Լյուբլյանայի համալսարան
Լյուբլյանայի համալսարան | |
|---|---|
 | |
| Տեսակ | հասարակական համալսարան և ազատ հասանելիության հրատարակություն |
| Հիմնադրված է | 1919[1] |
| Անվանված է | Ալեքսանդր I Կարագեորգիևիչ և Edvard Kardelj? |
| Ռեկտոր | Ivan Svetlik? |
| Անդամակցություն | Mediterra, Ուտրեխտի ցանց, Եվրոպական Քաղաքական Ինստիտուտների Ցանց և Եվրոպայի համալսարանների միություն[2] |
| Երկիր |  Սլովենիա[3] |
| Տեղագրություն | Լյուբլյանա |
| Պարգևներ | «Բացառիկ ծառայությունների համար» շքանշան |
| Կայք | uni-lj.si |
| University of Ljubljana Վիքիպահեստում | |
Լյուբլյանայի համալսարան (սլովեն.՝ Univerza v Ljubljani), համալսարան Լյուբլյանայում։
Սլովենիայի ամենահին համալսարանն է, որն ունի ավելի քան 37,000 ուսանող։ Եվրոպայի խոշորագույն համալսարաններից մեկն է, ունի 23 ֆակուլտետ, երեք գեղարվեստական 3 ակադեմիա[4]։ Մտնում է եվրոպական համալսարանների Ուտրեխտի ցանցի մեջ։
Պատմություն[խմբագրել | խմբագրել կոդը]
Դեռևս 17-րդ դարում Լյուբլյանայում գործել են հումանիտար ու աստվածաբանական ակադեմիաներ, իսկ 1810 թվականին՝ Նապոլեոնի ժամանակներում, երբ Սլովենիան մտնում էր Իլիրիայի նահանգի մեջ, այստեղ հիմնադրվել է առաջին համալսարանը (ֆր.՝ Écoles centrales), որը, սակայն, շուտով փակվել է։
Առաջին համաշխարհային պատերազմից և Սերբերի, խորվաթների ու սլովենացիների թագավորության ձևավորումից հետո 1918 թվականի նոյեմբերի 23-ին Լյուբլյանայում ստեղծվել է համալսարանական հանձնաժողով, որն իր վերջնականորեն ձևավորումն է ստացել 1918 թվականի դեկտեմբերի 5-ին դոկտոր Դ․ Մայարոնի նախագահությամբ։ Հանձնաժողովի քարտուղարն է եղել բանասեր, դոկտոր Ֆրան Ռամովշը։
Արդեն 1919 թվականի մարտից սկսվել են ապագա համալսարանի առանձին ֆակուլտետների ձևավորման շուրջ հանձնաժողովի աշխատանքները։ 1919 թվականի հուլիսի 16-ին Թագավորության խորհրդարանը Բելգրադում որոշում է ընդունել համալսարանում բացել իրավագիտության, փիլիսոփայության, տեխնիկական, աստվածաբանական ու բժշկական ֆակուլտետներ (վերջինս երկամյա ոչ լիարժեք ուսուցմամբ)։ Որոշումը նույն թվականի հուլիսի 23-ին ստորագրել է տեղապահ Ալեքսանդրը[5]։ Առաջին դասախոսությունը սլովեներենով 1919 թվականի դեկտեմբերի 3-ին կարդացել է պրոֆեսոր Ֆրան Ռամովշը։
Ակադեմիական առաջին տարում (1919-1920) համալսարանում ուսանել է 942 ուսանող՝ 28 աղջիկ, 914 տղա, իսկ 1940-1941 ուստարում ուսանողների թիվը հասնում էր արդեն 2474-ի։
Ներկայումս համալսարանում աշխատում է 3,500 պրոֆեսոր ու գիտաշխատող, ինչպես նաև մոտ 900 մարդուց բաղկացած տեխնիկական ու վարչական անձնակազմ։ Համալսարանի տարեկան բյուջեն կազմում է 330,7 միլիոն եվրո (2018)[4]։
Մինչև Մարիբորում համալսարան բացումը (1978) Լյուբլյանայի համալսարանը միակն է եղել Սլովենիայում։
Ֆակուլտետներ և ակադեմիաներ[խմբագրել | խմբագրել կոդը]
Ֆակուլտետներ[խմբագրել | խմբագրել կոդը]
|
|
|
|
Ակադեմիաներ[խմբագրել | խմբագրել կոդը]
- Երաժշտական ակադեմիա
- Թատրոնի, ռադիոյի, կինոյի ու հեռուստատեսության ակադեմիա
- Գեղարվեստի ակադեմիա
Համալսարանի ռեկտորատը գտնվում է Լյուբլյանայի կենտրոնի պատմական շենքում։ Համալսարանին կից գործում է աստղագիտական գեոֆիզիկական աստղադիտարան։
Ծանոթագրություններ[խմբագրել | խմբագրել կոդը]
- ↑ The University of Ljubljana — 2014.
- ↑ https://eua.eu/about/member-directory.html
- ↑ (unspecified title) — 2003.
- ↑ 4,0 4,1 University in numbers
- ↑ Официальный сайт Люблянского университета. История ЛУ
Արտաքին հղումներ[խմբագրել | խմբագրել կոդը]
- Պաշտոնական կայք(սլովեն.)(անգլ.)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լյուբլյանայի համալսարան կատեգորիայում։ |
| ||||||||||||
