Լինդսի Դունկան

Լինդսի Դունկան
Ծննդյան թիվ՝	նոյեմբերի 7, 1950(1950-11-07) (73 տարեկան)
Ծննդավայր՝	Էդինբուրգ, Միացյալ Թագավորություն
Քաղաքացիություն՝	Միացյալ Թագավորություն
Մասնագիտություն՝	թատրոնի դերասանուհի և կինոդերասանուհի
Պարգևներ՝	Լոուրենս Օլիվյեի պարգև Թատերական համաշխարհային մրցանակ «Թոնի» մրցանակ կնոջ լավագույն դերակատարման համար պիեսում Drama Desk Award for Outstanding Actress in a Play? Evening Standard Theatre Award for Best Actress? և Sitges Film Festival Best Actress award?
IMDb։	ID 0242026

Լինդսի Դունկան (անգլ.՝ Lindsay Duncan, նոյեմբերի 7, 1950(1950-11-07), Էդինբուրգ, Միացյալ Թագավորություն), շոտլանդացի դերասանուհի, ով իր ամենամեծ հաջողություններին հասել է թատերական ներկայացումների միջոցով։ 2009 թվականին նրան շնորհվել է Բրիտանական կայսրության շքանշան դրամատիկական վարպետության ասպարեզում ձեռք բերած նվաճումների համար։ Դունկանն արժանացել է ամերիկյան Թոնի մրցանակի «Լավագույն դերասանուհի» անվանակարգում՝ «Անձնական կյանք» (2001) ֆիլմում իր դերակատարման համար. նախկինում նա առաջադրվել էր այդ մրցանակին « Վտանգավոր կապեր» ֆիլմի համար (1985-1986)։ Բացի այդ, նրան երկու անգամ շնորհվել է Լոուրենս Օլիվյեի անվան մրցանակ՝ լավագույն դերասանուհի անվանակարգում։

Կենսագրություն

Դունկանը ծնվել է Էդինբուրգում (Շոտլանդիա)։ Ավարտել է Լոնդոնի համալսարանի դրամատիկական դպրոցը, որից հետո սկսել է ելույթ ունենալ Շեքսպիրյան թագավորական ընկերությունում՝ Royal Shakespeare Company- ում, որտեղ էլ ծանոթացել ու մտերմացել է իր ապագա ամուսնու՝ դերասան Հիլթոն Մաքրեյի հետ ։ Բեմում իր կարիերային զուգահեռ Դունկանը երբեմն հանդես է եկել բրիտանական հեռուստատեսությամբ։ 1985 թվականին նա նշել է իր նորամուտը մեծ էկրանին՝ «Անփույթ կապեր» կատակերգության գլխավոր հերոսուհու կերպարի մարմնավորմամբ, իսկ հետագայում երկրորդական դերեր է ստանձնել «Ականջներդ սրեք» (1987), «Քաղաքապետարան» (1996) և «Իդեալական ամուսին» (1999), « Մենսֆիլդ Պարկ » (1999), «Խփել նշանակետին» (2004), « Ալիսան հրաշքների աշխարհում » (2010), «Բոյֆրենդ՝ ապագայից» (2013) և « Թռչուն-մարդը» (2014) ֆիլմերում։:

2013 թվականին Դունկանն արժանացել է բրիտանական անկախ կինոյի մրցանակին՝ «Շաբաթավերջը Փարիզում» ֆիլմում գլխավոր հերոսուհու կերպարը տպավորիչ կերպով մարմնավորելու համար։ Նա նկարահանվել է նաև «Հայելանման մաշկ» (1990) և «Տոսկանյան արևի տակ» (2003) ֆիլմերում։ Համեմատաբար հաճախ Դունկանն աշխատել է հեռուստատեսությունում, որտեղ գլխավոր և երկրորդական դերեր է խաղացել տարբեր մինի-սերիալներում և ֆիլմերում՝ երեք անգամ առաջադրվելով BAFTA հեռուստատեսային մրցանակի։ 2005-ից 2007 թվականներին նա նկարահանվել է BBC / HBO-ի «Հռոմ» սերիալում։

Ընտրյալ ֆիլմագրություն

Տարի		Հայերեն անվանում	Բնօրինակ անվանում	Դեր
1987	ֆ	Սրեք ձեր ականջները	Prick Up Your Ears	Անթեա Լառ
1988	ֆ	Մանիֆեստ	Manifesto	Լիլի
1989	ս	Հերոինի ուղին	Traffik	Հելեն
1990	ֆ	Հայելանման մաշկ	The Reflecting Skin	Դոլֆին
1996	ֆ	Քաղաքապետարան	City Hall	Սիդնի
1999	ֆ	Կատարյալ ամուսին	An Ideal Husband	լեդի Մարկբի
1999	ֆ	Աստղային պատերազմներ։ Առաջին դրվագ։ Թաքուն սպառնալիք	Star Wars: Episode I – The Phantom Menace	TC-14
1999	ֆ	Մենսֆիլդ Պարկ	Mansfield Park	леди Бертрам / միսիս Փրայս
2003	ֆ	Տոսկանյան արևի տակ	Under the Tuscan Sun	Քեթրին
2005	ս	Ագաթա Քրիսթիի Պուարոն	Agatha Christie’s Poirot	լեդի Թամփլին
2005-2006	ս	Ուրվականներ	Spooks	Անջելա Ուելս
2005-2007	ս	Հռոմ	Rome	Սերվիլյա
2006	ֆ	Խփել նշանակետին	Starter for 10	Ռոուզ Հարբինսոն
2008	ս	Կլանված Օսթինի գրքով	Lost in Austen	լեդի Քեթրին
2009	ս	Դոկտոր Ով	Doctor Who	Ադելաիդա Բրուք
2010	ֆ	Ալիսան հրաշքների աշխարհում	Alice in Wonderland	Հելեն Քինգսլի
2010	ս	Ագաթա Քրիսթիի միսս Մարփլը	Agatha Christie’s Marple	Մարինա Գրեգ
2010-2011	ս	Թռիր ինձ հետ	Come Fly With Me	պատմող
2011	ս	«Լակոնիա»-ի խորտակումը]]	The Sinking of the Laconia	Էլիզաբեթ Ֆուլվուդ
2011	ֆ	Քրիստոֆերն ու նրա նմանները	Christopher and His Kind	Քեթլին Իշերվուդ
2011	ս	Դեմքով դեպի պատը	Against the Wall	Ֆեյթ Կովալսկի
2011	ս	Սև հայելի	Black Mirror	Ալեքս Քերնս
2011-2012	ս	Մերլին	Merlin	թագուհի Էննիս
2012	ս	Մի-մի հատ էլ	Absolutely Fabulous	Ջին Դյուրան
2012	ս	Փուչ թագ	The Hollow Crown	Յորքի դքսուհի
2012	ս	Վալանդեր	Wallander	Մոնիկա Ուեսթին
2013	ֆ	Բոյֆրենդ՝ ապագայից	About Time	մամա
2014	ֆ	Թռչուն-մարդը	Birdman	Թաբիթա
2014-2017	ս	Շերլոկ	Sherlock	լեդի Սմոլվուդ
2016	ֆ	Ալիսան հայելիների աշխարհում	Alice Through the Looking Glass	Հելեն Քինգսլի
2016	ս	Թշնամուն մերձ	Close to the Enemy	ֆրաու Բելինգհաուզեն
2017	ֆ	Շնորհալին	Gifted	Էվելին Ադլեր
2017	ս	Լքվածները	The Leftovers	Գրեյս Փլեյֆորդ
2018-2021	ս	Վհուկների հայտնաբերումը	A Discovery of Witches	Իզաբո դը Կլերմոն
2019	ֆ	Փոքրիկ Ջոն	Little Joe	հոգեբույժ
2019	ֆ	Սև դեղձանիկ	Blackbird	Լիզ
2019	ֆ	Իմ Զոին	My Zoe	Քեթի
2020	ֆ	Պատրաստված է Իտալիայում	Made in Italy	Քեյթ
2020	ս	Մթին հումք	His Dark Materials	Օկտավիա
2021	ս	9-րդ համարի ներսում	Inside No. 9	Լորետա Լեմ

Արտաքին հղումներ

• Լինդսի Դունկան Internet Movie Database կայքում
• «Lindsay Duncan resume». Dalzell & Beresford. Արխիվացված է օրիգինալից 2011 թ․ դեկտեմբերի 17-ին.
• Sulcasmarch, Roslyn (2014 թ․ մարտի 7). «Just Another Great Role for What's-Her-Name: Lindsay Duncan Stars in 'Le Week-End'». The New York Times.

Վիքիպահեստն ունի նյութեր, որոնք վերաբերում են «Լինդսի Դունկան» հոդվածին։