Լոբե Նդիայե (ֆր.՝ Lobé Ndiaye, սեպտեմբերի 8, 1971(1971-09-08), Դակար, Սենեգալ), սենեգալցի կին գրող, կառավարության մարդկային ռեսուրսների կառավարման վարչության աշխատակից, վավերագրական ֆիլմերի հեղինակ, ով 2019 թվականին արժանացել է Բենինի Դադա Գբեհանզին արքայի մեծ մրցանակի (ֆր.՝ grand prix littéraire Roi Dada Gbêhanzin)[1]:
Հեղինակել է մի շարք վեպեր (Sirènes de la nuit/Գիշերային սիրեններ (նոր հրատարակություն, 2019 թ.), Une perle en éclats/Փշրված մարգարիտը, 2017 թ., Guirlande de lumière sur Makéda./Լույսի շղթայահյուսք Մակեդայի վրա...): Գրել է նաև վիպակներ, պատմվածքներ, բանաստեղծություններ։ Ֆրանսիական ռադիոյի ու հեռուստատեսության միջազգային խորհրդի (Conseil international des radios et télévisions d'expression française)՝ CIRTEF-ի հետ համագործակցելով՝ ստեղծել է վավերագրական կարճամետրաժ բազմաթիվ կինոնկարներ։
Une perle en éclats/Փշրված մարգարիտը վեպը 2019 թվականին արժանացել է Բենինի Դադա Գբեհանզին արքայի մեծ մրցանակի[5]։
« De goûts aigres et d’encens » վիպակների ժողովածուն հատուկ դրվատանքով է հիշատակվել Լեոպոլդ Սեդար Սենգորի հիմնադրամի կազմակերպած գրական մրցույթում։
« La princesse de Sabodola » վիպակին շնորհվել է Afrik art մրցույթի մրցանակը։
« La femme - lionne » («Առյուծ կինը») կարճամետրաժ վավերագրական կինոնկարը ներկայացվել է Բուրկինա Ֆասոյի մայրաքաղաք Ուագադուգուում անցկացված կինոյի և հեռուստատեսության համաաֆրիկյան փառատոնի մրցութային բաժնում։
Yayoudokhandème կարճամետրաժ վավերագրական կինոնկարը արժանացել է Vues d’Afrique կինոփառատոնի մրցանակի։
« Le cercle brisé » կարճամետրաժ վավերագրական կինոնկարը արժանացել է Ֆրանսիական ռադիոյի ու հեռուստատեսության միջազգային խորհրդի (Conseil international des radios et télévisions d'expression française)՝ CIRTEF-ի խրախուսական մրցանակին։
↑Ellerson Beti (2020)։ «African Women, Cinema, and Leadership: Empowerment, Mentorship, and Role-Modeling»։ Black Camera11 (2): 222–238։ doi:10.2979/blackcamera.11.2.11
Սենեգալ