Լյուբով Գակկեբուշ

Լյուբով Գակկեբուշ;
Ծնվել է	սեպտեմբերի 14 (26), 1888
Ծննդավայր	Նեմիրով, Bratslavsky Uyezd, Պոդոլսկի նահանգ, Ռուսական կայսրություն
Մահացել է	մայիսի 28, 1947 (58 տարեկան)
Մահվան վայր	Կիև, Ուկրաինական ԽՍՀ, ԽՍՀՄ
Գերեզման	Լուկյանովսկոե գերեզմանատուն
Մասնագիտություն	դերասանուհի
Աշխատավայր	Ն. Վ. Լիսենկոյի անվան պետական երաժշտա-դրամատիկական ինստիտուտ
Կուսակցություն	ԽՄԿԿ
Պարգևներ և ; մրցանակներ
	Liubov Gakkebush Վիքիպահեստում

Լյուբով Միխայլովնա Գակկեբուշ (ուկրաիներեն՝ Любов Михайлівна Гаккебуш, սեպտեմբերի 14 (26), 1888, Նեմիրով, Bratslavsky Uyezd, Պոդոլսկի նահանգ, Ռուսական կայսրություն - մայիսի 28, 1947(1947-05-28), Կիև, Ուկրաինական ԽՍՀ, ԽՍՀՄ), թատրոնի ուկրաինացի խորհրդային դերասանուհի, մանկավարժ և թարգմանիչ։ Ուկրաինական ԽՍՀ ժողովրդական արտիստ (1943)^[1]։ Միխայիլ և Վալենտին Գակկեբուշների քույրը, Վասիլի Վասիլկոյի կինը^[2], Վալերի Գակկեբուշի մայրը։ Լեդի Մակբեթի դերի առաջին կատարողն ուկրաինական բեմում։

Կենսագրություն[խմբագրել | խմբագրել կոդը]

Ծնվել է ազնվական ընտանիքում։ Սովորել է Կիևի ազնվաբարո օրիորդների ինստիտուտում, կանանց բարձրագույն դասընթացներում և Մոսկվայի Կամերային թատրոնի ստուդիայում։ 1917 թվականից սկսել է իր բեմական գործունեությունը պրոֆեսիոնալ բեմում՝ Ուկրաինայի ազգային թատրոնում (1917-1918), այնուհետև` Կիևի Շևչենկոյի անվան Ուկրաինական ԽՍՀ առաջին թատրոնում (1919-1921), Վիննիցայում Ֆրանկոյի անվան Ուկրաինական ԽՍՀ երկրորդ թատրոնում (1921-1922)։ 1922-1926 թվականներին խաղացել է Լես Կուրբասի «Բերեզիլ» թատրոնում՝ նախքան Խարկով տեղափոխվելը։ 1926-1928 թվականներին խաղացել է Հոկտեմբերյան հեղափոխության անվան Օդեսայի թատրոնում, 1928-1933 թվականներին՝ Խարկովի Կրասնոզավոդսկի թատրոնում, Ստալինո (Դոնեցկ) տեղափոխվելուց հետո աշխատել է Դոնեցկի թատրոնում (1933-1938)։ 1938-1941 թվականներին կրկին խաղացել է Հոկտեմբերյան հեղափոխության անվան Օդեսայի թատրոնում։

Պատերազմի տարիներին՝ տարհանման ժամանակ, միացել է Խարկովի Շևչենկոյի անվան ուկրաինական թատրոնի թատերախմբին (1941-1944)։ ԽՄԿԿ անդամ է եղել 1943 թվականից։

1944 թվականից հետո բնակվել է Կիևում և Կիևի թատերական ինստիտուտում կենտրոնացել թարգմանչական գործունեության վրա։

Խաղացանկ[խմբագրել | խմբագրել կոդը]

Դերասանուհու տաղանդն առավել ցայտուն է դրսևորվել դասական խաղացանկի դերերում․

Իոկաստա (Սոֆոկլեսի «Կայսր Էդիպ»),
Լեդի Մակբեթ (Շեքսպիրի «Մակբեթ»),
Ֆրու Ալվինգ (Իբսենի «Ուրվականներ»),
Գուրմիժսկայա (Օստրովսկու «Անտառ»),
Իորգիս (Իբսենի «Հյուսիսային դյուցազուններ»),
Վասսա (Գորկու «Վասսա Ժելեզնովա»),
Ներիս (Լեսյա Ուկրաինկայի «Օրգիա»)։

Դերեր է կատարել նաև ժամանակակից դրամատուրգների պիեսներում․

Լյուբով Յարովայա (Տրենևայի «Լյուբով Յարովայա»),
Կլարա (Աֆինոգենովի «Վախ»),
Գիլդա (Կոչերգայի «Երգ Սվիչկայի մասին»),
Տալանովա (Լեոնովի «Ներխուժում»),
Յարոսլավնա (Դնեպրովսկու «Խնձորի գերությունը»)։

Մոլիերի, Գորկու («Բուրժուա»), Տրենևի, Աֆինոգենովի, Ռոմաշովի ուկրաիներեն թարգմանությունների հեղինակն է։

Ծանոթագրություններ[խմբագրել | խմբագրել կոդը]

↑ Театральная энциклопедия. Гл. ред. С. С. Мокульский. Т. 1 — М.: Советская энциклопедия, А — «Глобус», 1961, 1214 стб. с илл., 12 л. илл.
↑ Гаккебуш Любов… С. 339

Գրականություն[խմբագրել | խմբագրել կոդը]

Єрмакова Н. П. Акторська майстерність Любові Гаккебуш. — К.: Наукова думка, 1979. — 123 с.
Гаккебуш Любов / ЕУ— С. 339
Жадько В. О. Український некрополь.— К., 2005.— С. 151
Н. П. Єрмакова. Акторська майстерність Любові Гаккебуш. — Київ: Наукова думка, 1979. — 123 с.
Смолич Юрій Корнійович Перша актриса нового українського театру (Любов Гаккебуш) / Смолич Ю. Про театр.— К., 1977.
Liubov Hakkebush Արխիվացված 2021-11-27 Wayback Machine(անգլ.)

Վիքիպահեստն ունի նյութեր, որոնք վերաբերում են «Լյուբով Գակկեբուշ» հոդվածին։

[te1-1] Театральная энциклопедия. Гл. ред. С. С. Мокульский. Т. 1 — М.: Советская энциклопедия, А — «Глобус», 1961, 1214 стб. с илл., 12 л. илл.

[2] Гаккебуш Любов… С. 339

[1]

[2]