիել ՄաքԼեոդ, Ինվերնես։ Ֆարքուհար ՄաքՆուլի, Բյուլի, Քիլմորաք, Ինվերնես։ Ջեյմս ՄաքՖերսոն, Ինվերնես-շայր։ Ջոն ՄաքՌիչի, Լովատի լորդի հովիվ։ Ալեքսանդր ՄաքԹավիշ, Գարթբեգ։ Ալեքսանդր Մաքթավիշ, Մեգավի։ Դոնալդ ՄաքԹավիշ, Աբերչալդեր։ Դոնալդ ՄաքԹավիշ, Մեգավի։ Դուգալ ՄաքԹավիշ, ՍոուլենեգարԻ։ Ֆարքուհար ՄաքԹավիշ, արևելյան Աբերչալդեր։ Հուգու ՄաքԹավիշ, Գարթբեգ։ Ջոն ՄաքԹավիշ, Գարթբեգ։ Ջոն ՄաքԹավիշ, Մեգավի։ Թարվիս ՄաքԹավիշ, Աբերչալդեր։ Տավիշ ՄաքԹավիշ, Գարթենբեգ։ Թավիս ՄաքԹավիշ, Մեգավի։ Ալեքսանդր ՄաքԹիվիսհ, Աբերչալդեր։ Ջոն ՄաքՈւիլյամ, Քիլմորաք, Ինվերնես։ Թոմաս ՄաքՈւիլյամ, Փլաթչայք, Քիլմորաք, Ինվերնես։ Նեյլ ՄքԳոարի, Ինվերնես-շայր։ Էնդրյու Մոուչալ, Ինվերնես-շայր։ Դոնալդ Նոուբլ, Նոքի։ Մուրդոք Փաթերսոն, Լեթոչ օֆ Ռեդքասլ,Քիլմուիռ, Ռոսս։ Դոնալդ Փաթերսոն կրտսեր, Ռեդքասլի իսթր Քեսսոք, Քիլմուիր, Ռոսս։ Դոնալդ Փատերսօն, Սեն․ Իստեր Քեսսոք Ռեդցասլից, Կիլմուիր, Ռոսս։ Ջոն Ռիդել, Ինվերնես-շայր, Լովատի լորդի ձիապան։ Լաչլան Ռիթչի, Ինվերնես-շայր։ Դոնալդ Ռոսս, Ինվերնես-շայր։ Թոմաս Տեյլոր, Բրիջհաուս, Քիլմորաք, Ինվերնես։

Արդարացում և օրինական կարիերա

Քըլոդընի ճակատամարտից հետո, մի քանի շաբաթվա ընթացքում Սիմոնը հանձնվեց իշխանությանը և բանտարկվեց Էդինբուրգյան ամրոցում 1746թվականի նոյեմբերից մինչև 1747-ի օգոստոսը։ Հետո նա մնաց Գլազգոյում «թագավորի կամքով», որտեղ նա սովորեց Գլազգոյի համալսարանում։

Սիմոնն արժանացավ ամբողջական ներման 1750-ին, նույն տարում նրան կանչեցին 1747-ի շոտլանդական դատարան։ 1752 թվականին նա մասնագիտորեն փայլեց՝ հանդես գալով մի գործում ,որը քննում էր Քոլին Ռոյ Քեմփբելլի այրու հայցն ընդդեմ Ջեյմս Ստյուարտի, տխրահռչակ գործ, որը հայտնի է Ապպինի սպանություն անվամբ։ Ստյուարտը Ապպինի Ստյուարտների տեղական յակոբինյան կլանի անդամ էր, որը վերջերս վտարվել էր Քեմփբելլի հրամանով։ Ստյուարտին մեղավոր ճանաչեցին երդվյալների դատարանին հանցագործությանը մասնակից դարձնելու համար , որը հիմնականում բաղկացած էր Քեմփբելլներից( նախագահող դատավորը գլխավոր Քեմփբելլն էր) և Ստյուարտը կախաղան բարձրացվեց։

1753 թվականին նա ինքնառաջադրվեց առաջիկա ընտրություններում Ինվերնես-շայրի համար(որն ուներ ընդհանուր առմամբ 26 ընտրող), բայց Արջիլի 3-րդ դուքսը անհանգստանալով, որ դա կարող է նորից բորբոքել կլանայնությունը, համոզեց Ֆրեյզերին չընտրվել։

Ռազմական ծառայություն

Հյուսիսային Ամերիկայում Ֆրանսիայի հետ Բրիտանիայի պատերզմը հավաքագրման խնդիրներ առաջացրեց, ավելի շատ «հուսահատության», քան թե «ոգևորվածության» և կառավարությունը որոշեց զինվորներ հավաքագրել Շոտլանդիայից։ Սիմոնը, որը ժառանգական տիրղոսը ստացել էր 1745-ից հետո, մի քանի շաբաթում ընդգրկեց 800 մարդու իր ընտանեկան կալվածքներից։ Նա նշանակվեց փոխգնդապետ և զորագունդը, որ սկզբնապես կոչվում էր հետիոտների 78-րդ զորագունդ, շուտով վերանվանվեց Ֆրեյզերի շոտլանդաացիներ։

Ջոկատի համազգեստը լեռնեցու ամբողջական հագուստ էր, մուշկետով և թրադաշույնով ․․․և փորսուղի կամ ջրասամույրի մորթուց բաճկոնով։Արծվի կամ բազեի փետուր կրում էին սպաները իրենց գլխարկների վրա, իսկ զինվորները զարդարում էին իրենցը կլանային կամ տեղական տարբերակիչ նշանների փնջով։

Զորագունդը 1757-ին ուղարկվեց Հյուսիսային Ամերիկա և ձմեռեց Հալիֆաքսում, Նովա Սկոտիայում։ Այստղ ֆրեյզերը հրաժարվեց կատարել իր վերադասների հրամանը զինվորներին մայրցամաքի դաժան ձմեռներին ու շոգ ամառներին ավելի համապատասխան հագուստ հագցնելու հարցում։ Նրանց յուրահատուկ ազգային տարազը նույնիսկ բարձրացնում էր իրենց կռվելու որակը, ինչպես նշում էր սպաներից մեկը, բացի իրենց քաջությունից ու արագաշարժությունից, «նրանց հագուստը օգնում է նրանց հարմարվել այս կլիմային, ու իրենց ավելի նշանակալի դարձնել»։

Նրանք աչքի ընկնան ֆրանսիացիների հետ պայքարում 1758 թվականի Լուիսբուրգի պաշարման ժամանակ (գեներալ Վոլֆի հարամանատարությամբ), Աբրահամի հարթավայրի ճակատամարտում 1759 թվականին և մի տարի անց Մոնրեալի նվաճման ժամանակ։

1762 թվականին Ֆրեյզերը հեռացավ իր զորախմբից Պորտուգալիայում ծառայելու համար, որտեղ նա հասավ գեներալ-մայորի կոչմանը իսպանացիների դեմ պորտուգալական ուժերին առաջնորդելիս։ Հաջորդ տարի նրա ջոկատը ցրվեց դեռևս Կանադայում, և նա սկսեց վճարվել կիսով չափ։

71-րդ հետիոտնային ջոկատի սպա.

1775 թվականին Ամերիկյան անկախության պատերազմը սկսելիս գեներալ Ֆրեյզերը կազմեց ևս մի զորաջոկատ երկու գումարտակով, որը հայտնի էր հետիոտների 71-րդ ջոկատ անվամբ(ոչ պաշտոնապես՝ Ֆրեյզերի լեռնեցիներ), թեև նա նրանց չուղեկցեց Հյուսիսային Ամերիկա։

Հետագա կյանք

1761 թվականի ապրիլին Արջիլի դուքսը, որը դեմ էր դուրս եկել ֆրեյզերի ընտրվելուն, մահացավ։ Հաջորդ ամիս Ֆրեյզերն առանց ընդդիմադրի ընտրվեց Ինվերնես-շայրի համայնքների պալատում, Հյուսիսային Ամերիկայից իր վերադարձի հենց հաջորդ օրը։ Նա վերընտրվեց երեք անգամ և մնաց ներկայացուցիչ մինչ մահ։ Եվ սա այն դեպքում, երբ նա հաճախ էր բացակայում։ Այս ժամանակաշրջանի համայնքների պալատի պատմությունը նշում է «մի կարճատև այցելության» մասին 1766 թվականին, ինչպես նաև Պորտուգալիայի բացակայությունները 1768-ին։ Անշուշտ, նա կարող էր լինել Բրիտանիայի դեսպանը այս ժամանակահատվածում, քանի որ մի ուրիշ աղբյուր նշում է, որ նա ներկայացնում էր բրիտանական կառվարությանը Լիսաբոնում 1770 թվականին։

1774 թվականին Լովատի կալվածքները վերադարձվեցին իրեն( բայց ոչ տիտղոսը)։ Սա եղավ մյուս խլված կալվածքների վերադարձնելուց մի ամբողջ տասնամյակ առաջ ու վկայում էր գահին Ֆրեյզերի մատուցած ծառայությունների չափի մասին։ Նա այնուամենայնիվ հպարտանում էր իր շոտլանդական ինքնությամբ։ 1778-ին նա հիմադիր անդամ էր ու առաջին նախագահը Լոնդոնում լեռնեցիների կազմակերպության։ Դրա ընդհանուր նպատակն էր «խթանել Շոտլանդիայի հետաքրքրությունները», իսկ գործնական նպատակները՝ վերացնել լեռնեցիների հագուստը կրելու արգելքը, գալիական լեզվի, երաժշտության ու գրականության խթանումը, դպրոցների հիմնումը, գյուղատնտեսության բարելավումը, ուժասպառ լեռնեցիների հարկերի թեթևացումը, և «ռազմական ոգին պահելն ու լեռնեցիների զորքի խիզախ նվաճումները պարգևատրելը»։ Նրա խորթ եղբայր Արչիբալդը միացավ կազմակերպությանը հենց նույն տարում։

Ֆրեյզերն ամուսնացավ Քեթրին Բրիսթոուի հետ, բայց նրանք երեխաներ չունեցան։ Մահացել է Լոնդոնում 1782 թվականին 56 տարեկան հասակում։ Նրա հետագա կյանքը նշանավորվում է հասարակական ակնածանքով, նրա անվան հանդեպ որոշակի պարտքի զգացումով։ Նրա խորթ եղբայր Լովատի Արչիբալդ Քեմփբելլ Ֆրեյզերը հաջորդեց նրան որպես 20-րդ ՄաքՇիմիդ կամ Ֆրեյզեր կլանի առաջնորդ։

Ֆրեյզերը գրականության մեջ

Գեղարվեստական գրականության մեջ Սիմոն Ֆրեյզերը հանդիպում է երկու անգամ, բայց անբարենպաստ լույսի տակ։ Նա Ռոբերտ Լուիս Ստիվենսոնի «Կատրիոնա» վեպի հերոսներից է՝ գրված 1893-ին։ ( Վեպի իրադարձություններն ու հերոսները կապված են Ապպինի սպանության հետ)։ Նա նաև հանդես է եկել որպես հերոս Դիանա Գաբալդոնի 1992 թվականի «Էյմբերի ճպուռը» վեպում, երկրորդ վեպն իր «օտարները» շարքում։ Այդտեղ Ֆրեյզերը Ջեմմի Ֆրեյզերի պապիկն է։ «Օտարները» հեռուստասերիալի երկրորդ սերիայում Լովատի դերը կատարում է Ջեյմս Փարիսը։

Ֆրեյզերի նկարագրություն

Վերևի Ֆրեյզերի պատկերը իրականում կարող է լինել իր խորթ եղբոր՝ Արչիբալդի նկարը։ Սա ամբողջությմբ քննարկվում է Արչիբալդի Վիքիպեդիայի էջում։

Գրականության ցանկ

• Duffy, Christopher (2003) The '45. Bonnie Prince Charlie and the Untold Story of the Jacobite Rising. Orion Books Ltd. 978-0-7538-2262-3
• Fraser, Marie (2005) 'The Old 78th Regiment of Foot', article on Clan Fraser of Canada society website. https://web.archive.org/web/20061021041126/http://clanfraser.ca/78th.htm Accessed 6/3/16.
• Fraser, Sarah (2012) The Last Highlander. Scotland's Most Notorious Clan Chief, Rebel and Double Agent. Harper Press, London. 978-0-00-722949-9
• Lenman, Bruce (1984) The Jacobite Clans of the Great Glen 1650-1784. Scottish Cultural Press, Dalkeith. 1 898218 19 6
• Mackenzie, Alexander (1896) History of the Frasers of Lovat, with genealogies of the principal families of the name: to which is added those of Dunballoch and Phopachy. A&W Mackenzie, Inverness.
• Macpherson, Alan Gibson (1996) A Day’s March to Ruin. The Badenoch men in the ‘forty-five and Col. Ewen Macpherson of Cluny. Clan MacPherson Association, Newtonmore. 0952858703 (pbk)
• Namier, Lewis & Brooke, John (1964, republished 1985) The House of Commons 1754-1790. Seeker & Warburg, London.
• Sinclair, John (1813) An Account of the Highland Society of London, from its establishment in May 1773, to the commencement of the year 1813. B. McMillan, London.