Լիկյոր

Վիքիպեդիայից՝ ազատ հանրագիտարանից
Jump to navigation Jump to search
Լիկյոր
Homemade strawberry liqueur.jpg
Տեսակալկոհոլային խմիչք և ըմպելիք
Ենթատեսակspirit drink?
Liqueurs Վիքիպահեստում

Լիկյոր (ֆր.՝ liqueur, լատ.՝ liquor «հեղուկ» բառից), անուշաբույր, սովորաբար քաղցր խմիչք, որը պատրաստվում է մրգային կամ հատապտղային հյութերից, հոտավետ բույսերի թուրմերից, արմատներից, համեմունքներից և այլն։ Էթիլային սպիրտի պարունակությունը լիկյորում տատանվում է 15 %-ից մինչև 75 %, իսկ շաքարի պարունակությունը, որպես կանոն, տատանվում է 25 %-ից մինչև 60 %[1]։

Պատմություն[խմբագրել | խմբագրել կոդը]

Լիկյորների առևտրային արտադրությունը սկսվեց Միջնադարում, երբ ալքիմիկոսները, բժիշկները և վանականները փնտրում էին կենսատու թուրմը։ Դա բերեց լայն տարածում գտած լիկյորների արտադրության, դրանց թվում նաև կրոնական միաբանությունների անունները կրող, որոնք առաջին անգամ ստացան այդ խմիչքը։ Մեր օրերում լիկյորների արտադրությունը զարգացած է գրեթե ամենուր, այս կամ այն տեղական տարատեսակները հաճախ են հիշատակվում ուղեցույցներում՝ զբոսաշրջիկների ուշադրությունը գրավելու համար։

Տարատեսակներ[խմբագրել | խմբագրել կոդը]

Լիկյորների զանազանության և դրանց օգտագործման եղանակների պատճառով, գոյություն ունեն դրանց դասակարգման բազում տարբերակներ՝ ըստ թնդության, ըստ քաղցրության աստիճանի (Ֆրանսիայում հայտնի եղանակ), ըստ համային հիմնական բաղադրիչների (մրգային, ցիտրուսային, խոտաբույսային և այլն), ըստ սպիրտային հիմքի տեսակի։ Լիկյորի անունը կարող է ապրանքանիշ լինել (օրինակ՝ Baileys, Grand Marnier), կամ պարզապես ծագումնաբանական անուն (Օրինակ՝ Irish cream, Կյուրասաո)[2]

Ավանդական լիկյորները բաժանվում են թունդ (35 %-45 % սպիրտ, 30 %-50 % շաքար), դեսերտային (25 %-30 % սպիրտ և 25 %-30 % շաքար) և կրեմ (15 %-23 % սպիրտ և 50 %-60 % շաքար)։ Առաջին խմբին են դասվում առավել հին լիկյորների մեծամասնությունը, որոնք արտադրվել էին վանականների, դեղագործների, հրուշակագործների կողմից։ Կրեմ-լիկյորները հայտնվել են համեմատաբար վերջերս, 20-րդ դարի կեսերին, դրանք տարբերվում են խտությամբ և շատ քաղցր համով[3]։

Լիկյորները սովորաբար մատուցում են ճաշի վերջում՝ թեյի կամ սուրճի հետ։ Օգտագործում են ինչպես անապակ, այնպես էլ բազում խմիչքների և կոկտեյլների հետ խառնած։ Օգտագործվում են նաև բոլոր հնարավոր ուտեստների, առաջին հերթին աղանդերի պատրաստման համար։

Հայտնի լիկյորներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Das WikipediA Lexikon in einem Band. MOHN Media. Mohndruck GmbH. Gütersloch.2008 ISBN 978-3-577-09102-2
  2. «Ликеры»։ Барменская ассоциация России։ Արխիվացված է օրիգինալից 2017-09-23-ին։ Վերցված է 2015-12-11 
  3. Д.И. Ермакович, А.А. Синяк Ликеры // Коктейли. — М.: АСТ. — С. 102. — 160 с. — ISBN 978-5-17-080803-8

Գրականություն[խմբագրել | խմբագրել կոդը]

  • Стюарт Уолтон Энциклопедия крепких спиртных напитков = The New Guide to Spirits and Liqueurs. — М: БММ, 2004. — С. 58-105. — 128 с. — ISBN 5-88353-196-2
  • Федор Евсевский Библия бармена. — 2-е изд.. — Евробукс, 2004. — С. 148-157. — 304 с. — ISBN 5-9900239-1-X